ISAIAH 49:7 - Cho Bible Common Language 2016

⁷ Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

ISAIAH 49:7 Referans Kwoze

MATTHE 26:67

Cun kawn ah chang gui naw Bawipa Jesuh cu a hmai ung m’thui u ne, amshah gui naw thäk u sei, amshah gui naw a hmai ung k’beeih u netah,

1 PETER 2:4

Bawipa ah law vä, Bawipa cu ghing ciah k’toulung ah kyak ci. Ani cu chang gui naw lung düt cine nawng pang u sei phi, Khanpughi naw a ghü ah ak küikyang ah kyak ci.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

ISAIAH 48:17

Israel gui ah theingcim ciah khanpughi, Ning hun gui ciah Bawipa naw pyen ci; “Kei cu Bawipa nami na khanpughi nei. Kei naw nami ni nak vai ning m’thei thang gui ne, nami hteh nak vai lam ka ning m’shüm gui hlük ci nei.

ISAIAH 49:23

Nangmi ah hmawk ah ghangpughang cu pa ah mäih ah kya ne, ghangpughangnu cu nu ah mäih ah kyak khai. Ngami naw nang ah ma ah kawp ne ning m’tamkhah khai gui; Ngami naw ami m’lung neim sak ne, ami ning changmsui nak cu m’dang khai gui. Cun kawn ah Kei, Bawipa ah ka kyak cu nang naw na hmat khai, kei naw ka m’htei vai ah na k’äih ci phung cu am’lung kä thüi khai.”

ISAIAH 49:1

Na ngai vä, a shou nak ah om ciah Pakhui gui, a shou nak ah ka nang chang gui! Kei kä ka hmi pha ung Bawipa naw na ghü ne, a changshäm ah na düih ci.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

ISAIAH 52:15

Cun ung phi tuhbäi chang pakhui akda naw ani cu cäicat ne m’hlüng tai khai gui, ghangpughang gui cu cäi hmawtaw ne kä thung’htau ci gui. Ngami naw kä ami hmuh hmat man cu, hmuhmat lawk khai gui nei.”

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

JOHAN 19:15

Ngami naw, “Ngawn vai nei, ngawn vai nei, kutlamtung ung tai ne ngawn vai nei” cine m’lau ci gui. Pilat naw, “Nami ghangpughang cu kutlamtung ung tai ne ngawn vai nami ng’ya hlük ci ma? cine pyen na gui ci.

LUKA 23:35

Chang gui naw ng’düi ne ami dan yah ung Jew chang ng’vai gui naw, “Shin ah chang cu chang hei gui hun gui ciah, Khanpughi naw am düih ah Messiah ah a kyak ung amät naw, amät hun law shüm sä” cine päipih ci gui.

LUKA 23:23

Cun ung phi chang gui naw, Bawipa Jesuh cu ktumlamtung ung tai ne ngawn vai ah m’lau laih laih u netah, akhnu ah näng ci gui.

ISAIAH 60:10

Bawipa naw Jerusalem a pyen nak cu, “Akhohei chang gui naw nangmi ah pigaw k’pang co ba khai gui nei. Ami ghangpughang gui naw nami bi bik khai gui nei. Ka m’lunghse nak awn ka ning m’kyuk gui ci, cun ung phi tuhbäi ka chang m’sui nak la ka chimgein nak cu, ka ning m’dang gui khai.

ISAIAH 60:3

Chang pakhui gui cu nang ah akdei ung lut khai gui nei. Ghangpughong gui cu nang ah kho hnüüp thai, kho k’thai ung gawk lawk khai gui. Khai.

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.

ISAIAH 48:7

Tuhbäi bäng kei naw ka kyak sak gui khai, cau shin ah mäih cu kä kya man ci. A cun akiak man ah a kyak ung, nangmi naw avan nami hmat ciah nami pyen khai.

SAM 68:31

Egypt khaw ah ka ng’shä gui law u sä; Sudan chang gui naw ami kut shäng ne Khanpughi ah taigü u sä.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

JOHAN 19:6

Taigüpa gui la Taigüim ngäng ci gui naw, hmu u netah, “Ani cu kutlam tung ung tai ne ngawn vä, kutlam tung ung tai ne ngawn vä” cine m’lau ci gui. Pilat naw, “nami mät naw kutlam tung ung tai ne ngawn vä, ani ngawn nak vai ah mawng a i kä ka hmuk ci nei” cine pyein ci.

