ISAIAH 49:8 - Cho Bible Common Language 2016

⁸ Bawipa naw a chang gui pyen na gui ci, “Nangmi ning bü nak gui vai ah khin a gawk law ung, nangmi am hmai kiang nak ning m’dang gui ne, ning m’htei gui vai ah nami kyah cu ka ning m’shang gui khai. Kei naw ngäng ne ka ning shungvong gui khai, chang van ah phäh ah nangmi awn thukhän ka bik khai. Tuhbäi didap ciah nami kho ung kei naw ka ning om ba sak gui khai.

ISAIAH 49:8 Referans Kwoze

2 KORIN 6:2

Khanpughi naw, “Ka ning m’htei nak gui vai ah khin a gawk law ung, Nami ng’yoih cu ka ning ngaih pe gui ci nei; Ka ning hun nak gui vai ah khin a gawk law ung, Ka ning m’htei gui ci nei” a cicu ngai yah vä. Ngai vä, Khanpughi ah m’gein nak gah nak vai ah khin cu, a tuhbäi ah kyak ci; hun nak ah hnüüp cu a tuhngawi ah kyak ci!

ISAIAH 42:6

“Kei, Bawipa, naw ning khü ne huham ka ning pek ci, khomdek khan ung taga ciah bi cu nami hmuh vai ah iak ci. Nang ung chang avan awn thukhän ka bik khai; Nang ung pakhui gui ah phah ah akdei ka law püikhai.

SAM 69:13

Cun ung phi Bawipa, kei läi cu nang ah ka taigü ci nei; Khanpughi, nak bäi nak ah khin ung kei cu nam shang ä. Küikyang ciah na na m’hni ah hmawk la na na hun vai ah na shaitaak ah kei cu na m’shang ä.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

ISAIAH 61:4

Ngami naw ak shou didam lawk ciah mang gaw gui cu co ba khai gui.

ISAIAH 58:12

Nami chang gui naw cau ng’phye ng’gäi cicu co ba khai gui, cawh kyan pyi phyim angnei ah khanah. Co ba mä khai gui, Nangmi cu Mang k’pang co ba ne, im she m’tho ba ciah ning hmat gui khai gui.”

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

ISAIAH 51:16

Kei naw khan khaw gui cu ka k’phiäih ci, khomdek ah ng’nei phi ka pyan ci; Jerusalem cu ka pyen nak ci, “Nang cu ka ning chang nei!” kei naw ka m’thei thang gui cu ka ning pek ci, ka kut awn ka ning shungvong ci.”

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

ISAIAH 54:3

Nang naw na khogi cu amawng avan ung, na ng’shawng sak vai nei; Tuhbäi khuihei gui naw ami khäm ah khaw cu, na chang gui naw gah ba khai gui nei.

ISAIAH 49:19

“Nang ah kho cu di ne keihteik ci nei. Cun ung phi law ne om tuk khai gui ah phäh ah tuhbäi cun cu läm aih ci nei. Nang m’di neta ning hteh tak ci gui cu a shou nak ah ng’nawn khai gui nei.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

ISAIAH 26:3

Ami ng’bünak htek sei k’pang ne nang ung ami ngaih gep ci gui am. Nang, Bawipa naw kümbe ciah dimdeeih nak na pek ci nei.

SAM 75:3

Ak ghing gui avan ng’thüng u ne, khomdek amät thüng sei phi, a phung ang yung cu kei naw ka htek sak khai nei.

SAM 2:8

Na na ng’noih vai, changpakhui avan nang am ka ning pek khai; Khomdek avan cu nang ah ka vai nei.

HEBRU 8:6

Cun ung tuhbäi Khanpughi la ak chang gui ah ng’lak ung Bawipa Jesuh naw a pyan ah thukhän cu, bä pi ciah shaitaak ung ng’yung ci kya ne, thukhän gui ah tah a bä pi ah mäih ah, Taigü ah kia ne Bawipa Jesuh ah bilawh gui cun phi, cun ah taigü gui ah bilawh gui ah mä bä pi ci nei.

MATTHE 26:28

Hnicim chang ah cheishoh nak m’si nak ah, ka huk ah ka si ng’hlui ah kyak ci nei.

ISAIAH 51:3

“Kei naw Jerusalem la acun ung om ci gui avan am chihna nak ka m’dang khai. Ani ah kho cu khong’gau ah a kyak ung phi, Eden ung ka geit ah dum ah mäih ah, kei naw dumah ka pyang khai, Zeikianak la hüithaw nak aca ah om khai, cun kawn ah kei ung zeikianak ah ng’äi lah m’tamkhah nak kei ung om khai.

2 SAMUEL 7:13

Ani cu kei ah phäh ah pum im co ciah chang tumat ah kyak khai, ani ah uknak khaw cu ng’täi ne om khai ah kei naw akcang ah ka pyang khai.

ISAIAH 27:3

“Kei naw a shin cu ngäng ne, ak phlüt ah tui awn ka shawi ci. Kei naw amü ak hnüüp ka ngäng ci, cun ah kyasei a i naw, a i ah kä ci hlawt ci.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

ISAIAH 55:6

Bawipa ah ng’hlat ne, ani ah k’taigü vä, Tuhbäi ani cu ng’et pyi ci nei.

ISAIAH 57:13

M’htei htang vai ah nami kyah law ung, shin ah nami agup gui naw ning hun gui u sä? Ngami cu kho hnü ät akhi ah a kyak ung a cun naw zon gui khai nei! Cun ung phi kei ng’ap ciah chang läi cu shin ah kho ung om khai nei, ani naw kei cu ka Taigüim ung na khawihnak khai nei.”

ISAIAH 58:5

Einmai hlwi ng, nami mät naw nami mät nami yaica sak ci; khum’ghaw ah ng’voi ah mäih ah nami lu ngüm ne kawp ne, sui she phüi ne, m’vut ung ng’zaän ne nami kyak ci. Cun ma nangmi naw ei hlawi ah nami pyen? A cun ah mäih cu kei naw ka yei nak khai ah nami ngai ne ma?

ISAIAH 61:2

Bawipa naw a chang gui a hun nak vai la Ami ga gui a tuk hnim nak gui vai ah akhin cu gawk law pyi ci nei, cine ng’thu ka shäu vai ah kei cu na tüi ci. Thüi kyap ci gui ami van k’büi gui vai ah kei cu na tüi ci,

ISAIAH 65:9

Judah pakhui ah kyak ciah Israel gui cu kei naw hriham ka pe gui khai, ngami ah ani hta ng’shon gui naw, kei ah khongui khaw cu ka nak khai gui. Kei ah ka ghü ah chang gui, kei ah ka khut bik ci gui cu, a cun ung om khai gui.