ISAIAH 51:9 - Cho Bible Common Language 2016

⁹ Bawipa, tho law ne, na m’htei gui ä! Na huham mang ne na hun gui ä; cau pui pui na mang man ah a cun cu mang ba ä. Tuinu-k’phyu hlui kahab kiük ne phyit cicu nang ah kyak ci nei.

ISAIAH 51:9 Referans Kwoze

ISAIAH 52:1

Jerusalem, na khüighat vai, na dämduh ba vai nei! Theingcim ciah khanpughi ah mang gaw, suinu na sui bei vai nei! Khui hei gui cu na m’kawt ung kä lut tu ba phung khai gui nei.

ISAIAH 27:1

Cun ah hnüüp ung Bawipa naw huhem mah ne sihnak ah khim cu mang ne leviathan k’phhynu cu m’kyuk khai, cun cu ng’ten ne ng’vet ciah k’phyu ng’hlui ah kya ci, ani naw tuinu ung om ciah phyucung cu ngawn khai.

SAM 89:10

Nang naw nget ciah Rahab cu shudeng ne na ngawn ci; m’gäi ciah na thagui awn na ga gui cu tu ne na k’täm gui ci.

ISAIAH 30:7

Egypt naw a pek ah m’htei htang nak cu a kholä nei. Cun ah kyasei kei naw Egypt ming m’hlawt awn ka khü cu, “Am’äm kä om ciah phyu ng’hlui” ah kya ci.

EZEKIEL 29:3

Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.

ISAIAH 51:17

Jerusalem, ng’shüm law? Na mät naw namät m’tho ne, let law! Bawipa na a m’lungshe nak, na awk vai ah a ning pek ah m’kyuk nak ah khap cu na aw pyi ci nei; Nang naw na yuk awk te, a cun naw ning phiui ci nei!

SAM 44:1

O Khanpughi, Cau pui pui ak küikyang na bi lawh gui ah mawng cu kami pupa gui naw pyen u sei, kami hnga awn kami ng’yak ci nei:

JOB 26:12

Ani naw akthagui awn tuinu cu näng ne khäm ne, tuinu phyu ng’hlui Rahap phi m’di ci.

SAM 7:6

m’lungshe ne tho law, Bawipa! Ng’düi law ne, ka ga gui ah m’lung so nak cu hnu ng’tuk püi gui ä; Na mät tho law ne kei cu na m’htei ä! Taga nak cu nang ah m’düih ah kyak ci.

HABAKKUK 3:13

Na chang gui na hun gui khai ah na hteit ci, na ghü ah ghangpughang phi na hun khai, changshe gui ah ami ng’vai gui cu nang naw hniim ne, ani läk ci gui cu na m’di yawp ci.

ISAIAH 62:8

Bawipa naw küi kyang ciah shaitak cu bik ci, A mätah huham awn ani naw m’khüp ne bik khai: “Nami pümhtang gui cu na mi ga gui ah ei ah kä kya ba khai, Nami sapyit tui gui cu a khohei chang gui naw kä aw ba khai gui.

SAM 93:1

Bawipa cu ghangpughang ah kyak ci. Ani cu huham la thamah nak suisak ci. Khomdek cu a hmun ung khäng ne, kä hnün hnawk hlawt ci.

SAM 87:4

“Kei na ngai ciah pakhui ka m’hnüt law ung Egypt la Babilonia cu ka kum khai nei; Philistin, Tire la Sudan chang gui cu, Jerusalem mang gaw chang ung ka khei gui khai nei,” cik ci.

SAM 44:23

Ng’shüm law ä, Bawipa! A i ah kyasei na ih ang? Tho law ä! Keimi cu kä na hnu en na gui lä ä.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

THU PHLAAN 11:17

“Yanta, tuhngawi, ngawi yä ghing ne om ciah Hlüngtai pi bäih ciah Bawipa Khanpughi Küikyang ciah na hlüngtai nak awn na uk pyi ciah kyasei, Kami ning yeikyai nak ci nei!

LUKA 1:51

Am gäi nak ah a kut awn am lung m’däm ci gui cu, m’taai gui yawp ci.

HABAKKUK 2:19

Nangmi cu nami ng’yiin ci! Sing akpii am, “Tho vä!” nami cik ci. Lung shep ne pyan am, “Ng’düi ä!” nami cik ci. Cun ah agup naw ng’thu ning m’than ba gui hning ne ang? Ani cu ghui la ngui awn hluk ah kyak ci, cun ung phi akyong ah ghin nak kä om ci.

