ISAIAH 49:13 - Cho Bible Common Language 2016

¹³ Ng’äi m’cu vä, khankho gui! Zei ne m’lau ä, khomdek! Khomhtung gui naw yei ne ng’äi m’cu u sä! Bawipa naw a chang gui cu shungvong gui khai nei; Ani naw yaica ciah a chang gui cu m’gein gui khai nei.

ISAIAH 49:13 Referans Kwoze

ISAIAH 44:23

Zei ne m’lau vä, nangmi khankhaw gui! M’lau vä, khomdek ung ak thuk pi ah hmun gui! Sing ghing gui avan lah khom’htung gui m’lau vä! Bawipa naw a chang Israel gui a hun nak awn, a däm-duh nak cu dang sak ci nei.

ISAIAH 51:3

“Kei naw Jerusalem la acun ung om ci gui avan am chihna nak ka m’dang khai. Ani ah kho cu khong’gau ah a kyak ung phi, Eden ung ka geit ah dum ah mäih ah, kei naw dumah ka pyang khai, Zeikianak la hüithaw nak aca ah om khai, cun kawn ah kei ung zeikianak ah ng’äi lah m’tamkhah nak kei ung om khai.

ISAIAH 52:9

Zei ne m’lau vä, dishum ciah Jerusalem! Bawipa naw a mang gaw cu ngäng ne, a chang gui cu shungvong khai nei.

ISAIAH 55:12

“Nangmi naw Babilon cu yeikyai ne nami hteh tak khai; Nangmi dimdeeih nak awn mang gaw ah k’pung ah nami lut lawk khai nei. Khomhtung gui la khogui gui naw m’lau ne ng’äi m’cu khai gui. Sing ghing gui cu yei ne m’lau khai gui nei.

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

2 KORIN 7:6

Zaica ng’ä ng’ai ci, k’thamah sak ciah Khanpughi naw, keimi ah gawk lawk ciah Titus awn k’thagui na pe ba gui ci.

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

JEREMIAH 31:13

Hnumi nong gui cu ng’tam ne yei khai gui, pami gui a ghi a hmaw cu yeikyai khai gui. Kei naw ngami cu ngäng m’bom gui ne, ami thuikyah nak cu yeikyai nak ah, ami ayä nak cu yeikyai nak ah ka m’hlah pe gui khai

1 SHONTÄP NAK 16:31

Khomdek la khankho yeikyai vä! Bawipa cu ghangpughang ah kyak ci nei, Chang pakhui gui am m’thei vä.

SAM 69:34

Khanpughi cu khankho la khomdek, tuinu la a tüisho avan naw m’taam vä.

SAM 71:21

Nang naw angtäi sei na na hlüngtai sak pi khai; Nang naw na na shungvong ba mä khai.

SAM 148:9

Ani cu m’tam vä, kho gui, khomhtung gui, m’theih ciah sing la bungpuk gui;

ISAIAH 14:1

Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.

ISAIAH 48:20

Babilon ung ka hteit vä, phyawng vä! “Bawipa naw a changshäm Israel cu hun pyi ci nei” ci ne, yei ne m’lau vä, kho ng’nü ung hmat sak vä!”

ISAIAH 49:14

Cun ung phi Jerusalem chang gui naw pyen ci gui, “Bawipa naw na nawng gui ci nei! Ani naw na m’hnih gui ci nei.”

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

ISAIAH 54:7

“Kei naw a shäng hta ka ning hteh tak ci cun ung phi m’hni nak ak thuk awn ka ning la ba ci.

ISAIAH 54:8

Kei naw a shäng ung m’lungshe ne ka ning hlah tak ci, cun ung phi kei naw ka ning m’hni nak cu angtäi sei, ka m’dang khai nei,” cine ning hun ciah Bawipa naw pyen ci.

JEREMIAH 51:48

Asiip täng ah ka ani m’di khai ah lawk ciah chang gui ah kut ung Babilonia ang kyak awn ah khomdek khan la khan khomik ah om ci nü cu yeikyai ne m’lau khai gui nei.

EZEKIEL 35:14

Uktu Bawipa naw pyen ci, “Kei naw nang cu ka ning shiu sak khai, nang ah yung kyak ah phäh ah khomdek khan avan cu yeikyai khai gui,

SAM 65:13

Kho dou gui ung htome gui lum ne, güng nawi gui cu geit awn be ci. Apäng avan cu m’hlan ne ng’äi ne yei ci gui.

SAM 89:13

Nang cu na hlüngtai aih ci nei! Na thagui cu dämduh aih ci nei.