ISAIAH 5:2 - Cho Bible Common Language 2016

² Ani naw m’dek lei cu co ne lung gui cu ghäng ci; ani naw sapyit aknipi gui geit ci. Ani naw cun gui ngäng nak vai ah tänghän co ci, Sapyit theih neen nak vai ah khui phi co ci. Ani naw sapyit a up vai cu ging ci, cun ung phi sapyit theih cu thui yawp ci.

ISAIAH 5:2 Referans Kwoze

JEREMIAH 2:21

Kei naw nang cu bä ciah sapyit ah mäih ah ni pikbäih ciah m’shi ungka ka ning geit ci. Cun ung phi a i ah na kyak law cu teng ä! Nang cu chawng ne akolä ah kyak ciah sapyit ah mäih ah na kyak ci.

1 KORIN 9:7

A u gakaap naw amät ah ei ei ne ng’tuk bi man ne ang? A u lo k’bi naw a lo ungka a geit cu kä ei ah om mang ne ang? A u htome k’shäm naw a shäm ah htome ah suuktui cu kä awk ah om man ne ang?

MAKUH 11:13

Cun yah ung a hnah khlum sei ghing ciah baangging cu hmu netah, m’theih hman khai cine, a pei ah hteh shi ci. Am theih khin ah kä kyasei a ghing cu a hnah gui bäng om ci.

ROMAN 9:4

Ngahmi cu Khanpughi ah chang ah kyak ci gui; Khanpughi naw ngahmi cu a hta ah pyang gui ne abämang nak cu hmuh sak gui ci: Bawipa naw ngami awn thukhän bik ci, ngah mi am thukhän pe gui ci; Ngah mi naw akcang ah khawihnah ci gui; Ngami naw Khanpughi ah shaitaak gah ci gui;

MAKUH 12:2

Sapyit bih nak vai ah a khin gawk lawk khätah, ak chang shäm tumat cu lo ng’vat ne bik ci gui ah tüi ne, k’phlam cu ng’yoih sak ci.

MATTHE 21:34

Sapyit khäm vai akhin gawk law sei, ak changshäm gui cu lo ng’vat ci gui ah tüi gui ne, a gah vai ah ak phlam cu lak sak gui ci.

MATTHE 21:19

Lam pei ah baangghing tumat om sei a pei ah hteit ne teng ci. Cun ah baangghing cu käm theih ah a hnah gui bäng om ci. BawipaJesuh naw cun ah baangghing cu tawk ne, “Nang cu a ngawi ah phi kä nam theih khai,” cine taam khätah, acun vai-am cun baangghing cu ng’yai ne chawng ci.

MIKHAH 4:8

Nang Jerusalem, Khanpughi naw, htoshäm ah mäih ah a chang gui am htei nak ah uknak khaw ah mang gaw ah na kya ba khai, cun cu nangmi ah ka ah kyak ci.

HOSEA 10:1

Israel chang gui cu am theih awn be ciah sapyit sing ghing ah mäih ah kyak ci gui. Ngami cu bühmang law pi u ne, sonkyang co law pi ci gui. Ami khaw ung geit m’sep law pi k’täi u ne, Khawihnah nak ah theingcim ciah lungtung cu, kiom law pi khai ah pyang ci gui.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

ISAIAH 1:8

Ami kai ah mang gaw Jerusalem bäng k’pawih ba ci — ani cu ngäng ci yä om ciah ah sapyit la k’pyu ah mäih ah kyak ci, pacüh lo ung phung ah mäih ah kyak ci.

NEHEMIAH 13:15

Cun sang ung Judah ung chang gui naw kyin hnüüp ung sapyit theih neen u ne, pümhta, sapyit tui, sapyit theih, thei, la ahei gui cu ng’sela ung taih ne Jerusalem ah hteh püi u sei ka k’bäi gui ci.

SUKI GUI 16:4

Cun kawn ah Samson cu Sorek khawnawi ah om ciah hnumi Delilah awn ng’zum hni tuk ci goi.

THULÄÄN NAK 32:6

Nang naw Bawipa na om ih püi cu a shik cha ah ma? Nang chang gu taak, chang awng ang, Ani cu nami pa, ning tüisho gui ci. Ani naw changpakhui ah ning pyang gui ci.

KHEI NAK 23:9

Khenglung a hlüng gui ung kei naw ka hmu gui hning ci, Khaw-gui ak tai gui ung kei naw ka ngäng gui hning ci. Ngami cu amät om ciah pakhui ah kyak ci gui. Ahei pakhui gui ah däm pi sei hriham ami gah cu ngami naw hmat ci gui.

PHYAWN NAK 33:16

Keimi awn a täng ah kä na hteh ah a kyak ung, na chang gui na yei nak ah mawng la kei na na yei nak ah mawng, a i cha ah a u naw hmat khai aw? Keimi ung na om ah mawng naw m’dek khan ung chang hei gui awn na ng’lakmah sak gui khai nei.

MATTHE 21:33

“A hei tumtäng nak tumat cu ngai vä, sapyit akda geit ciah khomdek mah tumat om ci. Ani cu lo avan ng’vong ne sapyit neen nak vai khui phi shawk ci, shaam tumat phi co ci. Cun kawn ah a sapyit lo cu chang gui-am ak phlam a ei vai ah m’kai ne khah gui netah, a kho hei ah hteit ci.

MAKUH 12:1

Cun kawn ah Bawipa Jesuh naw ngami-am m’tumtäng ne am thein gui cu, “Chang tumat naw sapyit lo cu bi ne, geit ne ng’vong ci. Sapyit m’theih m’seh nak vai ah khui phi shawk ne, tängkyäng phi co ci. Cun kawn ah ani cu a sapyit lo khah gui ne bi sak gui netah, a kho hei yung ah hteit ci.

2 SAMUEL 7:10

Kei naw ka chang Israel gui ah phäh ah khaw hmun ghü ne, a cu ah ka om sak gui ci, a cu ah ngami cu shedam nak kä om ba sei om khai gui. Ngami shin ah khaw ung ami luh law ung tün ne, ngami cu chang omshe gui naw tu gui ci gui, cun ung phi cun ah mäih kä om ba khai. Na ga avan ung ning gung ne, na hta ng’shon vai ka ning pek khai cine, kei naw shai ka tak ci.

SAM 80:8

Nang naw Egypt khaw ah ka sapyit shun cu law püi ne; pakhui hei gui k’täm gui neta, ami kho ung na geit ci.

SAM 80:9

Nang naw a thawh vai ah a hmun cu k’sei m’ghan ci sei, a pya thuk ne kho küm ne ng’shun ci.

JEREMIAH 11:17

“Kei, m’gäi ciah Bawipa naw,” Israel la Judah cu ka geit kaw gui khai; cun ung phi tuhbäi ami khan ah lei gai ka gawk sak khai. Ngami naw shin cu ami mät naw ami mät ah khan ah ami gawk sak ah kyak ci, a i ah kyasei ci ung ngami douthak nak awn kei cu na m’lungshe sak ci gui.