ISAIAH 5:6 - Cho Bible Common Language 2016

⁶ Kei naw cun cu khumgho she gui awn kakdüi sak khai. Kai naw kä ka k’hteiuh pyang khai, m’dek kä ka k’seisan khai; ng’hling nu, ng’hling hta gui awn ka küm khai. Ani ah khan ah khaw kaa kä kya lawk khai ah khaw mei gui phi ka maa nak khai” cik ci.

ISAIAH 5:6 Referans Kwoze

JEREMIAH 25:11

Shin ah khaw cu dishum khai, hmuk ciah chang gui cu cäicat khaigui, ami pei ng’leng ah changpakhui gui naw Babilonia ghangpughang ah bii cu kum chikip ung bik khai gui.

THU PHLAAN 11:6

Khanpughi ah ng’thu ami pyein sangung khaw kä a aa vai ah khankho khai nak hning ah huham ngami ung om ci, tui cu si ah ami lat nak hning ah huham phi ngami ung om ci, ami ng’yak hlü ah khomdek khan ah khaw yaw tui shek khai ah ami bi nak hning ah huham phi ngami ung om ci.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

AMOS 4:7

Nami geit naw khawtui ang yak hlü yah pi ung kei naw khaw aa ka m’hlat ci. Mang gaw tumat ah khan ah khaw ka aa sak ci, ahei ah khan ah kä ka aa sak ci. Lo tumat ah khan ah khaw yuk aa ci, ahei tumat cu chawng ne ket ci.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

JEREMIAH 45:4

“Cun ung phi kei, Bawipa naw ka cawh cu phye ne, ka geit cu ka mawi ci nei kei naw shin ah khomdek avan ung ka bik khai nei.

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

JEREMIAH 14:1

Khaw a käu vai ah mawng Bawipa naw ana pyen nak cu,

ISAIAH 30:23

A i sang ung phi m’shi nami phu ah a kyak ung, ang lih ngon nak vai ah Bawipa naw kho aa sak khai, akda ah ning khäm sak gui khai, nami vuhchah gui ah phäh ah khulim khaw akda om khai.

ISAIAH 24:12

Mang gaw cu di ci nei, am kawt gui cu ng’gäi pyi ci nei.

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

THULÄÄN NAK 29:23

Khaw lo gui cu käu ne maih khai la m’shi naw küm khai. A i geit na kä gah vai. Khumghaw phi cun ung kä pyou hlawt khai. Nami khaw cu Bawipa naw aknui ah amlungshe yah ung amdi ah Sodom la komorrah, Admah la Zeboiim mang gaw gui ah mäih ah kyak khai.

1 GHANGPUGHANG GUI 8:35

Na chang gui naw ning hnungtuk püi ne hmakat nak ami bi ah phäh ah khaw ah käu sak sang ung, ngami cu ng’yu ba u ne, Taigüim ah ng’hlat law ba ne, m’lung neim ne ami taigü law ung,

JOB 31:40

kei ah lo lai ung püm la htang ah a thawh nak vaisü ung m’gho la ng’hling gui bang tho sä. Joba ah ng’thu shin ung ng’pyi ci nei.

ISAIAH 7:19

Ngami cu lung chawng kho ng’nawi gui, lung khui gui ung ng’phäi u ne, ng’hlingk’cam gui la khulim khaw gui nü küm khai gui.

ISAIAH 32:10

Nangmi tuhbäi nami ng’büh khei, cun ung phi hnengkum ashin ah akhin ung ang ngaih u kaa ah nami kyak khai, a i ah kyasei ci ung nangmi ah phäh ah nami khäm vai sapyit kä om khai.

ISAIAH 49:19

“Nang ah kho cu di ne keihteik ci nei. Cun ung phi law ne om tuk khai gui ah phäh ah tuhbäi cun cu läm aih ci nei. Nang m’di neta ning hteh tak ci gui cu a shou nak ah ng’nawn khai gui nei.

ISAIAH 55:13

Tuhbäi hling k’cam gui ah ghing nak ung a geit-ghing gui tho lawk khai; Ng’hling ghing gui ah hnün ung mirtle sing gui tho lawk khai gui. Shin cu ngawi yä om khai ah m’khüt nak ah kyak ci, Kei, Bawipa naw ka bi gui m’shüm hnuh ba ah kyak ci.

HOSEA 9:6

Leigai agawk law ung chang gui cu püi piang lawk khai gui. Egypt chang gui naw k’bum ba gui khai gui — bum gui u ne memphis ung k’phuh gui khai gui. Ami ngui m’küm gui la ami im gui ah om nak man ah hmun cu m’ghaw gui la ng’hlingcam naw uk khai.

JOEL 1:7

Ngami naw mi sapyit gui m’di ci gui mi thei ghing gui phi ei yawp ci gui. Ngami naw a hnawk gui m’neeit u sei, angban gui phi bawk yawp ci.

NG'THU K'THUUK~ 24:31

Cun cu ng’hling plum awn be ci, m’ghaw bäng ah kyak ci. Lung paang cu piawn ne kya lawk ci.

NG’ÄI KYAH 2:6

Ani mi khawihnah nak ah Taigüim cu ng’phyit khai ah ani naw m’di ci. Ani naw theingcim ciah hnüüp gui la pum nak hnüüp gui cu ng’pyi sak ci. Ghangpughang la taigü naw atäng ah ani ah k’tut nak ah m’lungshe nak cu khan ci gui.