ISAIAH 5:16 - Cho Bible Common Language 2016

¹⁶ Cun ung phi m’gäi ciah Bawipa naw a däinduh nak cu hman ci a bi nak awn m’dang ci, ani naw a theincüm nak cu a chang gui am khaicha nak awn m’than ci.

ISAIAH 5:16 Referans Kwoze

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

ISAIAH 12:4

Chang gui naw ng’äi ami mku nak vaiah hnüüp cu gawk lawk ci nei. “Bawipa cu m’hlüngtai vä! Na m’htei gui khai ah ani cu khü vä! Ani naw abilawh gui cu chang pakhui avan am m’thein vai! Ani a i hlawk ah a dämduh cu m’thein gui vä!

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.

1 PETER 2:15

Akni ah nami om ih nak awn chang k’gu k’aang gui ah thu m’gawng cu nami shungshet vai ah Khanpughi naw ng’ya hlük ci nei.

EZEKIEL 36:23

Kei ah dämduh ciah ka ming theing cu changpakhui gui am akcang ah ka m’dang law ung — ngami ah ng’lung ah nangmi naw nami thui ng’aa sak ah ming — ngami naw kei cu Bawipa ah hmat khai gui. Kei, uktu Bawipa naw ka pyen nei. Kei ka theingcim ah mawng changpakhui gui am m’dang vai nangmi cu ka ning mang gui khai nei.

ISAIAH 29:23

Kei naw ka ning pek gui ah a hmaw gui cu, nangmi naw nami hmuh law ung, kei cu Israel gui ah theingeim ciah khanpughi ah ka kyak cu nami hmat khai nei. Nangmi naw na m’hlüng m’tai u ne, nami na kyih aa khai nei.

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

ISAIAH 33:5

Bawipa a i hlawk ah dämduh ci ang! Ani naw apängnü ah khan ah uk ci nei. Ani naw Jerusalem cu taga nak la bekhe nak awn besak ne,

ISAIAH 8:13

Nami shüm vai, kei, m’gäi ciah Bawipa cu, ka theingciim ci; Nangmi naw nami kyih vai cu kei tumat bang nei.

EZEKIEL 38:23

Cun ah hnüüp ung kei naw changpakhui gui avan nam ka dämduh nak la ka theincim nak cu ka m’dang khai. Cun ung ngami naw kei cu Bawipa ah na hmat khai gui.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

ISAIAH 2:17

Chang k’am nak gui cu ng’pyi ne, chang ah ng’shei nak gui cu di yawp khai. A cu hnüüp ung a gup gui cu api ah phi kä ng’dang ba khai gui, Bawipa amät bäng m’hlüng tai nak om khai.

THU PHLAAN 4:8

Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.

ISAIAH 61:8

Kei naw taga nak cu ka m’hni ci, shedam nak la cheishoh nak cu ka thüi nak ci. Kei naw ka chang gui ung bekhüt ka m’cümhnah gui khai, Nangmi awn ng’täi ciah thukhän ka bik khai.

ISAIAH 28:17

Taga nak cu angnei nütak-gui ah kyak ci, düng nak cu a cun khinnak-gui ah kyak ci.” Gäinu naw nami düihnak ah hleei hlak nak cu avan hteh yawp khai, tui k’law naw nami ng’shungshet nak cu m’di yawp khai.

ISAIAH 6:3

Ngami tumat la tumat ng’khü tu u ne: “Atheing, atheing, atheing! M’gäi ciah Bawipa cu atheing? Ani ah bäingang hak naw khomdek be sak ci nei.”

SAM 21:13

Bawipa, ghaa ciah na thagui ah hmawk ah kami ning m’hlüngtai ci nei! Keimi naw ng’äi m’cu ne, na hlüngtai nak cu kami m’taam ci.

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

ISAIAH 2:11

Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

SAM 9:16

Bawipa naw amät ah düng ciah am khoicha nak awn amät cu dang sak ci nei. Changshe gui cu ami mät ah shetkat nak ung ng’awk ci gui nei.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

1 PETER 1:16

“Kei cu ka theingcim ci kyasei, nangmi phi nami theingcim vai nei,” ciah cacim naw pyein ci.

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

1 PETER 3:15

Nami m’lung kyong ung Bawi Khrit cu kyih aa u ne, Bawipa nei ci ne m’tamkhah vä, Ani yum ne nami ngaih u ah mawng ning shi gui ci a om ung, nami m’thein tu ge thei vai ah nami om vai nei.

ISAIAH 33:10

Bawipa naw chang pakhui gui pyen na gui ci, “Tuhbäi kei ka hnüntho khai nei. Kei a i hlawk ah ka huham mah cu kei naw ka m’dang khai nei.

EZEKIEL 20:41

Kei naw nami püipiang nak ah khopäng gui ungka ning law püi ba gui ne atäng ah ka ning k’bum law ba gui ung, kei naw nami m’khih ah khawihnah nak cu ka ning dou pe gui khai, changpakhui gui naw kei ka Theingcim cu hmuk khai gui.

EZEKIEL 38:16

Nang naw ka chang gui Israel gui cu püikhokhi ne khaw ung anglam ah mäih ah na tu lawk khai. Cun khin a gawk law ung, kei a u cicu changpakhui gui am m’dang nak vai la nang ung ka bi awn kei ah ka theingcim nak cu m’dang nak vai ah, kei naw nang cu ka khaw na tuk khai ah ka ning tüi khai.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

KHEI NAK 20:13

Shin ah a kyak nak cu Meribah ung kya ci, acun cu Israel chang gui naw Bawipa hnungtuk püi ne, thu ami m’da nak la ani naw a theingcim ah mawng am dang nak gui ah kyak ci.

ISAIAH 2:9

A chang sing cu zu ng’kia u ne, lü ng’a khai gui nei. Bawipa, kä geinsei en gui ä!

EZEKIEL 28:25

Uktu Bawipa naw pyen ci, “Israel chang gui cu kei naw ka püipiang sak nak gui ah changpakhui ungka kei naw ka law püi ba gui khai, cun ung changpakhui avan naw kei cu ka theingcim ciah hmat khai. Israel chang gui cu ami mät ah khaw ung om khai gui, cun ah khaw cu kei naw ka changshäm Jakob am ka pek ah kyak ci.