ISAIAH 48:19 - Cho Bible Common Language 2016

¹⁹ Nang ah hta ng’shon gui cu laigin chü ah da khai gui, kei naw ngami cu a i yah ung phi kä ka dishum sak gui khai.”

ISAIAH 48:19 Referans Kwoze

ISAIAH 10:22

Cun ung phi tuhbäi, Israel chang gui cu tuinu kem ah laigin ah mäih ah da ci gui nei, cun ungka apihta bäng nei law ba khai, Dishum nak cu chang gui ah phäh ah m’küm ci nei, cun cu akbe tucang ah kyak ci nei.

ATÜNNAK 22:17

Kei naw shai ka taak cu, khankho ah om ciah aisi chü, tuinu kem ah om ciah laigin chü ah ka ning pungpiah sak khai. Na htangshon gui naw ga avan näng khai gui.

ROMAN 9:27

Israel chang gui ah mawng cu Isaiah naw, “Israel chang gui cu, tuinu kem ah laigin k’chü ah ami da ung phi, ngami ung kaa chang api naw vah hun nak cu gah khai gui.

HOSEA 1:10

Israel chang gui cu tuinu kem ah laigin ah mäih ah kyak khai gui, kä khei tai vai, kä nüt tai vai ah kyak khai gui, Tuhbäi Khanpughi naw pyen ah gui ci, “Nangmi cu kei ah kä ning chang gui nei,” Cun ung phi ani naw shi cha ah a pyen nak vai ah hnüüp cu gawk lawk khai nei “Nangmi cu ghing ciah Khanpughi ah hta nau gui nei!”

JEREMIAH 33:22

Ka changshäm David ah htangshon gui cu ka da sak gui khai, Levi pakhui taigü gui cu ka da sak gui khai, cun ah kyasei ngami cu Khankhomik ung aisi gui la tuinu kem ah laigin ah mäih ah kä khei tai vai ah kyak khai gui.”

ZEPHANIAH 1:4

“Jerusalem ung chang gui la Judah avan ung chang gui phi ka m’kyuk gui khai. Ak hnu ah Baala khawihnah ci gui ka m’di gui khai, acun ung bii bik ciah khaw taigü gui cu a u naw kä shüm ba gui khai.

ISAIAH 66:22

Khomdek thai la khankhaw thai cu kei ah huham awn khäng ne a om mäih ah, nangmi htangshon gui la nami ming cu khäng ne om khai nie.

ISAIAH 56:5

Na ming cu kei ah Taigüim kyong ah shüm ba khai gui, kei ah ka chang gui ah ng’lung ah htanu, htapa m’hnih gui khai.”

ISAIAH 48:9

Chang gui naw ka ming ami m’taam vai ah ka m’lungshe nak cu ka k’üp ci nei: kei naw cun cu k’pang ä sei nangmi kä ning m’di gui khai nei.

ISAIAH 14:22

M’gäi ciah Bawipa naw a pyen cu, “Kei naw Babilon cu tu ne ka m’di khai. A u phi kä ka k’pawih nak khai — a u ak hmaw, a u phi kä k’pawih khai. Kei, Bawipa naw thu ka pyen ci nei.

ISAIAH 9:14

Hnüüp ät bang ung Israel gui ah ami ng’vai gui la ami chang gui cu Bawipa naw m’kyuk gui khai. Ani ami lu la ami ng’mei cu m’chün gui khai.

SAM 109:13

A hta ng’shon avan si sä, Ng’shon ba ung ani ah ming cu m’hnih u sä.

SAM 9:5

Nang naw chang khuihei gui m’kyuk gui ne Changshe gui na m’di gui ci, ngami cu a ngawi ah phi a u naw kä shüm gui khai.

1 GHANGPUGHANG GUI 9:7

Kei naw ka chang Israel gui cu kei naw ka pek gui ah khaw ungka kak plon gui khai. Kei ami na khawihnah nak vai ah kei naw ka k’bäi pyi ah shin ah Taigüim cun phi kei naw ka nawng khai. Khaw nü ung chang gui naw Israel cu gaih tu u ne päipih khai gui.

RUT 4:10

Moab hnumi, Mahlon ah hmeinu, Ruth phi kei ah chu ah kyak ci nei. A shin naw sik ciah chang kyong khui ung khawhcham cu ng’khäm sak ne, a chang gui la apigaw cu ani ah kyong khui naw pakhui m’düng khai nei. Nangmi cu tuhngawi shin ah saksi ah nami kyak ci nei” cik ci.

JOSHUA 7:9

Kanaanit gui la shin ah khaw ung chang nü naw, cun ah mawng cu ng’yak ci gui nei. Ngami naw na khaai gui u ne, kami van na ngawn gui khai gui nei. Na ming küi m’küih nak vai ah a i na bik khai aw?”

ATÜNNAK 13:16

Nang cu chang akchün ah ka ning pungpiah sak khai. M’dek khui cu chang naw kä a khei hlawt yawp ah mäih ah nang ah htangshon cu chang naw kä khei yawp hlawt khai nei.

JOB 5:25

Nang ung khu m’kim khaw ung khu ng’thoot ne a lim ah mäih ah na hta gui da khai.

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

ISAIAH 44:4

Ngami cu tui akni ah gah ciah khu m’ghaw ah mäih ah, tui long ciah tui pei ah hnum ghing ah mäih ah kyak khai gui.

ISAIAH 54:3

Nang naw na khogi cu amawng avan ung, na ng’shawng sak vai nei; Tuhbäi khuihei gui naw ami khäm ah khaw cu, na chang gui naw gah ba khai gui nei.

THULÄÄN NAK 9:14

Kei kä na na düm sak en vä, kei naw ngami m’di gui vai ah ka pawng ci. Cun ah kyasei ngami cu a u naw kä shüm ba gui khai. Kei naw nang cu däm pi ciah pakhui ah pa, huham mah pi ciah ka ning pyang khai.