ISAIAH 5:25 - Cho Bible Common Language 2016

²⁵ Bawipa naw achang gui ah khan ah m’lungshe neta, ngami m’kyuk nak gui vai ah a kut shäng ci. Khaw m’htung gui thüng khai, sik ciah pumsa gui cu lam ung ng’ant ah mäih ah ng’zän shüt khai gui cun güt ung Bawipa ah m’lunghse nak cu kä ng’yi khai, cun ung ngami m’kyuk gui vai ah ani naw a kut cu shäng lä khai.

ISAIAH 5:25 Referans Kwoze

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

ISAIAH 9:21

Manasseh chang gui la Ephraim chang gui cu ami mät ng’tuk khai gui, cun kawn ah atäng ah Judah cu tuk khai gui. Cun ung phi Bawipa ah m’lungshe nak cu kä ng’pyi khai; ani naw a kut cu ngami m’kyuk nak gui vai ah shäng lä khai.

ISAIAH 9:17

Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

2 GHANGPUGHANG GUI 9:37

K’pawih ba cicu ekk ah mäih ah ng’yaih khai, a u naw a i ah m’khoi chah ne kä hmat khai.”

DANIEL 9:16

A cau nang naw na na shungvong gui ci, cun ah kyasei Jerusalem cu kä m’lungshe na en baä. Shin cu nang ah mang gaw, nang ah theingthap ciah khomhtung nei. A peileng yung ah om ciah khopäng gui ung chang avan naw Jerusalem la na chang gui cu kahta nak ci gui nei, a i ah kyasei ci ung kami hma nak la kami pupa gui naw akshe ami bi ah hmawk ah kyak ci nei.

JEREMIAH 4:24

Kei naw khomhtung gui ka teng ci, ngami cu ng’thüng ci gui, khogui gui cu ng’hlet ci gui.

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

NAHUM 1:5

Bawipa ah ma ah khomhtung gui thüng u ne, Khawgui gui ama ah ngüm ci gui. Bawipa angdang ung khomdek thüng ne, Khomdek khan avan la ak chang avan ng’hlet ci gui.

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

SAM 18:7

Khanpughi cu m’lung she sei, khomdek thüng ne, khomhtung ng’nawi gui cu ng’hlet ne ng’ng’tum ci gui.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

ZEPHANIAH 1:17

Bawipa naw, “Kei naw natnak yuh chah law ngäsei, chang avan cu amik m’dauh ah mäih ah kyak khai gui. Ngami naw kei nah nu na ne ami kat ah phäh ah ami si cu tui ah mäih ah ng’chawt ne, ami pum cu khomdek khan ah ng’gäh ne ng’yaih khai.”

HABAKKUK 3:10

Khomhtung gui naw ami ning hmuh ung ng’thüng ci gui, khomik ungka tui phu ne kya lawk ci. Khomdek ah kaa ah tui gui gaai ci gui, ami tui hnawk gui ak hlüng tho lawk ci.

MIKHAH 1:4

Mei ung khoi chap ah mäih ah khomhtung gui aka ah piawn khai gui; Khomhtung ung lut lawk ciah tui ah mäih ah ngami cu khaw ng’nawi ung pyäu ne long khai gui.

HOSEA 14:4

Bawipa naw pyen ci, “Ka chang gui cu kei ah ka law ba sak gui khai. Ka m’lungkyong avan awn ka m’hni gui khai. Kä ka m’lungshe na ba gui khai.

NG’ÄI KYAH 5:22

Kä cun ung nang naw khonglän ung na na hnungtuk püi gui khai ma? nang ah m’lungshe nak ung m’hnüt bäi nak a i kä om ne ma?

JEREMIAH 15:3

Kei, Bawipa naw ka k’bäi ci, kyih vai ah mawng phli cu ngami ah khan ah kya lawk khai: ngami cu ng’tuk nak ung ngawn gui khai gui; ami pumsa gui cu ui gui naw ng’gut gui khai gui, kha gui naw ei khai gui, k’pawih ba ci gui cu khisa gui naw k’tüi ne ei khai gui.

JEREMIAH 9:22

Aksi pumsa gui cu ng’zaih shüi shüi ci gui nei, cun gui cu lai ung eek ng’pum ah mäih ah ng’püm ne, aat ne ami zaih, a u naw kä a kaw ah htang gong ah mäih ah kyak ci gui nei, Shin cu Bawipa naw ka pyen vai ah ana m’thein ah kyak ci.”

