Biblia Todo Logo
Bib sou entènèt

- Piblisite -




ISAIAH 50:1 - Cho Bible Common Language 2016

1 Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

Gade chapit la Kopi




ISAIAH 50:1
27 Referans Kwoze  

A i ah kyasei chang tumat naw chang phia gha a hnim gui ang? A i ah kyasei chang hnih naw chang phia phia a hnim gui ang? Bawipa nami Khanpughi naw ngami nawng gui ci. M’gäi ciah ami Khanpughi naw ngami mlungsi sak gui ci.


Judah naw phi hmuk ci, kei naw Israel cu ng’cha püi ne, ahei ah ka k’täm ci, a i ah kyasei ci ung ani naw kei na ng’hla ta ne pawmya chang ah ani cu kya lawk ci, cun ung phi Judah, Israel ah kä bekhüt ciah abe, ani cu kä kyik ci, ani phi pawmya ah kyak ci,


Ani naw a pu cu kä thung hlawt khätah, amät la ak chu a hta ni, a khawh cham ni avan cu yoi ne a thung vai ah ghangpughang naw k’bäi ci.


Keimi cu kami Jew chang paw gui ah mäih ah pakhui ät ah kami kyak ci. Keimi ah hta nau gui cu ngami ah htanau gui ah mäih ah kä bä tuk ci gui ah kya ne ang? Cun ung phi keimi naw kami htanau gui cu changshäm ah kami kyak sak gui ci nei. Kami htahnumi gui amshah cu changshäm vai ah yoih gui pyi nei. Kami lo gui la sapyitdum gui cu chang gui naw ami lak pyi ah kyasei keimi cu amgeinkaa ah kami kyak ci nei,” cik ci gui.


Prophet gui ungka tumat ah hmeinu cu Elisha ah law neta, “Saya aw, kei ka cei cu sik ci nei! Na hmat ah mäih ah ani cu Khanpughi kyih aa ciah kyak ci, cun ung phi ani naw ngui apu nak ah chang naw law ne, apu ah phäh ah ka hta goi cu hteh püi ne shäm goi khai ah pyen ci nei” cik ci.


Uktu Bawipa naw a chang gui pyen ah gui ci Nangmi khlei htein ah nami kyak yah ung nangmi ah phäh ah ngui a u naw kä m’hnüt ci; a cun ah mäih ah nami phyawn nak vai ah phi a i kä pek vai.


Judah, nang naw shin gui ci na mät naw na law püi ah kyak ci, cun cu namät ah na ghin om nak la na bi lawh awn ah kyak ci. Na katnak naw shin ah aning yaica sak ah kyak ci; acun naw na m’lung ung ning shun ci nei.


Bawipa naw pyen ci, “pami naw a chu angtha püi ah a kyak ung, cun ah hnumi naw ani htet ta neta, ahei pami a cei nak ba ah a kyak ung, ani naw cun ah hnumi cukä cu na ba hning ci. Acun ah khan avan lelawi sak khai nei. Cung ung phi Israel, nang ung na m’hni da aih ci, nang tuhbäi kei ah na law ba hlük ci!


Nang naw nak chang gui cu api ah yoi ci sei, Ngami cu api phu nak ci gui.


Ngami naw ami hta hnumi, pami gui cu m’khih-douthak nak ah pyang ne, khongyo khanpughi gui cu khawihnah ci gui; ngami naw khogam ah kai gui, cängbang ci gui cu ng’shikca u ne, ami mät naw ami mät ng’ap u ne, Bawipa täng ah hma cicu bi u ne, am lungshet sak ci gui.


Ka chang gui la kei cu ami na ngawn gui vai ah na yoi gui pyi ci gui nei. Changshäm vai ah ami na yoih gui ah a kyak läi ung, a i hlaswk ah khüikha vai ung phi, a düm ah ka om khai süte, nang ung ning yaica sak ne kä ka pyen lawk khai süte nei. Cun ung phi keimi cu m’htin ne na m’di gui khai gui ah kyak ci nei.”


(Ahab ah mäih ah Bawipa täng ah akshe bi vai ah akbe ah ng’ap cicu a u kä om ci — avan cu akchu Jezebela ah tooktam ah kyak ci.


Chang tumat naw a hta hnumi cu changshäm vai ah a yoih ah a kyak ung, ani cu pami changshäm ah mäih ah hlawt nak kä om ci.


Na pei ah om ciah Israel na chang paw cu dukhaih law aih neta, changshäm vai ah amät naw amät a ning yoih nak ah a kyak ung, changshäm ah mäih ah kä na om püi vai.


Cun ung phi shekak ci la ani hnu ng’tuk püi ciah chang phung cu ani naw güüt khai. Ani nawng ciah chaung päng cu, ani naw ngawn khai.


Bawipa naw a chang gui cu om k’tu khaw ah tüi gui ne m’kyuk gui ci. Ani naw ngami cu kiangtäng ah ka, m’gäize ciah khokhiawn hteh püi gui ci.


Nami pupa htük gui cu hma kak ci gui; Nami ng’vahta gui naw kei na hnung’tuk püi ne hmak ak ci gui,


“Shin cu shüm ba vä, hmakat chang gui; kei naw ka bi gui cu ngaih-tüh ba vä.


Israel, nang cu a cei naw hteh ta sei thüi aih ciah chu hmaw ah mäih ah na kyak ci nei. Cun ung phi Bawipa naw m’hni nak ak thuuk awn ning khü ba ci.


“Kei naw a shäng hta ka ning hteh tak ci cun ung phi m’hni nak ak thuk awn ka ning la ba ci.


Bawipa naw pyen ci, “Nami mtau hning ah m’lau vä! Ka chang gui Israel gui am ami katnak m’thein gui vä!


Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.


A mü a hnüüp nami cheishoh ci, prophet gui phi a cun ah kyak ci gui, Kei naw ami nu Israel cu ka m’di lawk khai nei.


Swiv nou:

Piblisite


Piblisite