ISAIAH 53:2 - Cho Bible Common Language 2016

² Kho lei chawng ung khäng sei ng’yung ne, tho ciah sing ghing ah mäih ah a changshäm a kyak vai cu Bawipa naw ng’ya hlük ci nei. Kiom nak a i phi kä om ci. Ani ung na khäihleng ci phi a i kä om ci, m’hni hlü vai phi a i kä om ci.

ISAIAH 53:2 Referans Kwoze

ISAIAH 52:14

Chang akda cu ani hmu u neta cat ci gui; Ani cu sheshui düt ne kyak ci kya ne, Chang ah mäih phi kä law ba ci.

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

MAKUH 6:3

Shin ah chang cu Mari ah hta, im co ciah chang, James, Josef Judas la Simon ni ah ami phäi ah kä kya ne ang? Ani be gui phi mi pigaw chang gui ah maw?” cine ami mät ng’htau ci gui. Cun ah kyasei ngami naw Bawipa Jesuh cu maa nak ci gui.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

MAKUH 9:12

Bawipa Jesuh naw, “Apäng avan cu ana pyang m’tham ma khai ah Elijah cu akcang ah kyum law ma khai. Cun ung phi cacim naw, “Chang ah Htapa cu yaica nak la shedam nak khan khai” cine a i ah kyasei a pyein ang?

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

1 PETER 2:14

Bawi gui cu akshe bik ci gui m’kat gui khai la akni bik ci gui m’kümto gui khai ah, ghangpughang naw am düih gui cicu nami yum vai nei.

JOHAN 19:5

Bawipa Jesuh cu ng’hling lukhu ng’büng ne, suinu asen sui ne ak phung ah lut law ba ci. Pilat naw, “Teng vä, ani nei” ci ne pyein ci.

JOHAN 18:40

Ngami naw, “Ani käk phiawn vai nei, Barabbas nei k’phiawn vai” ci ne m’lau ci gui. (Barabbas cu m’guk ei ah kyak ci.)

LUKA 9:58

Bawipa Jesuh naw, “Sa ui cu a khui om ci, kha phi ang bu om ci, cun ung phi chang ah Htapa alu m’chim ne ang düm nak vai phi kä om ci.

ZEKHARIAH 6:12

M’gäi ciah Bawipa ah ng’thu na m’thein vai cu, Ang ban ah ami khü ah chang cu, acun ung om ci khäng ne, Bawipa ah pum im cu co ba ci nei.

LUKA 2:7

Mari cu pamihta ah hta lawk ci. Ngani cu ani im kai nak vai im kä awng ci kyasei, ak hmawhta cu yih awn hlawp ne vantang ei-ko ung m’ih ci goi.

ISAIAH 4:2

Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

ZEKHARIAH 3:8

Joshua aw, ngai ä, nang cu taigütung ah na kyak ci; ani ah ak taigü paw gui phi ngai vä, nangmi cu ngawi ah akni law vai nami m’dang ciah nami kyak ci. Kei naw ka changshäm ka ng’dang sak khai, ani cu angban ah khü ah kyak ci!