ISAIAH 5:29 - Cho Bible Common Language 2016

²⁹ Gakap gui cu sa lou ne kawt ne, a i naw kä a guh hlawt vai ah phaw ne ghung ne m’ngawk ciah phongkawng ah mäih ah kyak ci gui.

ISAIAH 5:29 Referans Kwoze

ZEKHARIAH 11:3

Uktu gui cu ng’pyang ne kyap ci gui; ami bämang nak cu ng’pyi pyi ci. Phong kawng gui ah m’ngaw cu ngai vä, Jordan lawng yung ah ami hmun khaw cu di pyi ci nei.

MIKHAH 5:8

Pakhui gui ah ng’lung ah ami nawng shüt gui cu, bung hmu ah a ei vai shui ciah phongkawng ah mäih ah kyak khai gui. Ani naw htome gui ah lung ah lut ne, pah gui ne, phyit ne teek gui ci — phyawn vai ah ngaih u nak kä om ci.

ISAIAH 42:22

Cun ung phi tuhbäi na chang gui cu guttep gui ci gui nei; Ngami cu thawng im ung khai shi gui ne chum gui ne thup gui ci gui nei. Ngami cu tuthat ne guttep gui ci gui nei, ani naw phi law ne kä gung gui ci nei.

ZEPHANIAH 3:3

Ami bawi gui cu m’ngawk ciah kawng ah mäih ah kyak ci gui, ami suki gui cu ei ah cawi ciah hngei ah mäih ah kyak ci gui. Ani cu sokang aih ne aguh pang phi kä nawng ne khaw thaih güt om ci.

AMOS 3:8

Phongkawng am ngaw ung kä kyih ah a u om ne ang? Uktu Bawipa naw ng’thu a pyen ung ani ah ng’thu kä shäu ah a u om hlawt ne ang?

HOSEA 11:10

“Ami ga gui ah khan ah phongkawng ah mäih ah ka m’ngaw law ung, ka chang gui naw na läk lawk khai gui, Ngami cvu akhei täng ah ka ang ghit ah kei ah law ba khai gui.

JEREMIAH 51:38

Babilonian gui ami van cu phongkawng hlui ah mäih ah m’ngaw u ne, kawng hta ah mäih ah ng’ging ci gui.

JEREMIAH 50:17

Bawipa naw pyen ci, “Israel chang gui cu phongkawng naw gawt ne ak püi gui ah htome ah mäih ah kyak ci gui. Ak htük ung Assiria Uktubawi naw a tuk gui, cun kawn ah Babilonia ghangpughang Nebukhadnezzar naw ami guh adep gui.

JEREMIAH 49:19

Jordan lawng yung bungpuk sing hmu, khu m’kim ung ka lut lawk ciah phong kawng ah mäih ah kei cu law neta, Edomit gui ami khaw ungka ang ghit ah dawng khai gui ah ka ci gui khai. Cun kawn ah kei naw ka ghü ah ang vai gui naw pakhui cu uk khai gui. Kei awn m’täng vai a u om khai ang? Kei na ng’küknet püi khai a u om khai ang? A u uktu naw kei na hnungtuk püi hning khai ang?

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

ISAIAH 31:4

Bawipa naw a na pyen nak cu, “htoshäm gui naw a i ah ng’hawh ne ami m’lau ung phi, sa lou ne ei ciah phongkawng cu kä k’täm hlawt ci gui, a cunah mäih ah migäi ciah kei Bawipa cu zim khomhtung ka shung vong nak ung ka a u naw kä nak pang m’khüt khai.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

SAM 50:22

“Shin cu ngai vä, nangmi kei kä na shüm ci gui, kä cun ung — kei naw ka ning m’di gui khai, Ning hun gui ci a u kä om ba khai.

KHEI NAK 24:9

Pakhui cu m’gäi ciah kawng hlui ah mäih ah kyak ci. Ani a ih sang ung a u naw kä m’tho dat ci. Israel am hriham pek cicu hriham gah khai, Israel plah tam cicu plah tam hmuk khai.”

ATÜNNAK 49:9

Judah cu phawngkawng ah mäih ah kyak ci. Sa gui lo ne a hta gui ah law ba ci. Ng’zeet ne ng’baw ne ng’yän ci. A u naw kä aw-am ci.

ISAIAH 35:9

A i phongkawng phi cun ung kä om khai; a i sa nget naw phi cun ah lam kä kan khai. Bawipa naw a gun gui ah chang bäng cun ah lam ung hteit ne, ami un ah hteit ba khai gui.

ISAIAH 47:15

Nang naw na ghin ah pum mung na täng pang sak gui ah ce cai gui ah m’cäi nak cu nang ah khan ah a cun ah kyak khai nei. Ngami ami van naw ning hteh ta u ne, ami hteh nak hlü phäh phäh ah htei khai gui nei, tumat phi nang ning hun khai kä pawih khai nei.”

NAHUM 2:11

Tuhbäi ung mang gaw a hawi ang? Ani cu phongkawng ah chaam ah mäih ah kyak ci, Phongkawng anong gui ami vuh nak ah mäih ah kyak ci. Phongkawng akhik gui la a hla gui ah ami lum nak, Ngami ah hta yüüt cu phyawng khai.

JEREMIAH 2:15

Ngami naw phongkawng ah mäh ah m’ngaw shi ci gui; ani ah kho cu khong gau ah kyak khai ah cikci gui, ani ah gaw nu gui cu di ne ng’zän ci, nawng lüng vai ah kyak ci.