ISAIAH 48:6 - Cho Bible Common Language 2016

⁶ Kei naw ng’dawt ne ka pyen gui avan tukbäi kya law pyi ci: kei ah ka ng’cängbang gui hman ciah tuhbäi nami ng’kia vai. Lawk khai ah a mawng ak thai gui la kä ka m’than pha ah amawng gui cu Tuhbäi kei naw ka ning m’thein gui khai.

ISAIAH 48:6 Referans Kwoze

THU PHLAAN 4:1

Cun kawn ah ka mang ung Khanmawpi ah m’kawt ng’hmawng sei ka hmuk ci.

ISAIAH 42:9

Kei ah cäi bang gui cu tuhbäi akang ah kya lawk ci nei. Tuhbäi kei naw, amawng ak thai gui cu, kä ah kyak law pha pang ung phi ka ning m’thein gui khai nei.”

MATTHE 10:27

Hmüp khui ung ka ning m’thein gui ah ng’thu cu khodei ung nami pyein ba vai. Adüm ah nami ng’yak ah ng’thu cu m’kiung khan ah kai ne nami shäü vai.

ISAIAH 43:19

Kei naw ka bi law vai ah amawng akthai cu ngäing vä. Cun cu kya law pyi ci nei — tuhbäi nangmi naw nami hmu hning ci nei! Kei naw khong’gau khaw kan ne lam ka pyang khai nei, cun ung tui lawng gui ka ning pe gui khai nei.

1 KORIN 2:9

Cun ung phi cacim ung; ‘Chang naw kä a hmuh man, kä a ng’yak man, Cun ah kya lawk khai ciah chang naw kä a ngaih-tüh man, gui cu, Khanpughi naw ani m’hni ciah chang gui ah hmawk ah pyamtham pyi ci” ciah om ci.

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

JOHAN 15:15

Tuhbäi ung tün ne changshäm ah kä ka ning khü ba gui ci, a i ah kyasei ci ung, changshäm naw khuimah ah bilawh kä hmat ci. Kapa ah ng’thu kang yak avan cu ka ning m’thein gui pyi ah kiasei, tuhbäi ung tün ne ‘Teihpüi’ ah ka ning khü gui ci.

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

JEREMIAH 2:31

Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?

ISAIAH 21:10

Ka chang Israel gui aw, nangmi cu htang vui ah mäih ah ning neen gui ci gui nei, cun ung phi tuhbäi, Israel khanpughi m’gäi ciah Bawipa ung ka ng’yak ah thuni cu nangmi ung ka ng’shäu lawk ci nei.

SAM 119:13

Nang naw na na pek ah na thukhän gui cu ang shawng ah ka pyen ba khai nei.

SAM 107:43

Cüivai ciah chang gui naw shin ah mawng cu ngaih-tüh u sä, Bawipa ah ng’täi ciah am hni nak cu hmat u sä.

THU PHLAAN 1:19

Tuhbäi kaa gui la ngawi ah gawk lawk khai gui na hmuh phung avan cu, na guk vai nei.

MIKHAH 6:9

Cüivai ci naw Bawipa cu kyih aa ci. Ani naw mang gaw khü ne, ngai vä, nami mang gaw ung ng’bum ci gui nei!

AMOS 3:6

Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?

ISAIAH 48:7

Tuhbäi bäng kei naw ka kyak sak gui khai, cau shin ah mäih cu kä kya man ci. A cun akiak man ah a kyak ung, nangmi naw avan nami hmat ciah nami pyen khai.

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

ISAIAH 42:8

“Kei bäng cu Bawipa nami na khanpughi nei. A i ahei khanpughi naw phi kei ah bäimang nak cu kä ng’pai tuk khai nei; kei ah m’taam nak cu agup gui naw kä ng’pai tuk khai nei.

ISAIAH 42:20

Israel gui, nangmi naw akda nami hmuk ci, cun ung phi nangmi ah hwawk ah abä nak a i om ne ang? Nangmi nami ng’yak nak vai nami hnga om ci, Cun ung phi nangmi naw akcang ah nami ng’yak cu a i ang?”