JEREMIAH 8:2

Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

JEREMIAH 4:8

Cun ah kyasei sui k’she sui ne, kyap ne m’lau vä, a i ah kyasei ci ung Bawipa ah m’lungshe nak naw Judah cu kä ng’hlah tak ci nei.

SAM 114:7

Khomdek, Bawipa ah a law nak ung, Jakob ah Khanpughi ah ma ah ng’thüng ä,

SAM 106:40

Cun ah kyasei Bawipa cu ak chang gui ah khan ah m’lungshe ne, m’shemshai na gui ci.

SAM 83:10

Endora kho hmun ung nang naw tu gui ci sei, ami pumsa cu khomdek ung ng’dawn ci nei.

SAM 78:38

Cun ung phi Khanpughi naw akchang gui cu, chimgein gui ci. Ani naw ami katnak m’gein gui ci, kä m’di gui ci. Ani cu akda vei am lung üüp ci, am lung she nak cu m’cäi ba ci.

SAM 77:18

Na kho ng’hmum ng’kyeek ne ng’liim sei, lailäp ne ng’shü ci naw m’dek han chang ci; khomdek ng’hlet ne thüng ci.

SAM 68:8

Shihpi thüng ne, khomik ung ka tui kya lawk ci. A i ah kyasei ci ung Sinai Khanpughi, Israel Khanpughi a law ah hmawk ah kyak ci.

2 GHANGPUGHANG GUI 13:3

Cun ah kyasei Bawipa cu Israel gui ah khan ah m’lungshe neta, Siria ghangpughang Hazela la a hta Benhadad am Israel cu leng ba ba ne tuk sak ci.

1 GHANGPUGHANG GUI 21:24

Nang ah na mätyah gui phung mang gaw kyong ah sik cicu ui gui naw ei khai gui, gaw k’pung ah sik ci gui cu langta gui naw ei khai gui nei.”

1 GHANGPUGHANG GUI 16:4

Nang ah na kyong chang ungka mang gaw kyong ah sik cicu ui gui naw ei khai gui. K’taima ah sik cicu langta gui naw ei khai gui.

1 GHANGPUGHANG GUI 14:11

Na kyong chang gui ung ka mang gaw kyong ah sik cicu ui gui naw ei khai gui, khaw ng’piä ung sik ci gui cu langta gui naw ei khai gui. Kei, Bawipa naw ka pyen nei.”

THULÄÄN NAK 31:17

Cun ah a kyak law ung ngami ah khan ah kei cu ka m’lung she khai; kei naw ka nawng gui khai, ngami cu dishum khai gui. Kyih vai ah leigai akda ami khan ah gawk lawk khai, cun kawn ah ngami naw hmat lawk khai gui, shin gui ngami ah khan ah a kyak law cu, kei, ami na Khanpughi naw kä ka om püi ba gui ah hmawk ah kyak ci, ciah hmat khai gui.

PHYAWN NAK 7:19

Bawipa naw Moses am, “Aaron am na m’thein vai, ang shopawng cu la ne Egypt khaw ah tuinu avan, tuilawng avan la tui shawk avan ah khan ah a shääng vai nei. Tui gui cu si ah ng’lat yawp khai, khaw avan cu si ah kya yawp khai nei, sing kawk, lung khui ung phi si be khai nei” cik ci.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

ISAIAH 14:19

cun ung phi nang ah phuh hmun kä om ci, nang ah gook cu thu ne piawn khai ah ghawt ci gui nei. Cun cu ng’tuk nak ung sik ci gui ah gakap gui ah pumsa gui awn lin u ne, cun gui awn atäng lung khui ung yuk cha u ne, kai nak ci gui nei.

ISAIAH 23:11

Bawipa naw tuinu ah khan ah a kut shäng ne, uknak kho gui cu shet sak ci nei. Ani naw Phoenician sumlei hmun gui m’di vai ng’thu k’bäi pyi ci nei.

ISAIAH 25:11

Ngami naw tui ng’väk vai ah k’tha nak ah mäih ah ami kut cu shäng khai gui, cun ung phi khanpughi naw ngami cu hnim gui sei, ngami ah kut cu am gein kaa ah kyein khai.

ISAIAH 42:25

Cun ah kyasei am lungshe nak ah aktawt cu mi gah ne, ng’hnüüt ciah ng’tuk nak ung mi yai ca ci. Ani ah m’lungshe nak naw Israel khaw avan cu mei ah mäih ah ui ci. Acun ungka, mikmi naw mi ng’thei nak a i phi kä om ci.

