ISAIAH 48:10 - Cho Bible Common Language 2016

¹⁰ Ngui cu meicang ung m’hling ne m’ciim ah mäih ah nangmi cu khüikha nak ah mei awn ka ning m’nüm gui ci nei. Cun ung phi nangmi a i ah kä nami mawng ci nei.

ISAIAH 48:10 Referans Kwoze

1 PETER 4:12

Ka teihpüi gui aw, nami geinvai nak vai ah ng’hlo ng’ei nak ah m’nüm nak nami khan ah a gawk law ah hmawk ah kä nami cäicat vai, cun gui cu nangmi ah phäh ah ak küikyang ah kä kyak ci.

NG'THU K'THUUK~ 17:3

Ghui la ngui cu mei awn m’num ah kyak ci, chang ah m’lung kyong cu Bawipa naw m’num ci.

JOB 23:10

Cun ung phi kei naw ka bi phung cu Khanpughi naw hmuk ci, ani naw ana m’nüm vaisü ung ang ciim ah na hmuk khai süte nei.

SAM 66:10

Nang naw na na m’nüm gui ci, Khanpughi; Ngui cu mei awn m’nüm ah kyak ci, cun ah kyasei na na m’nüm gui ci.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

JEREMIAH 9:7

A shin ah kiasei m’gäi ciah Bawipa naw a pyen cu, “Kei naw ka chang gui cu m’si m’cim ah mäih ah ka m’cim gui khai, ka m’nüm gui khai. Kei ah ka chang gui naw akshe bik ci gui — Kei naw a i ka bi pe gui khai ang?

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

THULÄÄN NAK 4:20

Cun ung phi nangmi cu Egypt khaw mei k’cang ungka aning gun ba gui ah chang ah nami kyak ci. A tuhngawi ah mät ah chang ah a ning pyan gui vai ah aning law püi ba gui ah kyak ci.

EZEKIEL 20:38

Ng’küknet ne katnak bik ci gui cu nami ng’lung ungka ka heng gui khai. Ngami tuhbäi ami om nak ah khaw ungka a hei ah ka la gui khai, cun ung phi Israel khaw ah kä ka law ba sak gui khai. Cun ung kei cu Bawipa ah nangmi naw nami na hmat khai.

1 GHANGPUGHANG GUI 8:51

Ngami cu namät ah chang ah kyak ci gui, ngami cu mei däi ciah meibuum ah mäih ah kyak ciah Egypt kho ah ka na law püi ba gui ah kyak ci.

ISAIAH 27:9

Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

JEREMIAH 11:4

Cun ah thukhän cu cun ah khaw cu ngami ah phäh ah mei cang ah mäih ah mäih ah kyak ci. Egypt khaw ungka ka law püi ba gui yah ung ami pupa gui am ka pek gui thumkhän ah kyak ci. Kei ami na ngaih vai la kei ah ka thumkhän nü ami bi vai ah kei naw ka m’thein gui ci. Ka m’thein gui ci, kei amo na ngaih ah a kyak ung ngami cu kei ah chang ah kyak khai gui, kei cu ngami ah Khanpughi ah ka kyak khai.

JOB 28:1

Ngui cawh nak ah khui gui om ci, ghui m’si nak ah hmun gui om ci.