ISAIAH 48:4 - Cho Bible Common Language 2016

⁴ Nangmi cu lingkeng u ne, m’si ah mäih ah kyei ah mäih ah nami m’liu ci, cicu kei naw ka hmat ci.

ISAIAH 48:4 Referans Kwoze

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

PHYAWN NAK 32:9

Shin ah chang gui a i hlawk ah ami m’lung aling cu kei naw ka hmat ci nei.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

JEREMIAH 19:15

m’gäi ciah Bawipa, Israel khanpughi naw ana pyen sak cu chang avan am ka m’thein gui ci. Kei naw ka pyen cu, “kei naw shin ah mang gaw la a pei yung ah gaw nu nü ah khan ah kei naw ka bi vai ah ka pyen ah m’kyuk nak avan cu ka law püi khai, a i ah kyasei ci ung nangmi cu nami m’lung liing sei kei ah ng’thu kä nami ngaih ah phäh ah kyak ci.

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

THULÄÄN NAK 31:27

Ngami a i hlawk ah linglai ne küknet ci gui ah kei naw ka hmat gui ci. Ngami naw kei ka ghin yah ung Bawipa cu hnu ng’tuk ne küknet püi ci gui, kei ka sih kawn ah ngami naw küknet law pi khai gui.

PHYAWN NAK 33:5

Moses naw chang gui am’thein gui vai ah Bawipa ah thumkhän cu, “Nangmi cu m’lung liing chang ah nami kyak ci. Kei cu nangmi awn a täng ah a shäng hta ka hteh ung phi, ka ning m’di gui yawp khai kyak ci. Tuhbäi nami ghui lung gui cu suut vä, cun kawn ah nangmi ah khan ah a i ka bi vai cu kei naw ka k’bäi khai” cik ci.

SAM 78:8

Ngami cu ami pupa gui ah mäih ah kä kyak ci gui, ami pupa gui cu hnu ng’tuk u ne, ng’thu kä ngai u ne, Khanpughi ami yum nak kä ng’shing ci, kä bekhüt ci gui ah kyak ci.

SAM 75:5

chang ah kä ami ng’shei ba vai ah ka m’thein gui khai,” cik ci.

PHYAWN NAK 33:3

Nangmi cu bämang ne ng’lei nik ciah khaw ung nami hteit khai. Cun ung phi kei ka mät cu nang mi awn kä ka hteit tuk khai. Nangmi cu nami m’lung liing aih ci, kei naw lam ah ka ning m’di gui hning ci” cik ci.

ISAIAH 46:12

“Näng nak vai cu shou aih ciah ngai ci nei, lingkeng ciah chang gui, na ngai vä.

2 SHONTÄP NAK 36:13

Zedekiah naw Ghangpughang Nebukhadnezzar cu hnungtuk püi ci, ani naw Khanpughi ah ming ung taam ne, a bekhüt vai ah ak ghuih ah pyen nak ci. Cun ung phi ani cu amlung ling ne, kä ng’yu ba ne, Israel Khanpughi Bawipa ah kä ng’hlat law ba ci.

HEBRU 3:13

Nangmi cu cheishoh nak ung kä thuvi ne kä nami lingkheng-en vai ah, cacim theing naw “tuhngawi” ciah thu anam thein nak gui a om ah chuih, ak hnüüp tä sei tumat la tumat anmi hteinghtang tu vai nei.

DANIEL 5:20

Cun ung phi ani cu chang ah ng’shei ne, am lung ling ne, m’ghämce law khäta, bawi mang kiang ungka m’hnawn u sei, m’tam nak ah hmun cu hteh tak ciah kyak ci.

JEREMIAH 7:26

Cun ung phi a u naw phi kä na ngai ci, a i ah kä na sui ci. Cun nak vaisü ung nangmi cu ling law pi u ne, nami pupa gui ah ta nami hnungtuk law pi ci.

JEREMIAH 3:3

Cun ah kyak sei khaw aa ng’düm ne, khaw kä a aa ba ah kyak ci. Nang cu pawmya ciah mäih ah na kyak ci, nang ung lüng aa nak kä om ci.

2 SHONTÄP NAK 30:8

Ngami ah mäih ah nami m’lung kä ling en sä, Bawipa ah thu ngai u ne, Bawipa nami Khanpughi naw ang täih ah a theingcim sak ah Jerusalem Taigüim ah law u ne, nami khawihnah vai, cun ung nangmi ah khan ah ani kä m’lungshe ba khai.

2 GHANGPUGHANG GUI 17:14

Cun ung phi ngami naw kä ngai ci gui; ngami cu ami Khanpughi Bawipa kä ngaih u ci gui ah ami pupa gui ah mäih ah ami m’lung ling ci nei.

THULÄÄN NAK 10:16

Cun ah kyasei tuhbäi ung tün ne, Bawipa cu ngai vä, nami linglai nak cu ng’düm vä.

NEHEMIAH 9:28

Dimdeeih nak a gawk law ba ung, ngami cu katnak bi ba ci gui, cun ung nang naw ami ga gui am na näng ba sak gui ci. Cun ung phi ngami ng’zuu ba u ne, na hun gui vai ah ami thäh law ung, Khankho ah ka naw ng’yak pe gui ne, dämduh ciah na chimgein nak awn leng ba ba ne na gung gui ci.

EZEKIEL 2:4

Ngami cu ami m’lung ling ci, kei kä na chang m’sui ci güi, Cun ah kyasei kei uk ciah Bawipa naw ka pyen nak gui cu na m’thein gui vai ah kei naw ka ning tüih nei.

PHYAWN NAK 9:7

Ghangpughang naw a i ah kya lawk ci ang, cine ng’shi gui khäta, Israel gui ah seime a i phi kä a sih tu ah mawng cu m’thein ci gui. Cun ung phi ani cu ling ne Israel gui cu kä hteh sak gui ci.

ISAIAH 30:9

Ngami cu ang’täi sei khanpughi hnung’tuk püi ci gui, angtäi sei hleei ci gui, Bawipa ah m’theithang ngaih yak vai ah angtäi sei mak ci gui.