ISAIAH 50:4 - Cho Bible Common Language 2016

⁴ Uktu Bawipa naw a i pyen vai cu nam’thei ci, Cun ah kyasei cümbawng ci cu kei naw k’tha ka pe hning ci. Ani naw ana m’theithang cu ngaih ng’yak vai ah, akhongawi tä sei na ng’dawt ng’cham sak ci.

ISAIAH 50:4 Referans Kwoze

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

JEREMIAH 1:9

Cun kawn ah Bawipa naw a kut shäng ne, ka m’nei cu pyen vai ah ng’thu gui cu kei naw ka ning pek ci nei.

NG'THU K'THUUK~ 25:11

Ng’htei khai ah m’dang ah ngaih-tüh nak cu ngui ung ng’lin ah ghui lawi ah mäih ah kyak ci.

NG'THU K'THUUK~ 15:23

Hman ciah amawng ung cang nak thu pyen cu yeikyai nak ah kyak ci.

SAM 119:147

Hni kä a pyi law pha ung na na m’htei vai ah ka ning khü ci nei; Na shaitak ung ka ngaih u nak cu ka tha ci nei.

SAM 143:8

Nang ung ka zumhtek vai ah hmawk ah kho ngawi tä sei, ng’täi ciah na m’hni nak cu na m’thein ä. Ka taigü nak cu nang ah gawk ci nei; ka hteh nak vai ah lam cu na m’hnuh ä.

SAM 5:3

Kho ngawi hta ung ka k’aw cu na na ng’yak pek ci; Kho hni pyü ung taigü ne ng’ap ne, Na na m’shan cu ka ging ci nei.

LUKA 4:22

Chang gui naw ani cu m’tamkhah u ne, ang thu pyein cun phi ngaihtüh u netah, “Ani cu Josef ah hta ah kä kya ne ang?” ci ne kyak ci gui.

MATTHE 13:54

amät ah pigaw ah hteit ba ci, Pum im ah m’theithang gui sei, Cun hmuk ciah chang gui cu cäicat u netah, “Shin ah chang naw shin ah hmuhmat nak gui ahawi a gah ang? Cäi-aih gui vai mä a i hawkcha abi hning ang?

MATTHE 11:28

‘A phuih gih sei cümbawng ciah chang gui kei ah law vä, kei naw ka ning hüiyang sak gui khai. Kei cu hnip hnoi ng’awi ng’gi ne, kamlung neim ci.

MATTHE 22:46

Cun ung phi Bawipa Jesuh cu a u naw käm hlan ba ci. Cu hnüüp ung tün ne Bawipa Jesuh cu, a u naw phi käng shi law ba ci.

JOHAN 7:46

Gakap gui naw, “A u chang naw phi shin ah chang ah mäih ah ng’thu kä pyein man ci nei” cik ci gui.

SAM 45:2

Nang cu na kyom pi bäih ci, na ng’thu thei pi bäih ci. Khanpughi naw angtäi sei hriham ning pek ci.

SAM 88:13

Bawipa, na nam htei vai ah ka ning khü ci, a khaw ngawi tä nang ah ka taigü ci nei.

NG'THU K'THUUK~ 12:25

Ng’ä ai nak naw na yeikyai nak ning gut khai. Cun ung phi m’hni nak ah ng’thu naw hmai ning kiang sak khai.

ISAIAH 8:16

Nangmi, ka ning düihpüi gui naw khanpughi naw ana pek ah ng’thu gui cu ngäng ne nami m’htei vai.

ISAIAH 28:9

Ngami naw kei ah mawng ng’cuh ci gui. Ngami naw, “Ani naw a i ah na ngai gui ne am theithang ang? Ani ah thu pyen a u naw ng’ya hlük ci ang? Shin cu sukchah thai ciah a hmaw hta gui ah phäh ah vah nik khai nei!

ISAIAH 28:19

A cun naw nangmi cu a ngawi tä, a ngawi tä sei, ning tuk ba ba gui khai, Nangmi naw cun cu amü a hnüüp nami awt khai. Khanpughi ah ng’thu akthai päng naw cäicat vai akthai law püi khai!

ISAIAH 35:5

Amik m’dauh gui naw hmu hning khai gui, akpang gui naw ng’yak khai gui.

ISAIAH 40:29

Aktha maih ci, bawng bai cicu ani naw thamah nak pek ci nei.

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.

ISAIAH 54:13

“Na chang gui cu kei ka mät naw ka m’thei thang gui khai, bühmang nak la dimdeeih nak ka pe gui khai.

JEREMIAH 31:25

Cümbawng ci gui cu kei naw hüizang sak gui ne, ei ah cawi ne aktha ken ci phung cu phü khai ah ka m’bei gui khai.

EZEKIEL 46:13

Bawipa naw pyen ci, “A khaw ngawi tä sei, kum ät lawk ci, kä khei hlik en ciah htome hta cu Bawipa am apum khih ne douthak vai. Cun ah douthak nak cu a hnüüp tä sei bi vai.

THULÄÄN NAK 18:17

Cun ah kyasei Bawipa naw ana pyen nak cu, “Ngami naw cüivai ciah yoih thäh nak bik ci gui.

THULÄÄN NAK 18:18

Kei naw nang ah mäih ah prophet cu ami mät ah chang ungka ka tüi khai. Kei naw a i a pyen vai cu ka m’thein khai. Kei naw ka thumkhän päng cu ani naw chang gui am thein gui khai.

JOB 4:4

Chang tumat mat cu kyu ng’täng ne aktha ken sei, acüm bawng ah a kyak ung, Ani angdüih law ba vai ah nang ah ng’thu gui naw thamah sak ci.

SAM 40:7

Cun ah kyasei ka ning m’shan cu, “Kei shi ah nei; nang ah nam shüm thein nak cu thukhän ca uk ung om ci nei.