ISAIAH 5:10 - Cho Bible Common Language 2016

¹⁰ Lo cing hma ung tho ciah sapyit cu um ung ak cheit bäng ah a tui gah vai. Htang tang gha shaw geit ci naw phi htang a tang bäng ah m’sep khai” cik ci.

ISAIAH 5:10 Referans Kwoze

TAIGÜTHUM 26:26

Kei naw nami ei awk vai cu ka ning tukpit pe gui khai, cun ah kyasei hnumi gha naw ngami ung om ciah m’htut avan ami ng’shai nak vai ah meibum tumat bäng hlü khai gui. Ngami naw nän ne tei khai gui, cun avan nami ei yawp kawn ah phi nangmi cu nami cawi ba lä khai.

HAKKAI 2:16

Hmin ciah htang phia goi nami law nak man ung a phia bäng law ba ci. Sapyit tui k’am ung a phya nami law nak man ungka, k’am phlikip bäng law ba ci.

HAKKAI 1:6

Nangmi cu akda geit u ne phi api hta nami khäm ci. Nami ei vai om sei phi kä nami phü ci, nami awk vai om sei phi kä nami ng’büh ci. Nami sui vai om sei phi oh khai ah kä nami sui ci. Bii bik ci naw ang cheng awn a hnun a m’ghin nak vai ah kä ng’büh ci.

JOEL 1:17

Khomdek chawng sei geit m’shi gui sik ci. Khei ung thun vai htang kä om ci, khei gui ghawng ne ng’phye yawp ci nei.

TAIGÜTHUM 27:16

Chang tumat naw a kholo cu Bawipa am a ap ah a kyak ung m’shi a i chü, ang shaw cu khei neta, a phu cu k’bäi vai, htang pye m’ku cu ngui k’cang phe gha phu nak ciah m’hnüt vai.

THULÄÄN NAK 28:38

Nangmi naw m’shi akda nami phu khai, cun ung phi api hta nami khäm ba khai, a i ah kyasei ci ung khanpeh gui naw nami geit gui ei khai gui.

THULÄÄN NAK 28:39

Nangmi naw sapyit nami geit khai, nami m’hteiba khai, cun ung phi ak theih kä nami bit khai, a tui kä nami awk khai. A i ah kyasei ci ung sapyit gui cu m’kyiit gui naw ei yawp khai gui.

ISAIAH 7:23

“Cun ah khin a gawk law ung, sapyit la akni gui ung phi agha ciah phung ghing ne ngui phya gha ci phu nak ciah sapyit gui cu ng’hling k’cam gui la ng’hling gui naw li shi khai gui.

ISAIAH 32:13

ng’hling-cam gui la ng’hling gui cu ka chang gui ah khaw ung tho pyi ci nei. Chang gui naw ami yeikyai nak ah cin gui avan la ami ng’häh leh nak ah mang gaw ah phäh ah thüi kyap vä.

JEREMIAH 48:33

Anglei nik ciah Moab ungka yeikyai nak la länlawi nak cu ahei ah hteh püi pyi ci gui nei. Neen nak ungka naw sapyit tui kä long law ba khai ah kei naw ka bik ci nei; sapyit tui pyang ne yei ne m’lau ci tumat phi kä om ba ci nei.

PHYAWN NAK 37:22

Am guh gui, angban gui la mei im ng’düi cu tumat ah ng’däih ah khai ah shep ne ghui awn pyan ah kyak ci.