JOHAN 18:40

Ngami naw, “Ani käk phiawn vai nei, Barabbas nei k’phiawn vai” ci ne m’lau ci gui. (Barabbas cu m’guk ei ah kyak ci.)

LUKA 23:18

Chang khli ami van naw, “Shin ah chang cu ngawn ä, keimi ah hmawk ah Barabbas cu phiawn sak ä,” cine a täng ah m’lau ci gui.

LUKA 22:27

Ngo ne ei khai ah chang la tumbei khai ah chang ung kaa, a u ang a hlüngtai pi kaw? Ngo ne ei khai ah chang cu hlüngtai pi ciah kä kya ne ang? Cun ung phi kei cu nangmi ung tumbei khai ah changshäm ah mäih ka kyak ci.

ISAIAH 60:16

Anu naw a hta am htei ah mäih ah chang pakhui gui la ghangpughang gui naw ning m’htei khai gui. Kei, Bawipa naw ka ning hun la Israel gui ah m’gäi ah m’gäi ciah khanpughi naw aning m’hlawt cu, nang naw na hmat khai.

SAM 69:19

Ka lü nak, ka thüi nak, kä ka düng nak cu nang naw na hmat ci nei; ka gaa gui avan nang naw na hmuk ci nei.

1 KORIN 1:9

Khanpughi cu düngnak apnak ah kyak ci. Ani naw nangmi cu A Htapa mi Bawipa Jesuh Khrit ung nami ng’awi gei vai ah a ning khü gui ah kyak ci.

ATÜNNAK 27:29

Chang pakhui päng cu na changshäm ah kya ne, chang sing päng naw ning ng’coi paa na u sä! Na ng’khaw chang gui phung avan uk ä, na nu ah hta gui cu ng’coipaa law u sä. Nang ning m’tam ci phung cu m’tam nak gah sä, nang am hriham ning pek ci phung naw hriham gah sä” cine m’shum phyuk ci.

THULÄÄN NAK 7:9

Bawipa nami Khanpughi cu atumat bäng Khanpughi la bekhüt ci, cicu nami shüm ba vai. Ani naw thukhän cu k’pang khai. Ani m’hni ne ang thumkhän läk ciah chang gui ah khan ah ani naw ng’shon phia khak ung am hni nak cu m’dang khai.

SAM 47:9

Chang pakhui uk ci gui cu Abraham ah Khanpughi ah chang gui awn ng’bum ci gui nei. Gakap avan ah hlüngtai pi cicu ani nei; Ani naw m’gäi ne uk ci nei.

ISAIAH 14:1

Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.

ISAIAH 19:21

Egypt chang gui ah ma ah Bawipa amät naw amät m’than lawk khai, cun kawn ah ngami naw ani cu hmat law u ne, khawihnak lawk khai gui, khawihnah nak la douthak nak cu law püi khai gui. Ngami naw ami ung bäi ciah shaitak bi u ne, ani shaitak ah mäih ah bik khai gui.

ISAIAH 19:23

Cun ah khin a gawk law ung, Egypt la Assiria ah ang la kung lamw tumat om lark khai. Cun ah khaw goi ung om ciah chang gui cu goi ah ng’lak ung hteit hton u ne, lula khai gui, chang pakhui goi naw atäng ah khawihnah khai gui.

ISAIAH 27:13

Cun ah hnüüp a gawk law ung, Assiria la Egypt kho ah amktu ah om tuk ciah Israel gui avan cu khünak ba gui ah k’phyung puuk cu tum vai nei. Ngami cu law u ne, theing ciah m’htung, Jerusalem ung Bawipa cu khawihnah khai gui nei.

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

ISAIAH 66:23

Cha thai pawi püng la kyih nak hnüüp päng ung, pakhui päng ung ka chang gui cu shinung Jerusalem ah law ne, na khawihnah lawk khai gui,” cine Bawipa naw pyen ci!