ISAIAH 5:8 - Cho Bible Common Language 2016

⁸ Nami khaw mü ci nei! Nangmi naw nami mät ung om pyi ci nami m’khah nak vai ah im gui la lo gui nami hleih ci kä shou pha sei chang a hei gui ami om nak tu vai kä om law ba khai, nangmi nami mät bäng shin ah khaw ung nami om lank khai.

ISAIAH 5:8 Referans Kwoze

MIKHAH 2:2

Lai ami m’hni ung lai lak ci gui, im ami m’hni ung im lak ci gui, a u ah kyong khui khawh cham phi kä ng’geing ci.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

EZEKIEL 33:24

Ani naw, “Hnicim chang, Israel khaw, ng’phyek ciah mang gaw ung om ciah chang gui naw pyen ci gui: Abraham cu chang tumat ah a kyak yah ung khaw a van ami pek ah kyak ci. Tuhbäi mikmi mi da ci, cun ah kyasei khaw cu mi khaw ah kyak ci.

EZEKIEL 11:15

Ani naw pyen ci, “Hnicim Chang, Jerusalem ung om ciah Chang gui naw nang ah mawng la omktu khaw ah om ciah name Israel-paw gui ah mawng cu pyen ci gui nei. Ngami naw, “Omktu gui cu Bawipa ami khawihnah nak vai shou ah ci nei. Ani naw shin ah khaw cu mi kaa nak vai ah nape gui ci nei!

JOB 15:28

Ani naw mang gaw gui cu tu ne khäm ne, ami dawng tak ah im gui cu kaa nak ci. Cun ung phi cun ah gaw, cun ah im gui cu ng’tuk nak ung di yawp khai nei.

AMOS 1:13

Bawipa naw, “Ammon chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ami khaw ang shawng vai ah ng’tuk ami bi nak ung Kilead khaw ah käu mah ciah hnumi gui phi ami poi k’päh gui ci gui.

JOB 20:21

Ani cu a ei aw kung a i kä pawih nak ci, cun ah kya ne tuhbäi ani ah khawh cu ng’pyi lawk ci.

NG'THU K'THUUK~ 15:27

Ka dung nak awn khawh gah vai ah bik ci naw a kyong khui geinvai sak ci, ng’mu khawh ka dou cicu a ghin nak shou ci.

MIKHAH 2:1

Ang yän nak ung akshe ah ngaih-tüh neta, khaw a thaih law ung a cun akcang ah bik ciah chang gui cu katnak om ci. Cun cu a i hlawk ah ng’yiin khai aw?

HABAKKUK 2:6

Ami näng gui naw näng ci gui cu gaih tuk ci gui, shemshai ci gui, shemshai ci gui. Ngami naw, “Kä nami kaa nami lak ci, nangmi cu ng’yiin ciah chang ah nami kyak ci, Nangmi cu a i güt aphu nami gah vai ang’ceet ah shang ba ne, ng’bühmang ne nami om khai ang?”