ISAIAH 5:11 - Cho Bible Common Language 2016

¹¹ Nami khaw mü ci nei! Nangmi khaw ngawihta ang dawt ah tho law ne nami aw law ge ci. Mü hun täng ah phi ak sho awktat ne nami ng’zän ci.

ISAIAH 5:11 Referans Kwoze

ROMAN 13:13

Mikmi cu akdei ung om ciah chang gui ah mäih ah ak ni ah mi om ih khai nei; auk tat nak, om k’she nak, plet beng nak, lü ng’aa nak, ng’tuk ng’ah nak, m’thüi m’khang nak gui cu avan mi nawng yawp khai nei.

ISAIAH 5:22

Nami khaw mü ci nei! Zu ah chang m’gäi gui! Nangmi cu awk nak naw aning k’caw law gui ung nget u ne kyih nak nangmi ung kä om ba ci nei!

NG'THU K'THUUK~ 20:1

Yu akda awk cu pyam nak la gu nak ah kyak ci. Awktat cicu gu taak ci.

KALATIAN 5:21

ng’u ng’hneit nak, awktat nak, ei awk ng’nauk naam nak gui la a hei shetkat nak gui ah kyak ci. Kei naw ka ning m’cäi gui hlü cu, a shin ah mäih ah om ih ciah chang naw Khanpughi ah uknak kho cu kä khäm tu hlawt khai.

1 KORIN 6:10

M’guk ei gui, ng’yak hlü nak aih om ci gui, awktat ci gui, ng’plahtang ci gui, la chang ah khawh guttep ci gui cu, a u naw phi Khanpughi ah uknak kho kä khäm tuk khai gui nei.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

ISAIAH 28:1

Israel uknak khaw cu ng’ziin ci nei! Awktat ciah ang vai gui ah lu ung ka, cheipai lukhu ang zaai ah mäih ah ani ah bäimang nak cu ng’zaai ci nei. Ami khähghah nak ah ami lupum cu situi ng’ui awn akni ah hluk ci gui, cun ung phi ngami cu awktat ne ng’zän ci gui nei.

HABAKKUK 2:15

Nangmi cu nami ng’yiin ci! Nami m’lung she nak awn nami pei ng’leng ah chang gui cu ng’dawk phah sak ne nami thüisei sak ci, awktat ciah mäih ah kyu shüi shüi khai ah nami ci gui ci.

NG'THU K'THUUK~ 23:32

A ngawi ung khaw ngawi nang cu k’phyu m’äm mah ah htuih ah mäih ah na kyak khai nei.

1 SAMUEL 25:36

Abigail cu Nabala ah hteit ba ci, cun yah ung ani cu ghangpughang ah pawi ah mäih ah a im ah bik ci. Ani cu awktat ne, yei ne om ci, cun ah kyasei a chu naw a ngawi ung khaw ngawi güt a i kä m’thein ci.

2 SAMUEL 19:35

Kei cu ka khaw kum cheit kip law pyi ci, a i naw phi yeikyai nak kä na pek khai. Ka ei ka awk phi atui hlim kä ka hmat hning khai, ng’äi ci gui ah ng’äi m’cu phi kä ka ng’ya thei khai. Nang Bawi mang ah phäh ah kei cu phuih gih ah kyak khai.

ISAIAH 22:13

Cunnak vaisü ung nangmi cu gaih ne pawi nami bik ci nei. Htome la seipat ngawn ne ei u ne, sapyit tui nami awk ci nei! Nangmi naw, “Mikmi akni mi ei awk khai nei, Ngawi ung mikmi mi si lawk khai nei” nami cik ci.

ISAIAH 24:9

Aw ne yeikyai ne ng’äi awm nak kä om ba ci; a u phi cun ung kä tuihlim ba ci.

ISAIAH 28:3

Cun ah awktat ciah ang vai gui ah chang ah ng’shei nak cu khaw awn kahta na ne kai nak khai gui.

ISAIAH 56:12

Shin ah awktat ci gui naw, “Sapyit tui cu la ne, aknui ah mi awk khai nei? Ngawi ng cu thungawi ah ta bä tuba khai nei” cik ci gui!

HABAKKUK 2:5

Mang cicu theileh ci, m’gäi cicu chang ah ng’shei ci, pheetlah ci. Sih nak ah mäih ah ami ng’büh nak kä om ci, a i ah kyasei ci ung ngami naw changpakhui päng tu ne khäm ci gui.