ISAIAH 49:4 - Cho Bible Common Language 2016

⁴ Kei naw ka pyen ci, “Kei naw ka bik ci, cun ung phi cun cu a kholä ah kyak ci nei! Kei naw ka thagui ka mang ci, cun ung phi ei mang vai a i kä om ci.” Cun ung phi ka mawng ma na shungvong khai ah Bawipa ung ka ng’ap ci nei; kei naw ka bilawh ah phäh ah ani naw na m’cümhnak khai nei.

ISAIAH 49:4 Referans Kwoze

ISAIAH 35:4

Am lung thüi ciah changnü m’thein ä, “Khüi ghaat vä, kä kyi en vä! Khanpughi cu ning hun gui khai ah lawk ci nei, nami ga gui m’kyuk khai ah lawk ci nei.”

KALATIAN 4:11

Nangmi ah hmawk ah ka ng’ä ci nei! Nangmi ah hmawk ah ka bi gui shi a kholä düt ah kä kyai lawk khai aw?

2 KORIN 12:15

Nangmi ah hmawk ah a kyak ah khoi ung ka khawh la ka mät cu yeikyai ne ka ng’pyi sak khai nei. Kei naw ang htei ah ka ning m’hni gui ung nangmi naw a pi ah nami nam hni khai maa?

2 KORIN 2:15

Mikmi cu Bawi Khrih naw Khanpughi a khawihnah nak ah ng’ui ah mäih ah, hun nak gah sang ci gui la chükmaih sang ci gui ah ng’lung ah mi ng’ui ci.

MATTHE 23:37

“Aw Jerusalem! nang naw profet gui cu ngawn ne Khanpughi ah ng’shä tüih gui cu lung awn na vawi ci nei, ainu naw ang phiaa awn aihta gui ak boop gui ah mäih ah nak chang gui kei naw ka kut ng’hnim ung ka koi nak gui cu sho law aih ci nei, cun ung phi nang naw kei cu kä na na dou ci.

MATTHE 17:17

Bawipa Jesuh naw, “Nangmi cu nami yum nak kä om sei nami ng’lihlak yawp ci nei. Kei naw nangmi a i güt ka ning om püi gui vai ang, a i güt ka ning ngaih peit gui vai ang, ak hmaw cu ka pei ah law püi vä,” cine pyen na gui ci.

EZEKIEL 3:19

Nang naw Chang shekha cu ng’thu nak bäi khai, Cun ung phi katnak abi kä düm ne, kak ciah chang ah kya ne sik khai, cun ung phi nang ah ghin nak cu phyawng khai.

ISAIAH 65:23

Ngami naw ami bilawh phung cu m’khüt näng nak om khai, ami hta nau gui naw leigai kä bui awt khai gui. Kei naw ngami la ngawi yä ami htangshon cu hriham ka pe gui khai.

ISAIAH 62:11

Bawipa naw khomdek khan avan ung ng’thu ng’shäu ci nei: “Bawipa naw ning hun gui khai ah lawk ci nei, cine Jerusalem chang gui am m’thein gui vä. Ani naw a gun ah chang gui cu, amät awn atäng ah law püi gui vä.”

ISAIAH 40:10

Uktu Bawipa cu a huham awn uk khai ah lawk ci nei. Ani naw a gun ah chang gui law püi gui ci nei.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

ROMAN 10:21

Cun ung phi Israel chang gui ah mawng ung, “Kei na hnu ng’tuk püi ne, kei ah ng’thu kä läk ciah chang gui cu, kei naw amü ak hnüüp ka kut shäng ne ka na dou gui ci nei”, ciah Khanpughi ah ng’thu om ci, cine Isaiah naw pyein ci.

JOHAN 1:11

Cun ung phi khomdek naw ani kä yum hmat ci. Ani cu amät ah kho ng’lei ung law sei phi ak chang gui naw kä dou ci gui.

LUKA 24:26

Messiah cu bämang hlüngtai nak kä a gah pha ung, ashin ah mäih ah yaica nak cu abui awt vai ah hlü ciah kä kya ne ma?” ci ne ng’shi goi ci.

ISAIAH 65:2

Ami mätah hteh nak hlü ung hteit ne, m’lung ling ne cheishoh ciah ka chang gui cu, kei naw angtäi sei dou gui ge vai ah ka om ci nei.

TAIGÜTHUM 26:20

K’tha na ne nami bi gui avan naw kä akni ah ning ci ba gui khai, a i ah kyasei ci ung nami khonglei naw geit kä m’thawk ba khai, sing ghing gui kä m’theih ba khai gui.

PHILIPPIAN 2:16

Nangmi naw angtäi ghin nak ah mawng ng’thu cu pyein u ne, cun ah chang gui ah ng’lung ah khomik ung aisi ah ng’shü ah mäih ah nami khang khai nei. Cun ah nami bi ah akyak ung kei naw k’tha na ne ka bilawh gui cu a kholä ah kä kya sei, Bawi Khrit a kyum law Hnüüp ung, nangmi ung kei ah khäghah nak vai cu om khai nei.

NG'THU K'THUUK~ 29:26

A chang päng naw uktu ah ani nak cu ng’ya hlük ci, cun ung phi taga nak cu Bawipa bäng ung na gah khai.

ISAIAH 25:1

Bawipa, Nang cu ka ning khanpughi nei; kei naw ning chang m’sui ne na ming ka m’taam khai nei. Nang naw cäi vai gui na bik ci nei; Nang naw cäupui na m’hnüthbäi gui cu bekhüt ne na bi pyi ci nei.

ISAIAH 40:27

Israel chang gui, Bawipa naw nami khüi kha nak kä ning hmat gui ciah pyen ne, kä taga ciah nami yaica ung kä ning m’htei gui ciah pyen ne, a i ah kyasei ng’thu nami m’da ang?

ISAIAH 57:21

Hmakak ci gui ah phäh ah phiawn nak vai kä om ci nei” cine Bawipa naw pyen ci.

ISAIAH 59:18

Ani naw aga gui cu a shou nak ah khaw ah amiom ung phi ami bi ah ciah m’kyuk gui khai.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

1 GHANGPUGHANG GUI 19:10

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang bäng ah bi nei ka bi. Cun ung phi Israel chang gui naw nang ung thukhän cu m’shet u ne, na sonkiang phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei!” cik ci.