ISAIAH 51:2 - Cho Bible Common Language 2016

² Nami ng’shou law nak ah nami pupa Abraham la na mi pi Sarah cu nami ngaih-tüh ba vai nei. Kei naw Abraham ka khü yah ung, ani cu a hta kä om ci, Cun ung phi kei naw hriham pe ne, htanau ka pek ci; chang hli ah ka ng’shon sak ci.

ISAIAH 51:2 Referans Kwoze

EZEKIEL 33:24

Ani naw, “Hnicim chang, Israel khaw, ng’phyek ciah mang gaw ung om ciah chang gui naw pyen ci gui: Abraham cu chang tumat ah a kyak yah ung khaw a van ami pek ah kyak ci. Tuhbäi mikmi mi da ci, cun ah kyasei khaw cu mi khaw ah kyak ci.

ISAIAH 29:22

Cun ah kya sei, Bawipa, Israel Khanpughi, Khüikha nak ung ka Abraham gang ci naw a pyen cu, “Ka chang gui aw, nangmi cu kä nami ng’aa ca ba khai nei, nami hmai ung lüng’aa nak kä om ba khai nei.

ATÜNNAK 24:35

Bawipa naw a küikyang ah hriham pe ne ka bawi cu bühmang sak ci nei. Htome gui, me gui, seipat gui la ngui ni, ghui ni, changshäm hnumi gui ni, pami gui ni, kalauk gui ni, ng’se gui ni akda pe pyi ci nei.

ATÜNNAK 24:1

Abraham cu ang htei ah ghi lawk ci, Bawipa naw a bi päng cu hriham pek ci.

ATÜNNAK 22:17

Kei naw shai ka taak cu, khankho ah om ciah aisi chü, tuinu kem ah om ciah laigin chü ah ka ning pungpiah sak khai. Na htangshon gui naw ga avan näng khai gui.

JOSHUA 24:3

Cun kawn ah kei naw nami pughi Abraham cu Euphratis kaan nak ah khaw ungka la ne, Kanaan khaw avan ung ka gawk sak ci. Kei naw ani am htangshon akda ka pek ci. Issak ka pek ci.

THULÄÄN NAK 1:10

Bawipa nami Khanpughi naw khawmik ung aisi chü ah ning da sak gui ci nei.

ISAIAH 41:8

“Cun ung phi, Nangmi, Israel ka changshäm gui, Nangmi cu ka ning ghü gui ah chang, ka teihpüi, Abraham ah htangshon ah nami kya ci.

ISAIAH 43:27

Nami pupa htük gui cu hma kak ci gui; Nami ng’vahta gui naw kei na hnung’tuk püi ne hmak ak ci gui,

ISAIAH 60:22

Ak zaw pikboüh la angneim pikbäih ah na kyong chang pang phi, Huham mah ciah pakhui hlawk ah dämduh lawk khai nei. Akhin a gawk law ah a kyak ung, shin gui ang ghit ah kya lawk khai ah ka bik khai nei. Kei cu Bawipa nei!”

ISAIAH 63:16

Nang cu kami pa ah na kyak ci. Kami pupa gui Abraham la Jakob naw phi chang ah kä na tha gui ci gui, cun ung phi nang, Bawipa cu kami pa, angtäi sei na gung gui ciah na kyak ci.

THULÄÄN NAK 26:5

Bawipa ah om nak ung nangmi naw shin ah ng’thu cu, nami m’cu vai, ‘Kei ah ka pupa cu ng’vaak shüi ciah Aramean ah kyak ci. Ani naw akyong chang gui cu Egypt khaw ah om tuk khai gui ah hteh püi gui ci. Ngami cu acä ah ami hteh yah ung ken hta ci gui. Cun ung phi ngami cu däm ghaw ne, huham mah ciah pakhui ah kya lawk ci gui.

ISAIAH 48:1

Shin cu ngai vä, Israel chang gui aw, Nangmi cu Judah ah ng’shon gui nei: Nangmi cu Bawipa ah ming ung ng’tam u ne, Israel khanpughi nami khawihnah ciah nami pyen ci. Cun ung phi nami pyen ah ng’thu lung cu kä nami k’cang nak ci. 1