ISAIAH 53:7 - Cho Bible Common Language 2016

⁷ “Ani cu shedam na u ne, zawhnem nak ci gui; Cun ung phi ani cu adümah om ci, ng’thu m’khaät phi kä pyen ci. Ami ngawn law vai ah htome hta ah mäih ah, amu ami k’teih law vai ah htome ah mäih ah, ani naw ng’thu m’kha ät phi kä pyen ci.

ISAIAH 53:7 Referans Kwoze

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

1 PETER 2:23

Shedam nak ci phi kä shedam na tu ba ci, a geinvai yah ung phi, a u kä ng’vanglaak na ne, düng sei m’khoichak ciah Khanpughi ung, ang ngaih u nak cu ap ci.

MAKUH 14:61

Cun ung phi Bawipa Jesuh cu m’kha ät ah phi ng’thu kä pyein ne a düm hta ah om ci. Taigütung naw, “Nang cu yeikyai nak ah Khanpughi ah Htapa Messiah ah na kyak ci ma?” cine ng’shi ba mä ci.

JOHAN 19:9

Cun ah kyasei kyong ah lut law ba netah, Bawipa Jesuh-am, “Nang a hawi kaa na lawk ci ang?” cine ng’shik ci.

LUKA 23:9

Herod naw Bawipa Jesuh cu akda ah ng’shi sei phi kä m’hlan tuba ci.

MAKUH 15:5

Cun ung phi Bawipa Jesuh cu kä chiü ne a düm ah om khätah, Pilat bawi cu ang htei ah ngaihtüh khit ci.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

THU PHLAAN 5:6

Cun kawn ah htomehta cu khiküi paphli la aghaampa gui ah ng’lung ah mang kiaang ah lai ung ng’düi sei ka hmuk ci. Ani cu küikyan nak vai ngawn pyi ah htomehta awn täng ci. Ani ung aki chih la amik chih om ci. Cun gui cu khomdek khan avan ung a tüih ah Khanpughi ah Mumcha chih ah kyak ci.

SAM 44:22

Cun ung phi nang ah m’hnüt nak ung, keimi cu akphlüt ah na ngawn gui ci gui, aat ne kyih vai ah htome ah mäih ah na bi gui ci gui.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

JEREMIAH 11:19

Kei cu ngawn vai ami hteh püi ah htome hta ah mäih ah ngaih gep nak om ci, ngami naw kei na hnungtuk püi ne akshe gui bi vai ami pawng püi cu kei naw kä ka hmat ci. Ngami naw pyen ci gui, “Sing ghing cu a gai sangung mi chuk khai nei; ani cu mi ngawn khai nei, cun ung ani cu a u naw phi kä shüm ba khai.”

SAM 38:14

Kei cu a i kä ng’yak ne, a u kä m’shang thei ciah mäih ah ka kyak ci.

SAM 38:15

Cun ung phi Bawipa, nang ung ka ng’ap ci nei; O Bawipa, ka Khanpughi, nang naw na na m’shang khai nei.

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.