ISAIAH 5:14 - Cho Bible Common Language 2016

¹⁴ M’gang khlam naw ei ah cani ne ei hlü gui ne, ani naw a shai m’an ne ang ci. A cun naw Jerusalem ah mang gui cu m’lau ng’pyang ciah chang pang gui awn atäng ah m’zaw gui ci.

ISAIAH 5:14 Referans Kwoze

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

HABAKKUK 2:5

Mang cicu theileh ci, m’gäi cicu chang ah ng’shei ci, pheetlah ci. Sih nak ah mäih ah ami ng’büh nak kä om ci, a i ah kyasei ci ung ngami naw changpakhui päng tu ne khäm ci gui.

NG'THU K'THUUK~ 30:16

sih nak ah khaw, kä hta ciah hnumi, kho aa ng’ya hlük ciah m’dek chawng, kä m’sih hlawt ah mei k’law.

MATTHE 7:13

‘Ng’hteik ciah m’kawt ung lut tu vä, m’hteikho ah hteh nak ah lam la m’kawt cu ng’shawng ciah kyasei, cun ah lam ung hteit ci gui cu da ci gui.

NG'THU K'THUUK~ 27:20

Chang ah ng’yak hlü gui cu sih nak khaw ah mäih ah kyak ci, angtäi sei akhan om ba hnga mä ci.

SAM 55:15

Ka gaa gui cu si hlah u sä; m’htei kho ah ak ghing ah hteit u sä! Akshe cu ngami ah m’lung ung la ngami ah im ung om ci nei.

ISAIAH 30:33

Cau nu ge ung Assirian mang bawi meinu naw a uih nak vai ah hmun cu pyan pyi ah kyak ci. Cun cu thuuk ne, ng’shawng ci, awn ung sing akdäm ah pum ah kyak ci. Bawipa naw akdang ung meimlei m’hluh law ne, acun cu m’khih khai.

ISAIAH 14:9

Sihnak ah khaw naw Babilonia ghangpughang cu don ge khai ah om ci. M’dek khan ung hnham mah man ci gui ah ami mümcha gui cu hnün tho ci gui. Ghangpughang gui ah ami mümcha gui cu hnün tho ci gui. Ghangpughang gui ah ami micha gui cu, ami mang kaing ung ka naw tho lawk ci gui.

LUKA 17:27

Noah ni, htein-paw im kyong ah ami luh kawn ah tui naw lin gui sei, chang gui ami didap ah hnüüp kä gawk pha ung chang gui cu, ei ne aw ne, ng’chu-la ne om te ci gui.

ISAIAH 21:4

Kei ah kalu cu nak phiui ci nei, kei cu kyi ne ka ng’hlet ci nei. Kei naw khaw mühun cu ka gingeo ci nei, cun ung phi cun naw a i kä law püi ci, kyih nak bang ah kya ci.

NG'THU K'THUUK~ 1:12

Mi hmuh gui yah ung ngami cu ghing gai khai gui, cun ung phi mi ng’tuk püi gui ung ngami cu sik khai gui nei.

SAM 49:14

Ngami cu htome ah mäih ah khomü sei sik ci gui, sih nak cu ngami ah htoshäm ah kyak ci. Ng’düng ci gui naw ngami cu näng gui sei, ami pumsa cu ang ghit ah thuka ne, ami im awn ng’shawng ciah sih nak ah kho ah gawk ci.

DANIEL 5:30

A cun ah mü ung Babilon ghangpughang Belshazzar cu ngawn ci gui;

NAHUM 1:10

Ng’hling chawng la htang gong chawng ah mäih ah nangmi yu nami awktat ci gui cu mei naw ning ui gui khai nei.

ISAIAH 14:11

Nang cu tingtäng tum ne m’hlüngtai nak na gah man ci, cun ung phi tuhbäi, shin ung sihnak ah khaw ung na om ci nei. Nang cu m’kyitzawp ah ih khan ah ng’zän ne, cakaw ah kyak ciah yih na khuih ci nei!

ISAIAH 24:8

Tingtäng gui la htingceei gui yeikyai ne tumkhawn nak cu tuhbäi kä om baci nei.

EZEKIEL 7:12

Akhin cu gawk lawk ci nei. Hleih nak la yoih nak ai ah kä a ng’hmat nak ah a khin cu gawk lawk ci nei, ai ah kyasei ci ung khanpughi ah am kyuk nak cu chang nü ah khan ah atäng ah kya lawk khai nei.