ISAIAH 53:11 - Cho Bible Common Language 2016

¹¹ Zaica ne ghin nak ang pyi kawn ung, ani ung yeikyai nak om ba khai; A yaica nak cu a kholä ah kä kyak khai cicu ani naw hmat khai. Bä ciah ka changshäm, ani ung kei ka yeikyai ci, chang akda m’kyuk nak vai cu ani naw khan ci, ani ah hmawk ah kei naw ngami ka m’geinsei gui khai.

ISAIAH 53:11 Referans Kwoze

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

ROMAN 4:24

Mikmi ah hmawk ah phi kyak ci, a i ah kya sei ci ung, Jesuh mi Bawipa sih nak ungka thawh ba sak ciah Khanpughi cu, mi yum nak awn Khanpughi naw chang düng ah na k’bäi gui ne a na dou gui ah hmawk ah kyak ci.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

1 JOHAN 2:1

Ka hta nau gui awi, nangmi kä nami cheishoh vai ah shin ah ca ka ning guk law gui ci nei. Cun ung phi chang tumat mat cu a cheishoh law ah a kyak ung mikmi ah hmawk ah nang paa pe gui khai, düng ciah Bawi tumat om ci nei, cun cu Bawi Jesuh Khrit ah kyak ci.

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

JOHAN 16:21

Hnumi tumat cu a hta law vai ung a nau poi m’neh ne ang htei ah yaica ci, cun ung phi a hta kawn ah m’dek khan ah chang tumat ng’tüi lawk ci kyasei, anat nak cu kä shüm ba ci.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

ISAIAH 53:8

Ani cu pha u neta, ngawn ci gui, Cun ung phi ani ah ghin nak cu a u naw a i ah kä ngai ci. Ani cu mikmi chang gui ah katnak ah phäh ah sih nak ami pek ah kyak ci.

ISAIAH 45:25

Kei, Bawipa naw Jakob ah hta ng’shon avan cu ka gung gui khai nei, Ngami naw m’tamkhah nak na pek khai gui nei.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

2 JOHAN 1:3

Pa Khanpughi la ah A Htapa Bawipa Jesuh Khrit ah m’geinsei nak, chihna nak la dimdeeih nak cu, thu thuuk shing ne m’hni nak om ciah mikmi ah khan ah om sä.

2 JOHAN 1:1

A ng’vaihta kei naw, akcang ah kam hni ah hnumi nu la a hta gui am ca ka guk lawk ci nei. Kei bäng ah kä kyak ciah thu thuuk ung m’hni nak hmat ci phung naw, nang cu ning m’hni ci nei.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

KALATIAN 4:19

Kam hni ah ka hta nau gui aw! Bawi Khrit ah m’lung ngaih nangmi ung kä a om pha ah chuih, kei cu hta lawk khai ah nu ah mäih ah ka yaica ci nei.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

ROMAN 5:9

Mikmi cu Jesuh Khrit ah sih nak awn Khanpughi ung mi ng’düng pyi ci kya sei, Khanpughi ah m’lung k’she nak ung a na k’phiawn gui cu ngaih gep vai kyak ci.

JOHAN 12:24

Kei naw akcang ka pyein cu, geit m’shi cu m’dek ung kä va kya ne, kä thuce ne a om ah a kyak ung, amät ah kawn ah kä da lawpi hlawt khai nei. M’dek ung va kya netah, athu ce ung vah akda ah vuipai m’theih tak ba man ci;

LUKA 22:44

Bawipa Jesuh cu ang htei ah yaica ne aktung ah taigü ci; am hutui gui cu si ah mäih ah lut law ne m’dek ung kya lawk ci gui.

ISAIAH 49:3

Ani naw pyen nak cu, “Israel, nang cu ka ning changshäm nei; nang ah hmawk ah chang gui naw kei cu na m’tam khai gui.”

ISAIAH 52:13

Bawipa naw pyen ci, “Ka changshäm cu a bilawh nak ung näng nak om khai; Ani cu a hlüngtai ah m’tam khah khai gui.

DANIEL 12:3

Cüivai ciah ang vaihta gui cu khankho mik ah akhang avan ah mäih ah ng’shü khai gui. Düng nak bi vai ah chang akda m’theithang ci gui cu, aisi ah mäih ah angtäi sei ng’shü khai gui.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.