ISAIAH 51:4 - Cho Bible Common Language 2016

⁴ “Na ngai vä, ka chang gui aw, kei naw a i ka pyen ah ngai vä; kei naw ka m’theithang gui cu chang pakhui gui am ka pek ci; kei ah ka thukhän gui naw akdei pe gui khai.

ISAIAH 51:4 Referans Kwoze

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

1 KORIN 9:21

Acun ah mäih ah chang khui hei gui ung bi ka bi ung, ngahmi k’phiawn nak gui vai ah, thukhän ah k’pung ah chang khui hei gui ah mäih ah ka om tuk ci. Cun cu kei naw Khanpughi ah thukhän kä ka läk ah kä kyak ci, kei cu akcang ah Bawi Khrih ah thukhän kaa ah ka om ci.

ISAIAH 2:3

ami chang gui naw, “Bawipa ah khawmhtung Israel khanpughi ah Taigüim ah mi kya khai nei. Ani naw ana bi sak gui hlü cu na m’theithang gui khai nei; mikmi cu ani ah ghü ah lam ung mi hteit khai nei. Bawipa ah m’theithang nak cu Jerusalem ung ka gawk lawk ci; Ani naw Zion ung ka naw ak chang gui ng’thu püi gui ci.”

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

ISAIAH 42:6

“Kei, Bawipa, naw ning khü ne huham ka ning pek ci, khomdek khan ung taga ciah bi cu nami hmuh vai ah iak ci. Nang ung chang avan awn thukhän ka bik khai; Nang ung pakhui gui ah phah ah akdei ka law püikhai.

MIKHAH 4:2

ami chang gui naw, “Bawipa ah khomhtung ah mi hteit khai nei, Israel gui ah Khanpughi ah Taigü im ah. Ani naw mi bi vai angyak hlü cu na m’thei gui khai nei. Mikmi cu ani naw a ghü ah lam ung mi hteit khai nei. Bawipa ah m’thei nak cu Jerusalem ungka lawk ci, Zion ungka naw a chang gui cu ng’thu püi gui ci.”

SAM 78:1

Ka chang gui aw, ka m’theithang cu ng’ngai ne, ka ng’thu cu ng’ya vä.

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

ISAIAH 26:2

Mang gaw m’kawt gui hmawng vä, bekhüt ciah pakhui luh sak vä, cun ah pakhui cu düng nak bik ciah kya sä.

NG'THU K'THUUK~ 6:23

Ngami ah m’shüm thein nak cu ng’shü ne dei ci: ami m’shung m’düng nak naw a i cha ah ghin vai cu ning m’thei ci.

SAM 147:20

Ani naw shin gui cu chang khuihei ung kä bik ci; ngami naw ani ah thukhän kä hmat ci gui. Bawipa cu m’tam nei!

SAM 106:5

Na chang gui ah bä mang cu na hmuk sak ä, Na pakhui ah yeikyai nak cu na k’pai toä, cun ung nang ah shon lam ung kei ka ng’häh leh khai nei.

SAM 50:7

“Na ngai vä, ka chang gui, thu ka pyen lawk khai; Israel chang gui, kei naw hnu ng’tuk ne ka ning m’nüm khai. Kei cu Khanpughi, nami Khanpughi nei.

SAM 33:12

Khanpughi, Bawipa nak ciah pakhui cu yeikyai nak om ci; Ak chang ah a ghü ah pakhui cu yeikyai nak om ci!

PHYAWN NAK 33:13

A cun k’cang ah na kyak ung na pawng püi nak cu a tuhbäi na m’thein ä. Cun ung kei naw na khuut bi ne, k’täi ne ka ning yei nak khai nei. Nang naw shin ah pakhui cu na kaa ah na ghü cun phi na shüm ba vai nei” cik ci.

PHYAWN NAK 19:6

Kei bäng ung ng’ap ciah nami kyak khai. Nangmi cu taigü ah kya ne ka khuut nami bik khai” cik ci.

THULÄÄN NAK 18:18

Kei naw nang ah mäih ah prophet cu ami mät ah chang ungka ka tüi khai. Kei naw a i a pyen vai cu ka m’thein khai. Kei naw ka thumkhän päng cu ani naw chang gui am thein gui khai.

ISAIAH 1:27

A i ah kyasei ci ung Bawipa cu düng ci, Jerusalem la a cun ung om ciah ng’zuba ciah chaung päng cu ani naw hun khai.

ISAIAH 26:8

Nang ah ng’yak hlü cu kami läk ci nei, nang ung ngaih u nak kami tak ci nei; keimi ah ng’yak hlü avan cu nang ah kyak ci nei.

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

ISAIAH 42:21

Bawipa cu khanpughi nei, ani naw ang ghit ah hun hlük ci nei. Angthukhän gui la a m’theithang gui cu m’hlüng tai ci nei, A chang gui naw ami m’tamkhah vai ah ng’ya hlük ci nei.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

ISAIAH 63:8

Bawipa naw pyen ci, “Ngami cu kei ah chang gui; ngami naw kä na m’hleeihlak khai gui.” Cunah kyasei ani naw,