ISAIAH 48:1 - Cho Bible Common Language 2016

¹ Shin cu ngai vä, Israel chang gui aw, Nangmi cu Judah ah ng’shon gui nei: Nangmi cu Bawipa ah ming ung ng’tam u ne, Israel khanpughi nami khawihnah ciah nami pyen ci. Cun ung phi nami pyen ah ng’thu lung cu kä nami k’cang nak ci. 1

ISAIAH 48:1 Referans Kwoze

JEREMIAH 4:2

Cun cu kei ah ming ung nami ng’khän nak vai ah nangmi ah hmawk ah ng’düng ciah kyak khai nei. Cun kawn ah changpakhui avan naw hriham pek vai ah na k’thäh khai gui, ngami naw na m’taam khai gui.”

SAM 68:26

“Chang hli ng’bum ne Khanpughi cu m’taam vä, Jakob ah hta ng’shon avan naw Bawipa cu m’taam vä!”

JEREMIAH 5:2

Nangmi naw Bawipa khawihnah vai ah nami pyen tupang ung phi, nami pyen ah kä nami bik ci nei.

ISAIAH 65:16

Khaw ung om ciah chang hriham ng’zoi thäh ci phung naw bekhüt ciah khanpughi naw hriham a pek vai ah ng’zoi thäh khai. Khän taam ne pyen ciphung naw bekhüt ciah khanpughi ah ming ung khäntam khai. A cau khüikha nak gui man cu ng’pyi khai, m’hnih yawp vai.”

THULÄÄN NAK 6:13

Bawipa nami Khanpughi cu nami taamkhah vai, ani bäng nami khawihnah vai, ani ah ming bäng ung shaitak nami bi vai.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

THU PHLAAN 2:9

Kei naw na yaica nak la na geinvai nak cu ka hmat ci, cun ung phi nang cu akcang ah na ng’bühmang ci. Keimi Jew chang nei cik ci gui naw ning m’kat gui ne ami ng’thu cu ka hmat ci, ngami cu Jew chang ah kä kyak ci gui, Satan ah chang ah kyak ci gui.

1 TIMOTHI 4:2

Cun cu m’si m’hling awn m’khih ah mäih ah ami m’lung ngaih sik ciah, hleeihlak ciah chang gui ah m’theithang ah kyak ci.

ROMAN 9:8

Abraham ah hta ng’shon avan cu Khanpughi ah hta gui ah kä kyak ci, Khanpughi ah shaitaak awn ng’tüi lawk ciah chang gui cun vah, Abraham ah hta ng’shon akcang ah kyak ci gui.

ROMAN 9:6

Khanpughi ah shaitaak cu yu kyavük düt ciah ka pyein ah kä kyak ci; a i ah kya sei ci ung Israel chang gui bäng Khanpughi ah chang gui ah kä kyak ci, chang khui hei gui phi Khanpughi ah chang gui ah kyak ci.

ROMAN 2:17

Nang a i hawkcha ang? Nang cu na mät naw, kei cu Jew chang nei cine, thukhän ung khüng ne, Khanpughi awn na khähgah ci.

JOHAN 4:24

Khanpughi cu Mumcha ah kyasei, khawihnah ci naw, mümcha la bekhüt nak awn a khawihnah vai” cik ci.

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

ZEPHANIAH 1:5

Im khan ah kai ne khohni ni, cha ni, aisi ni khawihnah ci gui phi ka m’di gui khai. Kei na khawihnah ne bekhüt pang te ne phi, Milak khanpughi ah ming la ba cicu ka m’di khai.

ISAIAH 62:8

Bawipa naw küi kyang ciah shaitak cu bik ci, A mätah huham awn ani naw m’khüp ne bik khai: “Nami pümhtang gui cu na mi ga gui ah ei ah kä kya ba khai, Nami sapyit tui gui cu a khohei chang gui naw kä aw ba khai gui.

ISAIAH 58:2

Ngami naw a hnüüp tä na khawihnah ci gui, kei ah ka lamcu kmat u ne, kei ah ka thukhän cu läk hning ci gui ah pyen ci gui nei. Ngami naw clung ciah thukhän gui ka pek gui vai ah ng’ya hlük ci gui ah pyen ci gui. Ngami naw kei na khawihnah u ne yeikyai nak gah ci gui.

ISAIAH 45:23

Kei ah ka shaitak cu akcang ah kyak ci, cun cu kä thawng hlai phung khai nei. Chang avan ung aktung ah shai ka tak ci nei: Chang päing law ne, kei ah ma ah m’khuk dong ne, kei ah ma ah bekhüt khai pyen ne shai tak khai gui nei.

ISAIAH 44:5

“Chang gui tumat ci tumat ci naw, kei cu Bawipa ah na chang nei” cik khai gui. Ngami cu Israel chang gui ung law ne ng’dawn tuk khai gui. A chang sing naw ami ban ung Bawipa ah ming awn m’hnüt khai gui, ami mät naw ami mät khanpughi ah chang tumat ah ng’khü khai gui.”

ISAIAH 26:13

Bawipa, kami khanpughi, keimi cu chang a hei gui naw na uk gui ci nei, cun ung phi nang bang cu kami Bawipa ah na kya ci nei.

NG'THU K'THUUK~ 5:16

A hnumi hei awn na hta nak ah a hmaw gui naw kä akni ah ning om nak khai gui.

