ISAIAH 5:26 - Cho Bible Common Language 2016

²⁶ Bawipa naw m’hnüt nak m’dang ne, khosang ah om ciah pakhni gui khü gui khai. Ani naw khocawi ah ka gui ami law vai ah m’shük ne khü gui ci. Ngami cu ang ghit, ak yä ah shin ung lawk ci gui!

ISAIAH 5:26 Referans Kwoze

ZEKHARIAH 10:8

“Kei naw ka chang gui cu khü ne, Atäng ah ka ng’bum sak gui khai, Kei naw ka gung gui khai, acau ami da man ah mäih ah ka da ba sak gui khai.

ISAIAH 7:18

Cun ah khin a gawk law ung, Bawipa naw m’hnüt nak ah tum ne, Nile tuinu ah sho pik bäih ciah tuihta gui ung ka, Egypt chang gui cu k’pi gui ah mäih ah ami law vai la, Assirian gui cu ami khaw ung ka khoi gui ah mäih ah ami law vai ah k’bäi gui khai.

ISAIAH 18:3

Khomdek khan ung om ciah chang nü naw ngai vä! Khomhtung gui ah alai ung m’düih ah m’hnüt nak ah alan cu teng vä! Phyungpuuk tum cu ngai vä!

THULÄÄN NAK 28:49

Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.

ISAIAH 11:12

Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

HABAKKUK 1:8

“Ami ng’se gui cu kawng hta ah yaangkhai pi u ne, ei cawi ciah hngei ah ta nget pi ci gui nei. Ng’se cuum ci gui cu a shou nak ah kaa, ng’se awn ng’phäi lawk khai gui, ami k’se gui cu m’dek ung ng’laih khai gui. Ngami cu a i baw lo ne ei khai ah langta ah mäih ah ng’phäi lawk khai gui.

JOEL 2:7

Ngami naw ng’tuk’bi gui ah mäih ah tuk ci gui; gakap gui ah mäih ah k’paang ung kai ci gui. Ngami ami van cu a yäih ah kai law u ne, ami hteh nak kä m’thawng ci gui,

NG’ÄI KYAH 4:19

Hmu ah mä yaangkhai pi ne khomik ungka naw m’tawn ci gui, ngami naw na gawt gui ci gui. Ngami naw khogui gui ung na mi neh na läk gui ci gui, ngami naw cäicat vai ah khong’kiang ah na la gui ci gui.

JEREMIAH 51:27

“Ng’tuk nak vai alan hleek vä, phyung heng tum vä, cun ung pakhui gui naw ng’yak khai gui! Babilonia ng’tuk püi vai ah pakhui gui pawng htein vä! Ararat, Minni la Ashkenaz uk nak khaw gui am ng’tuk vai ah mawng m’thein vä. Ng’tuk ung lam ma khan bawi tumat tha vä. Khanpeh bum gui ah mäih ng’se gui cu law püi vä.

JEREMIAH 5:15

Israel chang gui, Bawipa naw a shou nak ah kaa changpakhui tumat cu ning tu gui khai ah law pui ci nei. Cun cu khüighat ciah pakhui phyimah kyak ci, nangmi naw ng’thu kä nami hmat ah pakhui tumat ah kya ci.

JEREMIAH 4:13

Teng vä, ga gui cu khongmei ah mäih ah lawk ci gui nei. Ami ng’tuk nak ah yatha gui koiphak ah mäih ah kya ne, ami ng’she gui cu hmu zong ah ta zangkhai tuba ci mikmi cu mi mäih pyi ci! Mi ng’ziin pyi ci nei!

ISAIAH 39:3

Cun kawn ah prophet Isaiah naw ghangpughang Hezekiah law neta ng’shik ci, “Shin ah Chang gui a hawi ka ang ami law, a i ang ami ning pyen nak?” Hezekiah naw am shan ba cu, “Ngami cu aktä ah athuuk nak ah khopäng, Babilonia ah ka lawk ci gui.”

ISAIAH 30:16

Cun nak vaisü ung, nami ga gui phiawn nak vai ah zangkhai ciah ng’se ng’cum vai ah nami k’bäi ci. Nangmi nami hman ci-ai ah kyasei ci ung nangmi cu nami dawng tukcang khai kyak ci! Nangmi naw nami ne’se gui zangkhai ciah nami ngai ci, cun ung phi nangmi ning gawt law gui cicu zangkhai pi khai nei!

ISAIAH 13:5

Ngami cu khomdek ah ak cawi, shounn ciah-khopäng gui ah ka lawk ci gui nei. Bawipa naw am lungshe nak awn khaw avan cu m’dishum vai ah lawk ci nei.

ISAIAH 13:2

Tai ciah m’htung lai ung ng’tuk nak alan cu tai vä! Ng’shei ciah mang gaw m’kawt gui tuk vai ah, ngami ah hmawk ah m’hnüt nak ah gakap gui m’lau ne nami kut shäng vä.

SAM 72:8

A uknak cu vangtäng tuinu ungka naw vangtäng tuinu ah khüt khai, Euphratis ungka naw kho cawi avan ung khüt khai.

SAM 60:4

Nang ning chang m’sui ci gui cu nang naw m’cäi gui ci sei, Ngami cu didap nak ung phyawng ci gui nei.

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

ISAIAH 13:3

Bawipa naw m’tam ne ang ngaih gep ah gakap gui cu khü gui ci, theingciim ciah ng’tuk bi vai la am lungshe nak ah chang gui m’kyuk gui vai ah kyak ci.

ISAIAH 13:4

M’htung khan ah k’aw cu ngai vä akdäm ah ng’bum ciah chang gui ah k’aw nei. Gamang Bawipa naw a gakap gui cu g’tuk bi vai ah pawng püi ci nei.

ISAIAH 31:9

Ami mangbawi cu kyi ne dawng khai, ami bawi gui cu kyih aih u’ne, ami ng’tuk nakung alan gui cu nawng shüt khai gui.” Bawipa naw ng’thu pyen ci — Bawipa, Jerusalem ung ami khawihnah, ani ah mei cu khawihnah m’khih nak vai ah di ci nei.

EZEKIEL 38:17

Kei naw cau ka pyen ah chang tumat cu nang ah kyak ci, cun yah ung kei naw ka changshäm, Israel prophet gui ungka naw ka ng’shäu cu, cun ah hnüüp a gawk law ung, Israel tuk khai ah chang tumat cu kei naw ka law püi khai” ciah kyak ci. Uktu Bawipa naw a pyen nei.