ISAIAH 48:16 - Cho Bible Common Language 2016

¹⁶ “Tuhbäi ka pei ah law ne, ka pyen cu ngai lawä. Ak htük ung kei cu akdeidang ah ka ng’thu ci, ka ng’thu angtäi sei akcang ah kyak sak ci.” (Tuhbäi uk tu Bawipa naw a huham na pe ne na tüi ci.)

ISAIAH 48:16 Referans Kwoze

JOHAN 18:20

Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci.

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

ISAIAH 45:19

Kei naw m’zih ne thu kä ka pyen ci, ka ng’bü nak phi kä ka thup ci. Israel chang gui naw a khaw shiu ah kei ami na shui vai ah kä ka k’thäh man ci. Kei cu Bawipa nei, düng ciah thu ka pyen ci nei; kei naw hman ci cu ka ng’hmat sak ci nei.”

LUKA 4:18

“Khanpughi ah Mumcha cu kei khan ah gawk law pyi ci, Geinvai ci gui-am Thu Ni m’thein gui vai ah Kei cu na ghü pyi ci, Thawng ung kium ci gui ah phiawn nak vai, A mik m’dauh ci gui ah m’dei ba nak vai la Shedam nak gah ci gui ah phiawn nak vai ah mawng shäu ne pyein vai ah kei cu ghü ne na tüi pyi ci

ISAIAH 41:1

Khanpughi naw pyen ci, “Düm ah, kei cu na ngai vä, nangmi kho asho khaw ah ka gui! Nami mawngma cu yung ah m’kai vai ah pawng püi ge vä; Nangmi nami ng’thu nak hning vai om khai nei.

ISAIAH 34:1

Law vä, chang pakhui avan! Ng’bum uneta ngai vä. Khomdek apum la acun ung om ciah a ghing avan shin ung law ne ngai vä.

ISAIAH 43:13

Kei cu khanpughi nei, ang täih ah a cun ah ka kyak khai nei, kei ah ka huham ung ka, a u kä phyawng hlawt khai, kei ah ka bi cu a u naw kä m’thawng hlai hlawt khai.”

ISAIAH 57:3

Nangmi kakciah chang gui, ng’thumcha vai shin ung law vä! Nangmi cu, cuun u ni, chang ah chuhta kat püi ci ni, pletbeng ci ni ah ta kä nami bä tuba ci nei.