Biblia Todo Logo
Bib sou entènèt

- Piblisite -




ISAIAH 49:1 - Cho Bible Common Language 2016

1 Na ngai vä, a shou nak ah om ciah Pakhui gui, a shou nak ah ka nang chang gui! Kei kä ka hmi pha ung Bawipa naw na ghü ne, a changshäm ah na düih ci.

Gade chapit la Kopi




ISAIAH 49:1
34 Referans Kwoze  

“nang am ghin nak kä ka ning pek pha ung kei naw ka ning ghü ci. Nang kä na ng’tüi pha ung changpakhui gui ah prophet ah kei naw ka ning ghü ci.”


Cun ung phi kei kä ka ng’tüi pha ge ung Khanpughi naw am gein nak awn na ghü ne, a khuut bi vai ah ana khü ah kyak ci.


Kei cu ning tüisho gui ciah Bawipa nei; Nangmi nami ng’tüi law yah ung kei naw ka ning m’htei htang gui ci. Kä nami kyih vai, nangmi cu ka changshäm, ka ghü ah chang, ka m’hni ah chang ah nami kyak ci.


Kei kä ka ng’tüi pha ung Bawipa naw na m’düih pyi ci; A chang gui ka law püi ba khai ah ani naw a changshäm ah na pyang ci, püi pyang ciah Israel chang gui ka law püi ba gui khai. Bawipa naw m’tamkhah nak na pek ci; Ani cu ka thamah nak ah ang yung ah kyak ci.


Nang cu m’gai ne pami hta ah na hta lawk khai.


Shin ah khomdek kä ang tüi pha ge ung ani cu Khanpughi naw ghü ne, shin ah ak hnu ah kho hnüüp ung, nangmi ah hmawk ah ang dang sak ah kyak ci.


Ani cu Khanpughi lam ah chang m’gäi ah kya ci. Awktat man phung kä ei awk khai, anu puk ge ung Mumcha Theing awn kümbe khai.


Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.


Khanpughi naw kei cu na ghü ne khomdek khan ah na tüi lawk ci. Cun ah kyasei, ‘Kei cu Khanpughi ah na Htapa ah ka kyak ci’ ka ci ah phäh ah Khanpughi m’kat ne thu ka pyein ah, a i chaa ah nami pyein hning khai ang?


Ngami cu Bawipa naw kyih sak gui khai, ani naw khomdek khanpughi gui cu akholä ah kyak sak gui khai. Chang pakhui pang naw ami mät ah khaw phäh phäh ung Khanpughi cu khawihnah khai gui.


Ngami cu a shou nak ah ka lawk ciah htinpaw gui nei, khanpughi ah chang gui cu im ah law püi gui ci gui nei. Ngami naw ghui la ngui law püi ci gui, cun cu theingcim ciah Israel khanpughi, Bawipa ah aming m’tamkhah nak vai ah kyak ci nei. Chang pakhui avan naw a chang gui ami m’tam khah vai ah ani naw abi ah kyak ci nei.


Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.


“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.


Na ngai vä, Jakob ah hta ng’shon gui, k’pawih ciah kei ah ka chang gui. Nangmi nami hmi law ung tün ne kei naw ka ning m’htei htang gui ci nei.


“Kei cu Bawipa, nami Hunbawi nei; kei naw nangmi ka ning tüisho gui ci nei. Kei cu bawipa, apäng avan Tüisho ciah ka kyak ci nei. Kei ka mät bäng naw khan khaw cu ka k’phiaat ci nei; kei naw khomdek ka pyan yak ung a u naw kä na bawm ci nei.


Cun ah kyasei, Khanpughi awn nami ng’shawng te ciah chang khui hei gui la, Khanpughi awn ng’et ci gui ah Jew chang gui, nami van ah ma ah Bawi Khrit cu kium law ne, dimdeeih nak ah Thu Ni cu shäu ne pyein ci.


Kei naw ang ghit ah law ne ka hun gui khai; kei ah näng nak vai ah akhin cu ng’et ci nei. Kei ka mät naw chang pakhui gai ka uk gui khai. Ashou nak khaw ah ka gui naw ka law vai cuna äih ci gui nei. Ngami naw ka hun gui khai ah ngaih u nak awn na äih ci gui nei.


“Khomdek khan ung om ciah chang avan kei ah ng’hlat law vä, hun nak nami gah khai nei! Kei bäing nei khanpughi ah ka kyak ci.


A khawsho nak ah khaw ungom ci gui Bawipa cu m’tam vä, abäi mang m’dang vä!


Khanpughi naw pyen ci, “Düm ah, kei cu na ngai vä, nangmi kho asho khaw ah ka gui! Nami mawngma cu yung ah m’kai vai ah pawng püi ge vä; Nangmi nami ng’thu nak hning vai om khai nei.


Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.


Cun khawn ah ngami m’kyuk gui cicu kei ah kyak phi hmat khai gui nei. “Cun ung phi kei naw amshah k’pai gui ne, kei ah ka huham la ka dämduh nak kä hmu man i gui la keiah ka mingthang nak kä ng’ya man ci gui ah pakhui gui la asho nak kho gui ah ka gui cu ka tüi gui khai: cun gui cu Sapin, Libia, la lidia-li kap akni gui ah om nak, Tubal la Kreece ah kyak ci. Shin ah pakhni gui ah ng’lung ah ngami naw kei ah dämduh nak cu shän kahi gui.


Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.


Kei cu ka ng’tüi law ge ung nang ung ka ng’yung ci, nang cu angtäi sei ka Khanpughi ah na kyak ci.


Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.


Ak kyang tang ung om ci gui naw ani cu m’taam khai gui nei. Tuinu ah yung ung om ci gui naw Bawipa, Israel khanpughi cu m’taam khai gui nei.


Ashou, ang et ung om ciah chang päng naw kei ah ka bi cu ng’ya ne, kei ah ka huham cu ng’kiaa u sä.”


Hmüp khui ah ng’thup ciah hmun ung ka khawh cham cu kei naw ka ning pe gui khai; cun kawn ah nang naw kei cu Bawipa ah ka kyak la Israel khanpughi naw na ming ung aning khü cu, na hmat khai.


Ka chang gui cu a shou nak ah ka lawk khai gui, a siip tang, akhei täng la a htum täng, Avan ung ka lawk khai gui.”


Bawipa naw pyen ci, “Ka changshäm cu a bilawh nak ung näng nak om khai; Ani cu a hlüngtai ah m’tam khah khai gui.


Swiv nou:

Piblisite


Piblisite