ISAIAH 49:21 - Cho Bible Common Language 2016

²¹ Cun ung na mät naw na mät na pyen khai, “Kei ah hmawk ah shin ah ah hmaw gui avan a u naw a hta nak gui ang? Kei ah hmaw gui si yawp pyi ci kya sei, kei ung ak hmaw kä om ba ci. Kei cu omk’tu khaw ah ami na k’täm nei. Shin ah ak hmaw gui a u naw a law püi ba gui ang? Kei ka mät bäng ami na nawng shüt nei. Shin ah a hmaw gui a hawi ka ang ami law ba?’ ”

ISAIAH 49:21 Referans Kwoze

KALATIAN 3:29

Nangmi cu Bawi Khrit nami khäm ah a kyak ung, Abraham ah hta ng’shon ah kya u ne, Khanpughi ah a shaitaak cu nami gah khai.

ROMAN 11:24

Chang pakhui hei ah kyak ciah nang mi ah nami ng’tüipüi ah kyak ciah pyupying k’thui cu chu pit ne, nami ng’tüipüi ah kä kyak ciah pyupying k’tui ung m’dün ne geit hning ah a kyak ung; pyüpying k’tui ah ang tüipüi ah ang ban ah kyak ciah Jew chang gui cu, ang tüipüi ah pyupying ung a yäihta ah m’dün ne geit ba khai ah kä kya ne ang!

ISAIAH 64:10

Nang ah theingthap ciah mang gaw gui cu ng’kiang k’de ah mäih ah kyak ci; Jerusalem cu dishum ne shiu ci,

ISAIAH 62:4

“Ami nawng nei” cine a u naw kän ng’khü ba khai. Mi khaw phi “Nawng ah Chu nei” cine a u naw kä khü ba khai. Nang ah na ming thai cu, “Khanpughi naw a zei nak nei” ciah kyak ci. Nami khaw cu, “zeikiai nak awn ng’chula ci” cine khü khai gui. A i ah kyasei ci ung Bawipa naw nangmi cu ning yei na gui ci, ani cu nami khaw ah cei ah mäih ah kyak ci.

ISAIAH 60:15

Nang cu nawng ne ami thüi nak, chang ah kä om nak, shiu ciah mang gaw ah kä na kya ba khai. Kei naw nang cu dämduh ne kyom khai ah ka ning pyang khai, khonglän ung yeikyai nak ah hmun ah na kyak khai.

ISAIAH 52:2

Jerusalem, na phyawn vai ah ng’kia ä! M’vut ung ka tho ne na mang kiang ung ngo ä! Ami pha ah Zion chang gui, ning khit gui ciah m’si gui cu k’phian vä!

ISAIAH 5:13

Cun ah kyasei nangmi cu thawng kyum ah ning hteh püi gui khai gui. Nami ng’vai gui cu cawi ne sik kaai gui, chang akda cu tui ah gha ne sik khai gui.

ISAIAH 3:26

Mang gaw m’kawt gui cu kyap ne ng’pyang khai gui, mang gaw amät cun phi m’dek ung akplui ah ngok ciah hnumi ah mäih ah kyak khai.

ISAIAH 1:8

Ami kai ah mang gaw Jerusalem bäng k’pawih ba ci — ani cu ngäng ci yä om ciah ah sapyit la k’pyu ah mäih ah kyak ci, pacüh lo ung phung ah mäih ah kyak ci.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

ISAIAH 27:10

Vongpang ah mang gaw gui cu di pyi ci nei. Cun cu chang ah kä om nak ah khong gau ah kya ci nei. Cun cu sei gui ah ami ng’düm nak, khu ami ei nak lah khyüksei vuh nak kya lawk ci nei.

ISAIAH 29:23

Kei naw ka ning pek gui ah a hmaw gui cu, nangmi naw nami hmuh law ung, kei cu Israel gui ah theingeim ciah khanpughi ah ka kyak cu nami hmat khai nei. Nangmi naw na m’hlüng m’tai u ne, nami na kyih aa khai nei.

ISAIAH 60:8

Kho ng’mei ah mäih ah ng’phong ciah htinpaw gui la Ang bu täng ah zong ba ciah mümkha gui ah maih ah kiak ciah shin gui cu a i gui ang?