ISAIAH 53:3 - Cho Bible Common Language 2016

³ Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

ISAIAH 53:3 Referans Kwoze

MATTHE 26:67

Cun kawn ah chang gui naw Bawipa Jesuh cu a hmai ung m’thui u ne, amshah gui naw thäk u sei, amshah gui naw a hmai ung k’beeih u netah,

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

MAKUH 14:34

“Kei cu kam lung kyong na aih khai ah ka yaica ci. Nangmi naw shin ung ngaih na ne nami na gin vai nei” cine ang düihpüi thum gui cu m’cäi gui shüt ci.

ISAIAH 53:4

Cun ung phi mikmi ah khan khin ah yaica nak cu ani naw khan ci, mikmi ah khan khin ah m’neh nak cu ani naw khan ci. Khanpughi naw a tüih law ah m’kyuk nak ah mi ngai ci.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

LUKA 9:22

Cun kawn ah Bawipa Jesuh naw, “Chang ah Htapa naw yaica nak akda awt khai, chang ng’vai gui, taigüpa gui, thukhän saya gui naw, shedam nak khai gui. Ani cu sih nak phi awt khai, cun ung phi ak hnüüp thum hnüüp tho ba ne ghing ba khai” ci ne ang düihpüi gui-am m’thein gui ci.

LUKA 16:14

Ngui ng’ya hlük ciah pharisee gui cu, cun ah ng’thu cu ng’ya u netah, Bawipa Jesuh cu m’lep nak ci gui.

LUKA 8:53

Hnumi hta si pyi ciah hmat ciah chang gui naw, Bawipa Jesuh cu m’lep nak ci gui.

MAKUH 15:19

Cun kawn ah alu ung htung awn that ci gui, ami m’shi awn m’thui ci gui, ama ah m’khukdoong ne kawp ne taigü ng’hlawk ci gui.

MAKUH 9:12

Bawipa Jesuh naw, “Apäng avan cu ana pyang m’tham ma khai ah Elijah cu akcang ah kyum law ma khai. Cun ung phi cacim naw, “Chang ah Htapa cu yaica nak la shedam nak khan khai” cine a i ah kyasei a pyein ang?

JOHAN 11:35

Bawipa Jesuh cu kyap ci. Cun hmu u netah, Bawipa Jesuh akchang gui naw,

JOHAN 8:48

Ngami naw Bawipa Jesuh-am,” Nang cu Samaritan chang, khoshe ah kai nei “Kami cicu kä hman ne ma?” ci nak ci gui.

MATTHE 27:63

“Bawi aw, cän ah hleei ciah chang a ghin yah ung ‘Kei ak hnüüp thum hnüüp sih nak ungka ka tho ba khai,’ a cicu kami shüm ba ci nei.

MIKHAH 5:1

Jerusalem chang gui, Nami gakap gui bum vä! Na khaai gui ci gui nei! Ngami naw Israel ng’vai gui cu ng’tuk püi pyi ci gui nei.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

LUKA 19:41

Bawipa Jesuh cu Jerusalem gawnu ah gawk law ne, cun ah gawnu cu hmu law netah, kyap ci. Bawipa Jesuh naw, “Nang Jerusalem,

SAM 69:29

Kei cu m’neh m’awh ne ka gein vai ci; O Khanpughi, na zu chang ne, na hun ä!

MAKUH 10:33

Bawipa Jesuh naw, “Ngai vä mikmi cu Jerusalem ah mi hteit lawk ci. Jerusalem kho ung chang ah Htapa cu, taigüpa gui la thukhän saya gui ah kut ung ap lawk khai gui nei. Ngami naw chang ah Htapa cu sih nak ung tüi u ne, chang khui hei gui-am ap khai gui nei.

MAKUH 10:34

Chang khui hei gui naw chang ah Htapa cu päipih u ne, ami m’shi awn m’thui khai gui, that khai gui, ngawn khai gui; cun ung phi ak hnüüp thum hnüüp ung sih nak ungka tho ba khai nei” ci ne m’thein gui ci.

ISAIAH 52:14

Chang akda cu ani hmu u neta cat ci gui; Ani cu sheshui düt ne kyak ci kya ne, Chang ah mäih phi kä law ba ci.

SAM 88:4

Kei cu chang hei gui ah mäih ah ka si tuk khai ah kyak ci nei; ka thagui avan maih pyi ci nei.