ISAIAH 47:8 - Cho Bible Common Language 2016

⁸ Hüithaw nak m’hni tu aih ciah chang, shin cu Ngai ä, Nang cu ng’geing sei om ne na phyawng ciah na ngai ci. Nang naw, khanpughi ah mäih ah na dämduh ci, nang ah mäih a u kä om ciah na ngai ci. Nang naw a i yah ung phi hmeinu ah kä na kyak khai ah na ngai ci. Na hta gui a maih ah phäh ah na geinvai khai ah kä na ngai ci.

ISAIAH 47:8 Referans Kwoze

ZEPHANIAH 2:15

Shin cu amät ah huham awn khähghah ne, phyawn pyi nei cine, ngai ciah mang gaw ah khan ah kya lawk khai ah amawng gui ah kyak ci. A chang gui naw ami mang gaw cu khomdek khan ung dämduh pikbäih ciah ngai ci gui. A i hawkcha ah shiu ciah hmun ah kya lawk khai aw? Pya masa gui ah lum nak ah hmun ah kya lawk khai nei! Sunpah ciah chang pang naw kyih ne hteh tak khai gui nei.

ISAIAH 32:9

Nang hnumi gui, azäi ah nami ghing om ci gui, ng’ä ai nak kä om ci, kei ah thu pyen cu ngai vä.

JEREMIAH 50:11

Bawipa naw pyen ci, “Babilonia chang gui, kei ah ka pakhui cu nami na gut ci nei. Nangmi cu htang leh ciah seipat ah mäih, hi ciah ng’se ah mäih ah nami yeikyai ci,

ISAIAH 47:10

“Nang cu akshe bi neta na bä ciah na ngai ci, a u naw kä ning hmuk ciah na ngai ci. Na cüivai nak la na lulang nak naw lam ning hma sak ci nei, Namät naw namät na pyen ci, ‘Kei cu khanpughi. Kei ah mäih a u kä om ci nei.’

ISAIAH 45:6

Kei naw shin ah ka bi ah phäh ah vang khocawi ah ka naw, vang khocawi ung khüt sei, chang nü naw, kei Bawipa ah ka kyak la a hei khanpughi kä om ci, ci cu hmat lawk khai gui.

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

NAHUM 1:10

Ng’hling chawng la htang gong chawng ah mäih ah nangmi yu nami awktat ci gui cu mei naw ning ui gui khai nei.

DANIEL 11:36

“Siria ghangpughang naw amät ah m’hni ah bik khai. Ani cu khanpughi nü ah dämduh pi ne, hlüngtai ciah Khanpughi ah phi bämcam pi ciah pyen ne khähghah khai. Ani naw Khanpughi naw am kyuk ah khin ung khüt sei, a cun ah bik khai. Khanpughi naw a pawng püi ah mäih ah akcang ah bik khai.

DANIEL 5:30

A cun ah mü ung Babilon ghangpughang Belshazzar cu ngawn ci gui;

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

DANIEL 4:22

Ghangpughang aw, nang cu ng’shäi ne m’htungkhong ciah sing ghing ah na kyak ci. Nang dämduh ng’ghawtai ne khankho mik na han pha ci, nang ah huham naw khomdek khan avan küm ci nei.

JEREMIAH 51:53

Babilonia naw khankho ah hang kai ne ng’tuk im khäng a caw hung phi acun m’di khai ah chang gui cu kei naw ka tüi khai nei. Kei, Bawipa naw ka pyen nei.”

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

SUKI GUI 18:27

Dan ung chang gui naw täigüpa la Mikah ah pyan gui ami lak dawn ah ngami naw hteit ne Laish cu tuk ci gui, cun cu dimdeeih ding gei ciah chang ah om nak ah kyak ci, Bethrehob ah om nak khaw ng’nawi bä ung om ci. Ngami naw chang gui cu ngawn gui u ne, gawnu phi m’khih ci gui. Ngami hun gui khai a u kä om ci, a i ah kyasei ci ung Laish cu Gidon awn ang lak shou ci, chang a hei a u awn phi kä hmu teng ci gui. Dan ung chang gui naw gaw sa ba u ne, acun ung om ci gui.

SUKI GUI 18:7

Cun kawn ah chang hma cu k’täi ne hteit u ne, Laish gawnu ah gawk ci gui. Ngami naw chang gui cu Sidonian gui ah mäih ah phiawng gai ne om u sei, hmuk ci gui. Ngami cu dimdeeih ne, dinggei ciah chang ah kyak ci gui, a u awn a i phi kä ng’cuh ng’vah ci gui; ngami ung ami ng’yak hlü avan om ci. Ngami cu Sidonian gui awn ng’shawng ne om ci gui, a u awn phi a täng ah kä om ci gui.

ISAIAH 14:14

Nang cu khaw ng’mei gui ah apam ah hang kai ne, m’gäi ciah kyak vai ah na pyen te ci.

ISAIAH 32:11

Nangmi cu, a yäi ah nami ghing om ci, ng’ä ai nak kä om ci; Cun ung phi tuh bäi, kyi ne ng’hlet vä! Nami sui sak gui sut u ne, pyonshe awn nami khei k’htün vä.

ISAIAH 45:5

“Kei cu khanpughi nei; cun kawn ah ahei khanpughi kä om ci. Nang naw kei cu kä na na hmat pang ung phi, kei naw nang ung hlü ciah thamah nak cu ka ning pek khai.

JEREMIAH 49:31

“Law vä! phiawn nak ngaih gep nak om ci, cik ciah chang gui tu gui vä! Ngami ah mang gaw gui cu m’kawt gui, khai nak gui akni kä om ci, kä khäng htek ciah kyak ci nei.”

EZEKIEL 28:2

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.

EZEKIEL 30:9

“Cun ah hnüüp gawk law sei, Egypt adi law ah a kyak ung, Sudan ung a i kä ngaih-tüh ah om ciah chang gui m’tholet gui khai ah kei naw chang gui htinpaw awn ka tüi gui khai, ngami cu kyikyawk khai gui. Cun ah hnüüp cu gawk lawk ci nei.

DANIEL 4:4

“Kei cu ka mang-im ung kyäp nep sei om ne, dämduh sei khawh mah ne ka yeikyai ci.

EZEKIEL 16:49

Ani la a hta hnumi gui cu Chang ah ng’shei ci gui, ai ah kyasei ci ung ngami cu ami ei vai da ci, ding gei sei adüm ah om ci gui, cun ung phi ngami naw dukhaih ci gui la zawken ci gui cu kä m’htei htang ci gui.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

NAHUM 3:4

Pawmyau ciah Nineveh naw m’kyuk nak gah ci. Ani cu chang hleeip thei ne, Sih nak awn be ci. Chang pakhui gui pluhplang gui ne, Kleihtein ah piang gui ci.

HABAKKUK 1:7

Ngami cu kyikyawk ne püigai u ne, chang ah ami ng’shei nak naw ami mät m’khoicha gui ci nei.