SAM 66:3

Khanpughi-am, “Na bilawh gui cu cäicat vai ah kyak ci nei! Na huham cu däm ciah ci nei, Na gaa gui naw ning kyih u ne na ma ah kawp ci gui nei.

SAM 63:11

Khanpughi ah a pek ah näng nak awn ghangpughang cu yeikyai khai. Khanpughi ah aming ung shaitak ci phung naw m’taam ngak khai, cun ung phi hleei ciah m’gawng cu khai pek khai.

2 GHANGPUGHANG GUI 17:34

Ngami naw cau ami thungyo cu tuhngawi güt law püi ci gui. Ngami naw Bawipa cu kä khawihnah ci gui, Jakob, Israel ah angming a sui ah htangshon am a pek ah thukhän gui la thumkhän gui phi kä läk ci gui.

THULÄÄN NAK 33:28

Cun ah kiasei Jakob ah htangshon gui cu Ding gei sei om ci gui. Htang la sapyit tui ah be nak khaw cu geing nak ci gui. Acu ah khomik ungka dam tui naw khaw ng’lei tui awn shawi ci.

THULÄÄN NAK 10:20

Bawipa nami Khanpughi ah ng’thu bäng läk ne, ani bäng khawihnah vä. Ani ung bekhüt ne ani ah ming bäng ung nami shaitak nak bi vä.

THULÄÄN NAK 5:28

“Bawipa naw acun ng’ya neta, kei ana pyen nak cu, Shin ah chang gui ah ng’thu cu kei naw ka ng’yak ci nei, ngami cu hman ci gui nei.

KHEI NAK 24:7

Ngami ung khawtui akni ah aa khai. Tui ah ni nak ah lolai ung ami m’shi geit khai gui. Ami ghangpughang cu Agag bawi ah dämduh pi khai. Ani ah uknak cu ng’shawng ne ng’kau pi khai.

TAIGÜTHUM 19:12

Kä nami k’pan vai ung kei ah ming awn shaitak nak kä nami bi vai, cun naw kei ah ming khan ah thüisei nak law püi ci. Kei cu Bawipa, nami Khanpughi nei.

PHYAWN NAK 23:13

“Kei, Bawipa naw ka ning thu püi gui phung cu nami ngaih vai. A hei khanpughi gui ah kä nami taigü vai, ami ming pang phi kä nami pyen vai.

ATÜNNAK 35:10

Khanpughi naw, “Na ming cu Jakob ah kyak ci, cun ung phi tuhbäi ung tün ne, Israel na ming nak khai” cine Khanpughi naw Israel ah a ming sui ci.

ISAIAH 46:12

“Näng nak vai cu shou aih ciah ngai ci nei, lingkeng ciah chang gui, na ngai vä.

ISAIAH 64:6

Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.

JEREMIAH 44:26

Cun ung phi, kei, Bawipa naw m’gäi ciah ka ming awn Egypt ah om ciah Israel gui a van ka pek cu tuhbäi ngai vä: Shin ah ng’thu pyen ne shaikhän nak ung, nangmi ung ka a u am phi ka ming cu kä ka mang ba sak khai, “kei cu ghing ne uk ciah Bawipa ung ka ng’taam ci nei.”

ZEKHARIAH 5:3

Cun kawn ah ani naw kei am, “Ca k’tom ung ng’phyun ca ami guk nei, cun cu khaw avan ung gawk ci. Vangtäng ung m’guk ei phung cu shin ah khaw ungka k’täm vai nei, ciah ng’gu ne, ahei vangtäng ung a hleei pyen ne ng’phyun ciah chang phung cu k’täm vai nei ciah ng’guk ci.

2 GHANGPUGHANG GUI 5:20

Elisha ah changshäm Kehazi naw amät ng’htau ne, “Ka bawi naw Naaman ah a i phi kä dou ne hteh ba sak ci! Sirian naw a pek cu ani naw a dou ah khin te ci. Ghing ciah Bawipa ung kei naw gawt ne buuk neta ani ung a i baw ka lak khai” cik ci.

SAM 68:27

Ak htük bäih ah Benjamin, akyaw pi bäih pakhui lawk ci, cun kawn ah Judah ng’vai gui, cun ah hnu ah Zebulun la Naphtali ami ng’vai gui naw läk lawk ci gui.

ISAIAH 51:1

Bawipa naw pyen ci, “Na ngai vä, hun phiawn vai ng’ya hlük ci gui, m’htei vai ah kei ah lawk ci gui. Nami law nak te ah lungk’pou, ami ning cawh nak gui te ah lungkhui cu nami ngaih tüh ba vai nei.

ISAIAH 51:2

Nami ng’shou law nak ah nami pupa Abraham la na mi pi Sarah cu nami ngaih-tüh ba vai nei. Kei naw Abraham ka khü yah ung, ani cu a hta kä om ci, Cun ung phi kei naw hriham pe ne, htanau ka pek ci; chang hli ah ka ng’shon sak ci.

MIKHAH 2:7

Israel chang gui cu taam gui khai ah nami ngai ne ma? Bawipa ah hnimgei nak maih hning khai ma? Cun ah mäih ah ani naw akcang ah bik khai ma? Düng ciah chang gui cu m’gein ne kä ng’thu khai ma?” ciah kyak ci.