ISAIAH 51:7 - Cho Bible Common Language 2016

⁷ “Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

ISAIAH 51:7 Referans Kwoze

SAM 37:31

Ani naw Khanpughi ah ang thukhän pang ne, am lung ung chum ci, a i sang ung phi kä ng’pai phung ci.

MATTHE 5:11

“Kei ah hmawk ah chang gui naw ning shedam na gui ne, käng düng ci awn a hlü hlü ah a ning m’kat law gui ung, nangmi cu yeikyai nak om sä, nangmi cu kei na läk ciah nami kyak ci nei.

EZEKIEL 2:6

“Cun ung phi nang, hnicim Chang, nang naw ami mät phi, ami ng’thu chim phi kä na kyit gui vai. Ngami naw ning züisha ne ning päipih khat gui; Cun cu khawm ai ah ng’lung ah om ah mäih ah kyak khai. Cun ung phi cun ah küknet ci gui la ami pyen phung cu kä na kyih en gui vai.

1 PETER 4:14

Bawi Khrit ah chang ah nami kyak ah hmawk ah päipih nak nami gah ung yeikyai nak om ci, a i ah kyasei ci ung, acun ah khin ung, bämang ciah Mumcha, Khanpughi ah Mumcha cu, nangmi ah khan ah ang leen ah hmawk ah kyak ci.

ISAIAH 51:1

Bawipa naw pyen ci, “Na ngai vä, hun phiawn vai ng’ya hlük ci gui, m’htei vai ah kei ah lawk ci gui. Nami law nak te ah lungk’pou, ami ning cawh nak gui te ah lungkhui cu nami ngaih tüh ba vai nei.

1 PETER 4:4

Tuhbäi nangmi cu ngami awn kä ng’cawng phyoot kä hlimtui ba uk ci sei, ngami cu cäicat u netah, ning päipih, ning sawngkhei gui ci gui.

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

2 KORIN 3:3

Cun ah ca cu Bawi Khrih amät naw gu netah keimi am ana tei sak gui cu dang ci nei. Cun ah ca cu hmein nawn guk ah kä kyak ci, ghing ciah Khanpughi ah Mumcha awn guk ah kyak ci, cun ah ca cu lung ung guk ah kä kyak ci, chang ah m’lung ung guk ah kyak ci.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

JEREMIAH 1:17

Jeremiah, pawng ge ne omä; kei naw na pyen vai ah ka ning thumkhän avan cu hteit ne m’theun gui ä. Tuhbäi ngami kä kyih en gui ä, na kyih gui ah a kyak ung, ngami awn na om sang ang na kyi law pi khai ah kä ning pyang khai.

SAM 40:8

Ka Khanpughi, na ng’yak hlü bi vai cu ka m’hni aih ci nei! Nang ah na m’theithang cu ka m’lung kyong ung ka m’küm ci nei.”

HEBRU 10:16

“Bawipa naw, Shin cu lawk ciah kho hnüüp ung ngami awn shaitaak nak ka bi vai kyak ci nei: Kang thukhän cu ami m’sin ung chum ne, Ami m’lung ung ca awn ka guk khai nei,” cine pyein ci.

PHILIPPIAN 3:10

Kei naw ka ng’yak hlü cu Bawi Khrit hmat vai, sih nak ungka a thawh nak ba ah hlüngtai nak gah vai la ani awn a täng ah yaica nak gah ne, ani ah sih ah mäih ah sih tu vai bäng ah kyak ci.

LUKA 6:22

“Chang ah Htapa ah hmawk ah chang gui naw, ami ning hnu ng’tuk püi gui ung, ami ning nawng gui ung, changshe ah ami ning pyein gui ung, nami yeikyai vai,

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

ISAIAH 25:8

Uktu Bawipa naw sih nak cu khonglän ung m’di khai! Ani naw chang pang ah mik ungka ng’phli tui cu ghu pe ne, kho ah ka avan ung a chang gui ah thüivat nak cu lak pe gui yawp khai. Bawipa amät naw a pyen nei!

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

ISAIAH 54:4

Kä na kyih vai, nang cu kä na lü ng’aa ba khai; a u naw kä ning yuk chah ba khai. Na hmaw sang ung kä bekhüt ciah chu ah na kyak nak la hmeinu ah kya ne, a i ah kä kya thei ne na om nak gui cu na m’hnih khai nei.

THULÄÄN NAK 6:6

Tuhngawi kei naw ka ning pek ah shin ah thumkhän cu kä nam hnih phung vai.

ISAIAH 37:6

Shin ah m’shang ne m’khäh law ba ci: “Bawipa naw ning m’theing gui ci nei, ani naw kä hing hun gui khai nei, cine ami pyen ah phäh ah Israel gui kä nami kyih en gui vai nei.