Biblia Todo Logo
Bib sou entènèt

- Piblisite -




ISAIAH 5:13 - Cho Bible Common Language 2016

13 Cun ah kyasei nangmi cu thawng kyum ah ning hteh püi gui khai gui. Nami ng’vai gui cu cawi ne sik kaai gui, chang akda cu tui ah gha ne sik khai gui.

Gade chapit la Kopi




ISAIAH 5:13
26 Referans Kwoze  

Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.


Seipat gui naw a u naw aka nak gui cu hmat ci gui, ng’sela gui naw ami mah naw a vuh gui mawng hmat ci gui. Cun gui cu ka chang Israel gui ah ta hmat pi ci gui nei. Ngami cu a i phi kä hmat ling ci gui” cik ci.


Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.


Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.


Nami khawpäng cu m’dimshum u ne, nami mang gaw gui cu m’dek ah khüt khai ah m’khih ci gui nei. Nami hmuh ge aha akhaw hei Chang gui naw nami khaw la u ne, avan hteh püi ne m’di ci gui nei.


Khanpughi naw khan mawpi la khomdek cu ang thu küi awn atüi pian la khomdek cu tui ungka tui awn apian ah mawng,


Ayanä ng’tuk nak ung sik ci gui cu, akawn ah sik ci gui ah ta bä tuba ci. Ngami cu ami hnun k’pan nak vai ei vai kä om sei, a kyäp kyäp ah sik ci gui ah kyak ci.


Kei cu lolai ma ah ka hteh ung ng’tuk nak ung ami ngawn gui cu ka hmuk ci; kei cu gawnu gui ung ka hteh ung ei ah cawi ne sik ciah chang gui cu ka hmuk ci. Prophet gui la taigü gui cu ami bii bik ci gui, cun ung phi a i ami bi kä hmat ci gui.”


Bühmang chang gui naw ami changshäm gui cu tui than khai gui ah tüi gui ci gui; ngami cu tukan gui ah hteit ci gui, cun ung phi tui kä hmuk ci gui; ami tui um a ghawng ah ng’hlat law ba ci gui. Ami k’tha ken sei, ng’gogan u ne, ami hmai thup ci gui.


Zong ciah khaw gui naw phi ami law ba nak vai ah akhin hmat ci gui. Müm gui, va m’chawng gui la ngamzawk gui naw phi ami lum nak vai ah akhin cu hmat ci gui. Cun ung phi ka chang gui, nangmi naw kei naw ka ning uknak gui ah thukhän cu kä nami hmat ci.


Cun ah gaa gui naw, nang la gaw kyong ah om ciah chang gui cu, avan ngawn ne m’dimdap yawp khai gui. Lung tumat ah khan ah tumat phi ng’taih ne kä om ba khai. A i ah kyasei ci ung nang cu ning hun khai ah Khanpughi a kyum law nak ah khin cu, kä na hmat ah hmawk ah kyak ci” cine pyein ci.


Cun ah hnüüp ung gaigawng ciah changnong hnumi pami gui phi tui ah gha ne yai khai gui.


Hoshea ah uknak a kum kaw nak ung Assiria uktubawi naw Samaria cu khäm ne Israel gui cu pha gui ne Assiria ah hteh püi gui ci. Amshah Halah mang gaw ung, amshah cu Habor Tuinu pei, Kozan khopäng ung, la m’shah cu Media mang gaw gui ung tha gui ci.


Tuhbäi ung Bawipa, M’gäi ciah Bawipa naw, Jerusalem la Judah ungka naw ak thuuk ah chang päng la avan päng, acun ah ng’lei khan ah om ci phung hteh püi gui khai. Ami tui la ami ei phi lak pe gui khai.


ami gakapbikbi gui la bikbi ng’vai gui, ami nain-ngan bikbi gui la, amawng ma gui k’pang ciah cunce gui avan u la yawp khai.


M’gäi ciah Bawipa naw a pawng püi nei. Shin ah a pawng püi cu ami bi lawh ah khan ah chang ah ami ng’shei nak aung pyi nak vai la a mi m’tamkhah ah chang gui yuk buh nak vai ah kyak ci nei.


A gup pyang ciah chang naw, “sing amshah cu mei ah ka cik ci, mei k’cak ung m’htut ng’shai ne, mah ng’shai ne ka ei ci. K’pakiha ba ciah sing cu a gup ah ka pyang ci. Shin ung singtawn ah pei ah kei cu ka m’khunkdong ci” a ci thei nak vai ah ani ung cüivai lunglang nak kä om ci nei.


Cun ung na mät naw na mät na pyen khai, “Kei ah hmawk ah shin ah ah hmaw gui avan a u naw a hta nak gui ang? Kei ah hmaw gui si yawp pyi ci kya sei, kei ung ak hmaw kä om ba ci. Kei cu omk’tu khaw ah ami na k’täm nei. Shin ah ak hmaw gui a u naw a law püi ba gui ang? Kei ka mät bäng ami na nawng shüt nei. Shin ah a hmaw gui a hawi ka ang ami law ba?’ ”


Cun ah kyasei kei naw ka ning m’thein gui cu, kei na khawihnah ne ka ng’thu ngai ciah chang cu a ei a awk vai da khai, cun ung nang mi cu ei ah cawi ne, tui ah nami gha khai. Ngami cu yei khai gui, cun ung phi nangmi cu nami thüi khai.


Akhin cu gawk lawk ci nei. Hleih nak la yoih nak ai ah kä a ng’hmat nak ah a khin cu gawk lawk ci nei, ai ah kyasei ci ung khanpughi ah am kyuk nak cu chang nü ah khan ah atäng ah kya lawk khai nei.


Changni ah ng’thu naw chang akda bä sak ci, cun ung phi gu-ang cicu amät ngawn ci.


Swiv nou:

Piblisite


Piblisite