ISAIAH 5:12 - Cho Bible Common Language 2016

¹² Nami zu im ung hting ni k’vei ni, phiphät ni — zu ni nami mang ci. Cun ung phi Bawipa naw a i a bi cu kä nami hwat ci,

ISAIAH 5:12 Referans Kwoze

SAM 28:5

Bawipa naw a i a bi lawh, a i a tüi pyan cu ngami naw kä hmat thei ci gui nei. Cun ah kyasei ngami cu ani naw m’kyuk gui ne, ngawi güt m’di gui khai nei.

JOB 34:27

A i ah kyasei ci ung ngami naw ani ami läl nak cu m’düm ci gui, Ani ah thumkhän gui cu a i ah kä sui ci gui.

JUDE 1:12

Ngahmi cu kä lü ng’aa neh, ei aw plawihnai u ne, nami mang ei küikyang cu thang m’shet ci gui nei. Ngah mi cu ami mät ah hmawk bäng teng ci gui. Ngami cu khaw ah phi kä aa hlawt ciah, khawkhi naw a yon shüishüi ah khaw ng’mei awn täng ci gui. Kä m’theihpai sei, Khaw cingkhaw ah ang yung ah mawi ne m’shän ung chawng ne sik ciah singghing awn phi täng ci gui.

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

LUKA 16:19

Hngü ät ung chang mangpa tumat om ci. Ani cu ak hnüüp tä akni ak kiom suisa ne, bühmang ä le ne om ci.

ISAIAH 22:13

Cunnak vaisü ung nangmi cu gaih ne pawi nami bik ci nei. Htome la seipat ngawn ne ei u ne, sapyit tui nami awk ci nei! Nangmi naw, “Mikmi akni mi ei awk khai nei, Ngawi ung mikmi mi si lawk khai nei” nami cik ci.

ISAIAH 5:19

Nangmi naw, “Bawipa naw, ani naw abi vai a pyan cu ang ghit ah bi sä, cun ung mikmi naw mi hmu hning khai nei. Theingcüm ciah Israel khanpughi naw a pawng püi gui cu bi sä; ani ah am lung ngaih cu mikmi naw mi hmuk khai nei.”

ATÜNNAK 31:27

A i ah kyasei kei am na m’zih ne düm ah na dawng ang? Kei na na m’thein vai sü ung, yeikyai ne, ng’äi awm ne, tumkhawng ne, ka ning tha ba khai sü te nei.

1 KORIN 14:7

Ghin nak kä om ciah k’pyung la k’pen m’hlui gui cä teng shüm vä, cän gui ah k’aw cu ng’theiu ne kä ang gin ung, a i ng’äi ah mawng ah a u naw kä hmat khai nei.

1 SAMUEL 12:24

Bawipa läk ne, nami m’lung kyong avan awn bekhüt ne abi nami bi vai. Nangmi ah phäh ah küikyang ciah bi abi cu nami shüm ba vai.

2 SAMUEL 19:35

Kei cu ka khaw kum cheit kip law pyi ci, a i naw phi yeikyai nak kä na pek khai. Ka ei ka awk phi atui hlim kä ka hmat hning khai, ng’äi ci gui ah ng’äi m’cu phi kä ka ng’ya thei khai. Nang Bawi mang ah phäh ah kei cu phuih gih ah kyak khai.

ISAIAH 24:8

Tingtäng gui la htingceei gui yeikyai ne tumkhawn nak cu tuhbäi kä om baci nei.

ISAIAH 29:1

Khanpughi ah sonkiang, Jerusalem alnät cu ng’ziin ci! David ah ng’leen nak ah mang gaw cu ng’ziin ci! Kum ät käcung, kum goi ung yung im, eiawk pawi cu bi ba cang u sä,

ISAIAH 56:12

Shin ah awktat ci gui naw, “Sapyit tui cu la ne, aknui ah mi awk khai nei? Ngawi ng cu thungawi ah ta bä tuba khai nei” cik ci gui!

EZEKIEL 26:13

Kei naw nami ng’äi gui avn ng’pyi sak ne, nami tumkhawn ah tingtäng gui ka dip sak khai.