ISAIAH 51:20

Lam ah akit päng ung, na chang gui cu ami k’tha maih sei kiung’täng ci gui nei; Sa pha nak cuun ung awk ciah kigang ah mäih ah kyak ci gui nei.

ISAIAH 64:3

A zan ung hnü ät nang cu law ne, keimi naw kä kami ngaih-tüh ah kyih kyawk gui vai na bik ci nei; Khom htung gui naw nang ning hmu u neta, kyi ne ng’thüng ci gui nei.

ISAIAH 66:15

Bawipa cu mei awn lawk khai. Ani cu am lungshe nak gui m’kyuk gui khai ah kuiphak ng’vai ung ng’cum ne lawk khai nei.

ISAIAH 66:24

Ngami ami hteh ba ung, kei na hnungtuk küknet püi ci gui ah ami gook gui cu hmuk khai gui. Cungui ei ciah m’kyiit gui cu kä ci phung khai gui, cun gui ui ciah mei phi kä phät phung khai. A cun gui hmuk ciah hnicim chang avan cu shemshai gui khai. Prophet Isaih ah caa gui ng’pyi ci.

JEREMIAH 17:4

Kei naw ka ning pek gui ah khaw cu nangmi naw nami m’lung si khai. Cun kawn ah kä nami hmat ah khaw ung nami ga gui ah bii nami bik khai ah kei naw ka ning bi gui khai, a i kyasei ci ung kei ah m’lungshe nak cu mei ah mäih ah kyak ci, cun naw khongtän ung ui khai nei.

EZEKIEL 6:14

Kei naw ka kut shäng ne ami khopäng ka m’di khai. Kei naw ai phi kä k’pawih na ne, a htumtäng khong gau ungka naw a siiptäng Riblah mang gaw ung khüt sei shet sak ne, Israel gui ah om nak ah hmun phung kä ka k’pawih nak khai. Cung kawn ah chang nü naw kei cu Bawipa ah na hmat khai.”

EZEKIEL 30:25

Kei naw ani cu aktha ken sak ne, Babilonia ghangpughang cu ka thamah sak khai. Kei naw ani am ka khimsem cu pe ngäsei, ani naw Egypt täng ah atawk law ah a kyak ung, chang nü naw kei cu Bawipa ah na hmat khai.

AMOS 8:8

Cun ah kyasei m’dek cu thüng khai. Khaw ung chang päng cu ng’hlaw ei khai. Khopäng avan thüng khai, cun cu tho ne Nile tuinu ah mäih ah kyeim ba khai.

THULÄÄN NAK 31:18

Cun kawn ah kei naw ka m’hteihtang gui vai ah ka mak khai, a i ah kyasei ci ung ngami cu akshe bi u ne, a hei khanpughi gui khawihnah ci gui.

JOB 9:13

Khanpughi cu ani hnu ng’tuk püi ciah Rahab ng’düih püi ci gui ah aga gui ah khan ah am lung she nak cu angtäi ah om ci.

ISAIAH 9:11

Bawipa naw ngami tu gyi khai ah ami ga gui cu thawh let sak gui ci.

ISAIAH 9:16

Shin ah chang gui matawn ci gui naw lam hma sak gui ne, apum ah ng’cawn kan sak gui ci.

ISAIAH 9:20

Khaw avan ung chang gui naw ami hmuh hning ah ei apihta cu ng’gut ne ei khai gui cun ung phi kä phü khai gui. Ami mät ah hta gui hngaw ei khai gui.

ISAIAH 29:2

Cun kawn ah khawpughi naw cun ah mang gaw ah khan ah leigai law pui khai, cun ah manggaw cu “Khanpughi ah sonkiang” ah pyen ci gui. A cun ung thüi nak, kyap nak om khai, mang gaw apum cu si bäng ah kyak ciah sonkiang ah mäih ah kyak khai.

JEREMIAH 6:12

Ami im gui, ami lolai gui la ami chu phi chang hei gui om pe gui khai gui. Shin ah kho ung om ciah chang gui cu kei naw ka m’kyuk law gui khai.

EZEKIEL 15:6

Tuhbäi shin cu Uktu Bawipa naw a pyen nei, “Bung ah ka sapyit shun cu la ne mei awn m’khih ah mäih ah Jerusalem ung om ciah chang gui cu kei naw la gui ne,