ISAIAH 53:1

Chang gui naw m’shang u ne, “Tuhbäi keimi naw kami pyen cu, a u naw yum khai ang? Shin ung Bawipa ah kut hnün cu a u naw hmuk khai ang?

ISAIAH 51:5

Kei naw ang ghit ah law ne ka hun gui khai; kei ah näng nak vai ah akhin cu ng’et ci nei. Kei ka mät naw chang pakhui gai ka uk gui khai. Ashou nak khaw ah ka gui naw ka law vai cuna äih ci gui nei. Ngami naw ka hun gui khai ah ngaih u nak awn na äih ci gui nei.

SAM 78:65

Ak hnu ah Bawipa cu ip te ciah chang ah mäih ah, sapyit tui aw te ciah chang m’gäi ah mäih ah tho law ba ci.

SAM 21:13

Bawipa, ghaa ciah na thagui ah hmawk ah kami ning m’hlüngtai ci nei! Keimi naw ng’äi m’cu ne, na hlüngtai nak cu kami m’taam ci.

SUKI GUI 6:13

Kideon naw pyen tu ba ne, “Bawi aw, ka ning shi hlük ci nei, Bawipa naw na om püi gui ciah a kyak ung a i ah kyasei, shin ah akshe gui avan keimi ah khan ah a gawk law ang? Egypt khaw ah ka a law püi ba gui yah ung Bawipa naw a bi gui ah cäicat gui nai avan kami pa gui naw ami nam thein gui cu a i hawk cha ang? Bawipa naw na nawng gui ne, na hteh ta gui ne Midian gui am na ap gui ci nei” cik ci.

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

JOHAN 12:38

Cun cu prophet Isaiah ah ng’thu a khüm nak ah kyak ci; Cun ah thu ung; “Bawipa, Keimi ah ng’thu pyein cu a u naw ang a yum ve? Bawipa naw a hlüngtai nak cu a u chang ung ang ang dang sak?” ciah kyak ci.

SAM 59:4

O Bawipa, kei ah hmawk ah kä kyak ciah ngami cu tawt ne pawng ci gui nei.

PHYAWN NAK 6:6

Israel gui am ka pyen nak gui ah ng’thu cu m’thein gui vä, “Kei cu Bawipa nei, kei naw ka ning gung gui khai, Egypt gui ah changshäm ah nami kyak nak ungka, ka ning m’hlawt gui khai. Kei naw m’gäi ciah ka ban shäng ne, ngami ah khan ah kyih vai ah m’kyuk nak cu ka law püi khai, nangmi cu ka ning hun gui khai.

JOB 9:13

Khanpughi cu ani hnu ng’tuk püi ciah Rahab ng’düih püi ci gui ah aga gui ah khan ah am lung she nak cu angtäi ah om ci.

SAM 77:5

Ng’kawn pyi ciah hnüüp gui cu ka ngaih-tüh ci, ng’pyi pyi ciah khokum gui cu ka shüm ba ci.

ISAIAH 52:10

Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.

ZEKHARIAH 2:13

Bawipa ah ma ah chang ng’nü cu a düm ah om sä, ani cu theingcim ciah hmun, a om nak ungka naw law sang ci nei.

ZEKHARIAH 10:11

Tuinu kat ne ami yaica yah ung, Kei Bawipa naw tui ng’hnawk cu ka k’shedam nak khai. Thuuk ciah Nile tuinu cu kawi ne ket khai. Chang ah ng’shei ciah Assiria gui cu, ami m’lung neim khai. M’gäi ciah Egypt cu a huham maih khai.

SAM 44:2

Chang hei gui cu na mät naw k’tääm gui ne, na chang gui ah ami kho cu na pyang ci Chang khuihei gui cu m’kyuk gui ne na chang gui cu na bühmang sak gui ci.

SAM 44:24

A i ah kyasei na na ng’thuh taak gui ang? Kami geinvai nak la khüikha nak cu kä na m’hnih en gui ä!

SAM 89:11

Khankho cu nang ah ka, khomdek cun phi nang ah khäm ah kyak ci. Nang naw m’dekhan la a cun ung om ci a päng avan cu na pyang tham ci.

MIKHAH 7:15

Egypt khaw ah ka na na law püi ba gui yah ungka ah mäih ah keimi ah hmawk ah cäicat vai bi law ba ä, Bawipa!

LAMKTU 7:7

Ngami khlei-htein nah gui ciah chang gui cu, kei naw kam khoichaa gui khai. Cun kawn nah nang ah hta nau gui cu cun nah khaw ung ka phyawng u neh, shin ah khaw ung kei cu nak taigü khai gui” ci neh pyen na gui ci.