ISAIAH 53:10 - Cho Bible Common Language 2016

¹⁰ Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

ISAIAH 53:10 Referans Kwoze

ROMAN 8:32

Khanpughi naw amät ah Htapa cu kä ng’vang nah ne, chang van ah hmawk ah pe ne, na küikyan gui ci nei. A Htapa hngaw mikmi ah hmawk ah pek ciah Khanpughi naw, a päng avan cu, kä ng’vangca ah kä na pe gui ne kä om khai nei.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

EPHESIAN 1:5

Khanpughi naw mikmi cu, am’hni nak awn Bawi Khrit ung a hta gui ah mi kyak khai ah a na k’bäi gui pyi ah kyak ci. Cun cu Khanpughi ah ng’bü nak la ang yak hlü ah kyak ci.

ROMAN 6:9

Bawi Khrit cu sih nak ungka tho ba pyi ci kya sei, ani ung sih nak kä om ba phung khai, sih nak naw ani cu kä uk ba hlawt khai.

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

ROMAN 8:8

Amät ah hnicim chang ah ng’yak hlü ah läk ciah chang cu, Khanpughi naw kä m’tamkhah hlawt ci.

JOHAN 12:24

Kei naw akcang ka pyein cu, geit m’shi cu m’dek ung kä va kya ne, kä thuce ne a om ah a kyak ung, amät ah kawn ah kä da lawpi hlawt khai nei. M’dek ung va kya netah, athu ce ung vah akda ah vuipai m’theih tak ba man ci;

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

ISAIAH 46:10

A htük ge ung, kho ah ng’pyi nak vai ah mawng kei naw ng’cä ne ka pyen ci; cau pui ge ung a i ah kya lawk khai cicu kei naw ka pyen tu ge ci. Kei naw ka pawng pui gui cu kä yung kya phung khai cine kei naw ka pyen ci, Cun ah kyasei kei naw ka bi vai ah ka k’bäi phung cu ka bik khai nei.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

HEBRU 7:27

Ani cu a hei taigütung gui awn kä täng ci, Amät ah cheishoh nak la chang hei gui ah cheishoh nak ah hmawk ah ak hnüüp tä sei küikyan nak vawihpeh vai kä hlü ci. A i ah kyasei ci ung amät naw amät apeit sang ung hnü ät ge ang bäng ah ang ap ah hmawk ah kyak ci.

HEBRU 2:13

Cun kawn ah Bawipa naw, “Kei cu Khanpughi ung kang ap khai nei,” cik ci, cun kawn ah, “shin ung Khanpughi ah na peit ah hta gui awn a täng ah kami om ci nei,” cine pyein ba mä ci.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

EPHESIAN 1:9

Khanpughi naw acüivai nak la alulang nak awn, ang bü nak cu dang khai ah bi bik ci. Bawi Khrit ung akümbe sak ah thuuk ne ng’kau ciah a mawng gui cu mikmi am na hmat sak gui ci.

LUKA 1:33

Ani cu Jakob ah hta ng’shon ung ngawi yä ghangpughang ah kiak khai, a uknak cu kä düt hlawt khai” cine pyein ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

ZEPHANIAH 3:17

Bawipa na Khanpughi naw ning om püi ci nei; A huham naw näng nak ning pek khai. Bawipa cu nang ung yeikyai ne, amhni nak awn ghin nak akthai ning pek khai, Ani cu nang ah khan ah yei ne ng’äi m’cu khai.

MIKHAH 7:18

O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

EZEKIEL 37:25

Ngami cu kei naw ka changshäm Jakob am ka pek ah khaw ung om khai gui, cun cu ami pupa gui ah om nak ah khaw ah kyak ci. Ngami cu acu ah khong län ung om khai gui, ami hta nau gui la ami htangshon gui phi om khai gui. Ka changshäm David ghangpughang ah mäih ghangpughang naw ang’täi ah uk gui khai.

