ISAIAH 48:9 - Cho Bible Common Language 2016

⁹ Chang gui naw ka ming ami m’taam vai ah ka m’lungshe nak cu ka k’üp ci nei: kei naw cun cu k’pang ä sei nangmi kä ning m’di gui khai nei.

ISAIAH 48:9 Referans Kwoze

ISAIAH 37:35

Kei naw shin ah mang gaw cu shungvong ne ka ngäng khai, cun cu kamät m’tamkhah vai ah hmawk la ka chang shäin David ung shaika tak ah hmawk ah kyak ci.”

SAM 143:11

“Bawipa, na shaitak ah mäih ah na gung ä; Na ni nak awn ka khüikha nak cu na hun ä!

SAM 106:8

Cun ung phi a shaitak ah mäih ah hun gui ci, dämduh ciah a huham am dang nak ah kyak ci.

SAM 79:9

O Khanpughi, na m’htei gui ä, na hun gui ä, na mät ning m’taam vai ah hmawk ah na gung gui ne kami katnak na m’gein gui ä.

SAM 78:38

Cun ung phi Khanpughi naw akchang gui cu, chimgein gui ci. Ani naw ami katnak m’gein gui ci, kä m’di gui ci. Ani cu akda vei am lung üüp ci, am lung she nak cu m’cäi ba ci.

EZEKIEL 20:44

Kei naw kamät ah ming thang shungvong ne ka hnün thawh ah a kyak ung, nangmi Israel gui naw, kei cu Bawipa ah nami na hmat khai, a i ah kyasei ci ung, nami cheishoh, akshe ah nami hnün thawh ah ciah kei naw kä ka ning bi gui ci,” Uktu Bawipa naw a pyen nei.

EZEKIEL 20:22

Cun ung phi kei naw Egypt ah ka Israel gui ka luh law püi ba gui yah ung na hmuk ciah changpakhui gui ah ng’lung ah ka ming, a thang shek khai kyasei cun ah kä ka bik ci nei.

EZEKIEL 20:14

Cun ung phi Egypt khaw ah ka Israel gui ka luh law püi ba gui sang ung na hmuk ci gui ah changpakhui gui ah ng’lung, kei ah ka ming cu thang shek khai kyasei, cun ah kä ka bik ci nei.

JEREMIAH 14:7

Ka chang gui cu kei ah kyap lawk ci gui, “kami katnak naw ana kyuk gui ung phi, Bawipa, na shaitak ah mäih ah na m’htei gui ä. Keimi naw nang cu akda vei kami ning hlah tak ci, katnak bi ne kami ning hnungtuk püi ci.

ISAIAH 48:11

Kei naw ka biphung cu ka mät ah hmawk ah kyak ci nei. Kei naw ka ming kä m’tamkhah nak vai ah kiak cicu kä ka bik khai nei, ka bäimang nak cu a u am phi kä ka ng’tu sak khai nei. Cun cu ka mät ah ka, ka mät bäng ah ka ah kyak khai nei.”

ISAIAH 43:25

Cun ung phi kei cu nami katnak ning m’geinsei gui ciah khanpughi ah ka kyak ci, kei cu kei ah kya ne shin ah ka bi ah kyak ci. Ning hnung’tuk püi gui khai ah nami kat nak kä ka kawt khai nei.

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

SAM 25:11

Bawipa, na shaitak m’khän ä, Ka cheishoh nak nam gein ä, ngami cu da ci gui nei.

1 SAMUEL 12:22

Bawipa naw thuk ng’kau ciah shaitak bik ci, ani naw kä ning nawng gui khai, ani naw amät ah chang ah ning pyang gui khai ah k’bäi pyi ci.

EZEKIEL 20:9

Cun ung phi cun naw kei ah ka ming cu thang m’shet khai kyasei cun ah kä ka bik ci. A i ah kyasei ci ung Israel gui cu Egypt ah akpung ah ka hteh püi gui khai cine, ami om nak tu ah chang gui ah ma ah ka ng’shäu pyi ah kyak ci.

NG'THU K'THUUK~ 19:11

Langkha ciah chang naw am lung ah sou nak cu k’uup hning ci. Na khan ah chang naw a hma law ung na ngaih pek cu dämduh ciah ni kyom nak ah kyak ci.

JOSHUA 7:9

Kanaanit gui la shin ah khaw ung chang nü naw, cun ah mawng cu ng’yak ci gui nei. Ngami naw na khaai gui u ne, kami van na ngawn gui khai gui nei. Na ming küi m’küih nak vai ah a i na bik khai aw?”

ISAIAH 65:8

Bawipa naw pyen ci, “Sapyit theih ak ni cu a u naw kä m’di man ci, a cun awn sapyit tui vah piangman ci gui. Kei naw ka chang gui avan cu kä m’di gui khai-kei ah bi bik ci gui cu ka hun gui khai.

EZEKIEL 36:21

Israel chang gui naw ami hteh nak päng ung kei ah ka ming theing cu thui ng’aa sak ci sei, acun naw kei cu ka m’lung kä na ni sak ci nei.