ISAIAH 53:6 - Cho Bible Common Language 2016

⁶ Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

ISAIAH 53:6 Referans Kwoze

1 PETER 2:25

Nangmi cu lam hma ne maih ciah htome ah mäih ah nami kyak ci, cun ung phi nami m’lung ning shum gui ciah Htoshäm ah ma ah nami gawk law ba pyi ci nei.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

SAM 119:176

Maih ciah htome ah mäih ah ka ng’vaak shüi ci nei; Na changshäm cu law ne na teng law ä, Kei naw na thukhän gui cu kä ka nawng düt ci nei.

ROMAN 4:25

Khanpughi naw Bawipa Jesuh cu mikmi ah katnak ah hmawk ah sih nak ung gawk sak ci, Khanpughi naw mikmi cu chang düng ah k’bäi ne ana dou gui vai ah hmawk ah sih nak ungka thawh ba sak ci.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

JAMES 5:20

Cun ah cheishoh ciah chang lam a hma nak ungka khü ne law püi ba ciah chang cu, cheishoh ciah chang ah mumcha sik nak ung kaa phiawn sak ne, a cheishoh nak gui phung m’geinsei nak a gah vai ah m’hteihtang ciah kyak ci, ci cu nami hmat vai nei.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

ISAIAH 56:11

Ngami cu sokang aih ne a phü kä ng’yak ciah ui gui awn täng ci gui. Shinah ng’vai gui ng hmuh hmat nak a i kä om ci. Ngami a chang sing naw ami mät ah m’hni bi u ne, ami mät ah hmawk bäng shui ci gui.

SAM 69:4

Amawng kä om ciah kei na gen ci gui cu, ka lumu ah ta, da pi ci nei. Ka gaa gui naw ami hleei pyen ne na ng’küük neet püi ci gui, ngami cu m’gäi u ne kei na ngawn hlük ci gui. Kei naw kä ka m’guk phi na m’thung sak ci gui.

EZEKIEL 3:18

Kei naw chang shekha cu sik khai cine ka ng’shäu ah a kyak ung, ani ah hnun gui a phiawn nak hning vai ah a hteh nak am thawng vai ah nang naw ng’thu kä na k’bäi ah a kyak ung, ani cu kak ciah chang ah kya ne sik khai, ani ah sih nak cu nang naw na ma nak vai kyak khai.

ISAIAH 6:7

Ani naw vi ciaa meicak awn ka m’nei na tawk neta, shin naw na m’nei ning tawk pyi ci, tuhbäi na katnak maih pyi ci, na katnak gui cu ning m’geinsei pyi nei.”

ISAIAH 40:2

Jerusalem chang gui k’thamah nak pe gui ä. M’thein gui ä, ami yaica nak cu shou lawk ci nei, tuhbäi ngami ah natnak cu m’geinsei pyi nei. Ngami ami katnak avan ah phäh ah akbe ah ka m’kyuk gui pyi ci nei.”

ISAIAH 53:5

Cun ung phi mikmi ah katnak ah phäh ah ani cu leimbai ne, mikmi naw akshe mi bi ah phäh ah tuk thah nak gah ci. Ani ah yai ca nak ah m’kyuk nak awn mikmi cu gai nak mi gah ci. Ani ah gah ah tuk thah nak awn mikmi mi phyawng ci.

ISAIAH 53:7

“Ani cu shedam na u ne, zawhnem nak ci gui; Cun ung phi ani cu adümah om ci, ng’thu m’khaät phi kä pyen ci. Ami ngawn law vai ah htome hta ah mäih ah, amu ami k’teih law vai ah htome ah mäih ah, ani naw ng’thu m’kha ät phi kä pyen ci.

ISAIAH 53:11

Zaica ne ghin nak ang pyi kawn ung, ani ung yeikyai nak om ba khai; A yaica nak cu a kholä ah kä kyak khai cicu ani naw hmat khai. Bä ciah ka changshäm, ani ung kei ka yeikyai ci, chang akda m’kyuk nak vai cu ani naw khan ci, ani ah hmawk ah kei naw ngami ka m’geinsei gui khai.

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

ISAIAH 55:8

“Bawipa naw pyen ci, “Kei ah ka ngaih-tüh gui cu nangmi ah mäih ah kä kyak ci, kei ah ka lam cu nangmi awn kä täng ci.

JEREMIAH 50:6

“Kei ah chang gui cu Khomhtung khanah htoshäm naw a maih sak gui ah htome ah mäih ah kyak ci gui. Ngami cu khomhtung tumat ungka naw tumat un glum ciah htome ah mäih ah kyak ci gui, ngami naw ami im a hawi om cicu m’hnin ci gui.

DANIEL 9:5

“Keimi cu kami hmakat ci, keimi cu kami sawkshe ci, keimi naw cheishoh khai ah kami bik ci. Kami bi vai ah nang naw na thumkhän ci keimi naw kami k’taih ci, nang naw a hman na na m’hnuh gui cu kami ng’hlah tak ci.

ATÜNNAK 22:6

Abraham naw Isaak am sing kawh sak ne, a mät naw khim la mei k’cak kawt sei hteit ci goi. Hteit shäng shäng ni neta,

SUKI GUI 21:25

Cun sang ung Israel gui ung ghangpughang kä om ci. A changsing cu ami mät ah m’hni ah om ci gui.

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.