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

JEREMIAH 32:41

Ngami ah phäh ah akni bäng bi ne yei nak ka lak khai, kei naw shin ah khaw ung angtäi ah ka om sak gui khai.

SAM 149:4

Bawipa cu ak chang gui ung lünlawi ci; M’lung neim ci gui cu näng nak awn m’tam gui ci.

SAM 147:11

Ani ah lünlawi nak cu, ani m’tamkhah ciah chang la ng’täi ciah am’hni nak ung yum htek ciah chang gui ah kyak ci.

SAM 89:29

Ani ah ng’shon cu khankhomik ah mäih ah khäng khai, Ani ah hta ng’shon cu angtäi sei ghangpughang ah kyak khai.

SAM 72:17

Ghangpughang ah ming cu a u naw kä m’hnih en sä; Hni a ghin ah chuih aming thang sä. Khanpughi naw ghangpughang hriham a pek mäih ah changpakhui van naw hriham cu ng’zoi u sä.

SAM 22:30

Malam ah hta ng’shon gui naw a khuut bik khai gui; Chang gui naw Bawipa mawng cu lawk ciah ng’shon ung pyen khai gui.

2 THESSALONIAN 1:11

Cun ah a mawng ung nangmi ah hmawk ah keimi angtäi sei kami taigü ci. Khanpughi naw a ning khü gui ah mäih ah nami ghin om hning vai ah keimi naw Khanpughi ah kami ning yoih thäh pe guici nei. Ni kyom nak vai ah nami ng’yak hlü avan cu a hlüngtai nak awn ning kümbe sak gui ne, yum nak awn nami bilawh gui nüng phi ning kümbe sak gui sä.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

SAM 89:36

Ani cu ngawi yä ng’shong bang khai; ani ah uknak kho cu hni ang shü ah chuih kei naw ka ngäng khai.

SAM 72:7

Düng ciah ah chang cu a ghin yah ung bämang sä, cha a vai ah chuih bühmang sä.

SAM 69:26

Nang naw na m’kyuk cu ngami naw dukdeiu na tu ba ci gui; nang naw na leim bai sak nak gui awn geinvai sak ci gui ah mawng cu, ngami naw pyen ci gui.

SAM 21:4

Ghin nak ning yoi sei na pek ci, ang’shäi ghin nak la angtäi ghin nak ah kyak ci.

SAM 110:3

Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

ISAIAH 54:3

Nang naw na khogi cu amawng avan ung, na ng’shawng sak vai nei; Tuhbäi khuihei gui naw ami khäm ah khaw cu, na chang gui naw gah ba khai gui nei.

ISAIAH 61:9

Ngami cu chang pakhui gui ah ng’lung ah ming thang khai gui; ngami hmu gui ciah chang päng naw kei naw hriham ka pek ah chang ah kyak ci gui ah hmat gui khai.”

ISAIAH 66:22

Khomdek thai la khankhaw thai cu kei ah huham awn khäng ne a om mäih ah, nangmi htangshon gui la nami ming cu khäng ne om khai nie.

SAM 22:31

“Bawipa naw ak chang gui hun gui ci” ci cu, kä ng’tüi phak ci gui-am phi m’thein gui khai gui.

ISAIAH 49:4

Kei naw ka pyen ci, “Kei naw ka bik ci, cun ung phi cun cu a kholä ah kyak ci nei! Kei naw ka thagui ka mang ci, cun ung phi ei mang vai a i kä om ci.” Cun ung phi ka mawng ma na shungvong khai ah Bawipa ung ka ng’ap ci nei; kei naw ka bilawh ah phäh ah ani naw na m’cümhnak khai nei.

JOHAN 13:32

Khanpughi naw abämang nak cu chang ah Htapa ung ang dang sak kawn ah chang ah Htapa ah bämang nak phi amät naw dang sak khai, atuhbäi acun cu bi law ge khai.