ISAIAH 5:1 - Cho Bible Common Language 2016

¹ Ngai ä shin ah ng’äi ka ning m’cu nei, ka teihpüi la ani ah lo ah mawng ng’äi nei; kei ah ka teihpüi ung ang htei ah ang lei nik ciah khawgui ung sapyit a lo om ci nei.

ISAIAH 5:1 Referans Kwoze

MAKUH 12:1

Cun kawn ah Bawipa Jesuh naw ngami-am m’tumtäng ne am thein gui cu, “Chang tumat naw sapyit lo cu bi ne, geit ne ng’vong ci. Sapyit m’theih m’seh nak vai ah khui phi shawk ne, tängkyäng phi co ci. Cun kawn ah ani cu a sapyit lo khah gui ne bi sak gui netah, a kho hei yung ah hteit ci.

LUKA 20:9

Cun kawn ah Bawipa Jesuh naw shin ah m’tumtäng nak m’thein gui ci. “Chang tumat naw sapyit lo ung ang geitkaw kawn ah, chang gui ghüh ne bi ne ei sak gui ci. Amät cu a kho hei ah hteit ne aksho om ci.

JOHAN 15:1

“Kei cu sapyit phung akcang ah ka kyak ci, Kapa cu kho ng’lei k’ngäng ah kyak ci.

MATTHE 21:33

“A hei tumtäng nak tumat cu ngai vä, sapyit akda geit ciah khomdek mah tumat om ci. Ani cu lo avan ng’vong ne sapyit neen nak vai khui phi shawk ci, shaam tumat phi co ci. Cun kawn ah a sapyit lo cu chang gui-am ak phlam a ei vai ah m’kai ne khah gui netah, a kho hei ah hteit ci.

JEREMIAH 2:21

Kei naw nang cu bä ciah sapyit ah mäih ah ni pikbäih ciah m’shi ungka ka ning geit ci. Cun ung phi a i ah na kyak law cu teng ä! Nang cu chawng ne akolä ah kyak ciah sapyit ah mäih ah na kyak ci.

SAM 80:8

Nang naw Egypt khaw ah ka sapyit shun cu law püi ne; pakhui hei gui k’täm gui neta, ami kho ung na geit ci.

SOLOMON NG’Ä~ 2:16

Kei ah ka m’hni cu kei ah kaa, kei cu ani ah kaa. Ani naw a htomak gui cu tuili chei gui ah ng’lung ah vuh ci,

SOLOMON NG’Ä~ 6:3

Kei ah ka m’hni cu kei ah ka, kei cu ani ah ka; Ani naw a seime gui cu tuili chei gui ah ng’lung ah vuh ci.

SOLOMON NG’Ä~ 5:16

Ani ah m’gawng cu ng’ui hlü vai ah tui ci; Ani ah amawng nü naw kei cu na k’pang ci. Kei ah ka m’hni cu shin ah mäih ah kyak ci nei, Jerusalem hnumi gui aw.

SOLOMON NG’Ä~ 5:2

Kei ka ih yah ung ka m’lung cu ng’shüm ci nei. Ka m’hni naw shoh khäk law sei ka ng’mang nak ci. Kei cu na luh sak ä, ka m’hni aw, tuihlim ciah ka m’lung, ka müm kha aw. Kei ah ka lu cu damtui naw ng’shüi ci nei, ka lusam cu goh tui awn vai ci nei.

SAM 45:1

Thu kyom gui ka m’lung ung be ci, Shin ah ng’äi cu ghangpughang-am ka guk nei. Ca akni ah gu thei ciah guk nak ah mäih ah, ka m’gawng m’lei cu kyasei ng’äi awm om ci.

SAM 101:1

Ka ng’äi cu bekhüt nak la taga nak ah kyak ci, cun ah ng’äi cu ka ning m’cu ci nei, Bawipa.

SAM 60:5

Na thagai nak awn na hun gui ne, kami taigü na m’shang gui ä, cun ah kyasei na m’hni ah chang gui cu phyawng khai gui nei.

JEREMIAH 12:10

Akhohei uktu gui akda naw kei ah sapyit lo cu m’di ci gui nei; kei ah ka lolai gui cu ngami naw cawt cap gui nei, ngami naw kei ah ka m’hni ah khaw ng’lei cu khong gau khaw ah lat ci gui nei.

EZEKIEL 15:2

ani naw pyen ci, “Hnicim Chang sapyit cu a i hawkcha ah sing ghing awn m’tuntäng vaiang? Sapyit ah angban cu bung hmu ah sing ghing ah ang ban awn m’täng ung ani nak a i om ne ang?

HOSEA 10:1

Israel chang gui cu am theih awn be ciah sapyit sing ghing ah mäih ah kyak ci gui. Ngami cu bühmang law pi u ne, sonkyang co law pi ci gui. Ami khaw ung geit m’sep law pi k’täi u ne, Khawihnah nak ah theingcim ciah lungtung cu, kiom law pi khai ah pyang ci gui.

THULÄÄN NAK 8:7

Bawipa nami Khanpughi naw anglei nik ciah khaw ung ning law püi gui ci, Cun ah khaw ung tuinu gui la tui hta gui om ci, m’dek ah khui ungka tuihta gui, khawng-nawi, khaw-gui gui ung lawng lawk ci.

THULÄÄN NAK 8:10

Nangmi naw nami ng’yak hlü avan nami ei khai, Ani naw a ning pek gui ah ang lei nik ciah khaw ah phäh ah Bawipa nami Khanpughi cu nangmi naw nami m’hlümtai khai.

EZEKIEL 19:10

Nang ah nu cu tuilawng pei ah geit ah Sapyit ng’shun ah mäih ah kyak ci. A i ah kiasei ci ung a cu ah tui da ci, Sapyit cu a hnah la am theih bäng ah kyak ci.