ISAIAH 49:12 - Cho Bible Common Language 2016

¹² Ka chang gui cu a shou nak ah ka lawk khai gui, a siip tang, akhei täng la a htum täng, Avan ung ka lawk khai gui.”

ISAIAH 49:12 Referans Kwoze

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

LUKA 13:29

Chang gui cu a htum a siip ak khei ak kiang ah kaa law u ne, Khanpughi ah uknak pawi ung hteit khai gui.

MATTHE 8:11

Kei naw akcang ka pyein cu, shin ah mäih yum nak cu Israel chang gui ung kä ka hmu man ci. Chang akda cu hni law lam la hni kiaak lam ah ka Law u ne, Abraham ni, Isaak ni, Jakob ni gui awn a täng ah vunvai ne ei auk khai gui.

ZEKHARIAH 2:11

Cun sangung changpakhui akda cu Bawipa ah law u ne, ani ah chang ah kya lawk khai gui. Ani cu nangmi ah ng’lung ah om khai, nangmi ah om nak ah kei ana tüih law cu nangmi naw nami hmat lawk khai.

MIKHAH 4:2

ami chang gui naw, “Bawipa ah khomhtung ah mi hteit khai nei, Israel gui ah Khanpughi ah Taigü im ah. Ani naw mi bi vai angyak hlü cu na m’thei gui khai nei. Mikmi cu ani naw a ghü ah lam ung mi hteit khai nei. Bawipa ah m’thei nak cu Jerusalem ungka lawk ci, Zion ungka naw a chang gui cu ng’thu püi gui ci.”

SAM 72:17

Ghangpughang ah ming cu a u naw kä m’hnih en sä; Hni a ghin ah chuih aming thang sä. Khanpughi naw ghangpughang hriham a pek mäih ah changpakhui van naw hriham cu ng’zoi u sä.

SAM 22:27

Chang avan naw Bawipa cu shüm khai gui. Khaw cawi päng ah ka, ani ah ng’hlat lawk khai gui; Chang pakhui avan naw khawihnah khai gui.

ISAIAH 45:22

“Khomdek khan ung om ciah chang avan kei ah ng’hlat law vä, hun nak nami gah khai nei! Kei bäing nei khanpughi ah ka kyak ci.

ISAIAH 49:1

Na ngai vä, a shou nak ah om ciah Pakhui gui, a shou nak ah ka nang chang gui! Kei kä ka hmi pha ung Bawipa naw na ghü ne, a changshäm ah na düih ci.

ISAIAH 49:18

Veing ne teng ne, a i ah kyak cicu na hmuh vai nei! Na chang gui cu ng’bum u ne ami im ah law ba ci gui nei! Kei cu ak cang ah ghing ciah khanpughi nei, ceimah khai ah hnumi hta pyülung ng’mo awn a khähghah ah mäih ah nang cu na chang gui awn na khäh ghah khai nei.

ISAIAH 55:5

Tuhbäi nang naw a khohei pakhui gui cu na k’thäh khai ayan läi ngami naw kä ning hmat man ci gui, cun ung phi tuhbäi ngami cu dawng ne law ne, nangmi ung ng’dawn tuk khai gui! Kei, Bawipa nami Khanpughi, theingcim ciah Israel Khanpughi naw, shin gui avan kya lawk khai ah ka bik khai; kei naw m’tamkhah nak la bäimang nak ka ning pe gui khai.”

ISAIAH 59:19

Akhei ung ka naw ak kyang ung khüt khai ah chang päng naw ani la a huham cu kyih kyawk khai. Ani cu ng’güüt ciah tuilawng mäih, ng’pheet ciah khokhi ah mäih ah lawk khai.

ISAIAH 60:4

Na pei yung cu teng ä, a i, i ah a kyak cu na hmu ne ang? Na chang gui cu lm ah law ba khai gui ah ng’bum ci gui nei! Na htapa gui cu a shou nak ah ka lawk khai gui nei; Na hta hnumi gui cu a hmaw hta gui ah mäih ah Chang gui naw law püi gui khai gui nei.

ISAIAH 11:12

Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.

ZEKHARIAH 6:15

A shou nak ah om ciah chang gui cu Bawipa ah Taigüim cawh ba nak ung law u ne bilo tuk khai gui. Shin nami cawh ba yawp ah a kyak ung, a hlüngtai säih Bawipa naw, nangmi ah kei ana tüih law ah mawng cu, nami hmat khai. Nami Khanpughi Bawipa ah thumkhän cu, akbe ah nami läk ah a kyak ung shin gui avan cu gawk lawk khai nei.