ISAIAH 5:23 - Cho Bible Common Language 2016

²³ Cun ung phi nangmi naw ng’mü khawk dou u ne, chang she m’hlawt ne, kä hma ciah chang cu taga khai ah kä nami bi pek ci.

ISAIAH 5:23 Referans Kwoze

ISAIAH 10:2

Shin cu dukhaih ci gui naw ami chaw kä ami gah vai la taga nak kä ami gah vai ah nami shung nak ah kya ci.

JAMES 5:6

Nangmi naw shetkat nak kä om ciah chang gui ng’thumcha ne nami ngawn ci, cun ung phi ngami naw kä ning ci tuba gui ci gui.

NG'THU K'THUUK~ 17:15

Changnim’kyuk ci la changshe m’hlawt ci — ani nik hnih cu Bawipa naw thui nak ci.

SAM 94:21

Ngami naw changni cu huut ne hnu na u ne, akat nak kä om cicu m’sih ci gui nei.

MIKHAH 7:3

Akshe bi vai ah chang van theileh ci. Bawi gui la suki gui naw m’cümhnah nak thäh ci gui. Ang vaipi naw ang yak hlü pi thäh ci, ngami naw atäng ah bum ci gui.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

NG'THU K'THUUK~ 24:24

Changkaa cu changni nei cine ani naw a shäi ah a kyak ung, Ani cu chang päng naw plah tam ne thüi nak khai.

NG'THU K'THUUK~ 17:23

Ka taga ciah suki naw ng’mu khawh dou ci, Ani naw taga khai ah ka bi hlawt ci.

2 SHONTÄP NAK 19:7

Bawipa cu kyih aa ne geing na ne nami bilawh vai, a i ah kyasei ci ung Khanpughi naw m’thüikhang nak chang ah hmai teng nak, ng’mü khawh don nak cu kä ng’ya hlük ci.”

THULÄÄN NAK 16:19

Ngami cu kä taga ciah kä kyak khai gui, ami ng’thumcha nak ung m’khoihnga nak kä m’dang khai gui. Ng’mü khawh kä dou khai gui, cüivai ci la düng ci chang ah mik phi m’cümhnah nak naw m’dauh sak ci. Acun naw hma ci m’hnüt bäi nak pe gui ci.

MATTHE 23:35

Cun ah kyasei katnak kä bik ci gui ah Abel ung tün na, pum im la mamgkiang ah ng’lak ung nami ngawn ah Berachiah ah hta Zachariah ung khüt khai ah, nami ngawn gui ah hmawk ah shetkat nak nami gah khai.

1 GHANGPUGHANG GUI 21:13

Chang omshe goi naw chang ah ng’lung ung ani cu tawk ni ne, Khanpughi la ghangpughang yeeihkah nak ci nei, ci ni khäta, ani cu mang gaw k’pung ah hteh püi ne lung awn vawi ne ngawn ci gui.

ISAIAH 10:1

Nami khaw mü ci nei! Nangmi naw kä taga ciah thukhän nami pyang ci, a cun naw ka chang gui shedam nak ci.

ISAIAH 32:7

Sahai ciah chang cu shekha ne, akshekha gui bik ci; ani naw dukhaih ci gui ah di nak vai ah m’zih thuh hleei hlak ne, ami chaw phi häu sak gui ci.

ISAIAH 59:15

A cun ung düng nakcu aphihta bäng om ci kya sei, akshe bi nak nawng ci gui amät naw amät cheishoh ciah hmuk ci. Bawipa naw shin cu hmu neta, cung cu kä taga ciah kyasei ani cu kä yei ci.

AMOS 5:12

Shah aih ciah nami katnak gui la leng ba ba ne nami katnak gui cu kei naw ka hmat ci. Chang k’ni nami dukdeiu nak ci, ng’mü khawh nami lak ci, mang ah m’kawt ung dukhaih ci ghui ah gah vai ah taga nak gui cu nami shung ci.

ISAIAH 28:7

Prophet gui la taigü gui pui cu awktat u ne kyu shüi shüi ci gui. Ngami cu sapyit tui akda la awktat vai gui akda aw aih u neta gawk vaak kiungtäng ci gui. Prophet gui cu aw aih u neta khanpughi naw ak chaak law gui ah muimang cu kä hmat ci gui, taigü gui phi aw aih u neta, ami law püi ah amawngma gui cu kä phupit kaih yawih hlawt ci gui.

ISAIAH 29:21

M’thüi ciah chang, ngawnphak ci m’kyuk nak vai shungvong ciah cang, düng ciah chang naw taga nak kä gah khai ah hleei hlak ne pyen ciah chang gui cu khanpughi naw m’di gui khai.