ISAIAH 5:19 - Cho Bible Common Language 2016

¹⁹ Nangmi naw, “Bawipa naw, ani naw abi vai a pyan cu ang ghit ah bi sä, cun ung mikmi naw mi hmu hning khai nei. Theingcüm ciah Israel khanpughi naw a pawng püi gui cu bi sä; ani ah am lung ngaih cu mikmi naw mi hmuk khai nei.”

ISAIAH 5:19 Referans Kwoze

EZEKIEL 12:22

Ani naw pyen ci, “Hnicim Chang, a i ah kyasei Israel chang gui naw Shin ah ng’thu thuuk cu ami pyen ba laih laih ang: ‘Akhin cu ng’pyi ci, ng’cängbang cu kä phung ci?

JEREMIAH 17:15

Chang gui naw na pyen nak cu gui, “Bawipa naw hnungtuk ne ana ng’li ng’pyaan nak gui cu a hawi ang? Tuhbäi cun gui cu bi law cang sä!”

JEREMIAH 23:36

Cun ung ngami naw ‘BAWIPA ah phuih’ ciah ng’thu cu kä mang ba khai gui nei, a i ah kyasei ci ung, tumat mat naw a pyen ba ah a kyak ung kei ah ka ng’thu cu ani ah khan ah phuih ah kyak khai ah ka bik khai nei. Chang gui ne m’gäi ciah Bawipa, ghing ciah khanpughi, ami khanpughi ah ng’thu cu m’hlat shüi ci gui nei.

EZEKIEL 12:27

“Hnicim Chang, nang ah muimang la cängbang nak gui cu Israel Chang gui naw ngami pui nu ah ka vai cine ngai ci gui nei.

JEREMIAH 23:18

Kei naw ka pyen ci, “Shin ah prophet gui a u naw phi Bawipa ah ng’zih ciah ngaih-tüh cu kä hmat hlawt ci nei. Ngami ungka a u naw phi kä ng’ya man ci, ani ah thu kä hmuhmat man ci, ngaih ah phi kä ngai man ci, ani ah pyen phi kä geing ne man ci.

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.

ISAIAH 30:11

Kami lam ung ka, ng’nawn vä, kami lam kä shung en vä. Nangmi ah theingcim ciah gsvaek khanpughi ah mawng kä kami ng’ya hlük ci nei.”

JEREMIAH 36:23

Jehudi naw päk thum päk phili vai phat khäta, ghangpughang naw khim hta awn kiük ne mei ung k’cawm ci. Ani cu cun ah ca k’chaw mei naw a uih yawp güt acun ah cik ci.

HOSEA 10:3

Shin ah chang gui naw atuhbäi gen khai gui, “Mikmi ung ghangpughang kä om ci, a i ah kyasei ci ung mikmi naw Bawipa kä mi kyih aa ah phäh ah kyak ci. Cun ung phi ghangpughang a om ung phi mikmi ah phä ah a i bi hning khai ang?”

MALAKHI 2:17

Nangmi cu ng’thu m’da ne Bawipa cu nami cümbawng sak ci. “A i hawkcha ah chang kami cümbawng sak?” cine phi nami ng’shik ci. “Hlüngtai ciah Khanpughi naw, ak she bik ci gui cu nik ciah ngai ne m’hni gui ci” cine phi nami kyak ci. M’khoichak ciah Khanpughi cu a hawi ang?” cine phi nami kyak ci.