ISAIAH 47:6 - Cho Bible Common Language 2016

⁶ Kei cu ka chang gui ah khan ah ka m’lungshe te ci; ka mät ah kä chang gui ah mäih ah ka om püi gui te ci; Nang ah huham ah ka ah ka tha gui te ci, Cun ung phi nang naw kä na chimgein gui ci, aghipa gui phi akghatah na om püi gui ci.

ISAIAH 47:6 Referans Kwoze

ZEKHARIAH 1:15

Zeikyai ding gei ciah pakhui gui ah khan ah anghtei ah ka m’lungshe ci nei. A i ah kyaseici ung kei naw ka chang gui ah khan ah ka m’lungshe nak ka m’dang law vai ung, cun ah pakhui gui naw, ka chang gui ani geinvai vai ah akshe ah bik ci gui nei.

2 SHONTÄP NAK 28:9

Oded ming nak ciah Bawipa ah prophet cu Samaria mang gaw ung om ci. Israel gakap gui naw ami pha gui ah Judean gui law püi ne law ba u ne, mang gaw ung lut law vai u sei, hmu gui neta, a pyen nak gui cu, “Bawipa nami pupa gui ah Khanpughi cu Judah gui ah khan ah m’lungshe neta nangmi ning hnim sak gui ci, cun ung phi nangmi naw akshe ah nami ngawn gui cu ani naw ng’yak ci.

THULÄÄN NAK 28:50

Ngami cu ghat ghum u ne a ghi a hmaw ah khan ah chimgein nak kä m’dang khai gui.

OBADIAH 1:10

“Nang naw Jakob ah hta ng’shon, na mätyah hniim ne na ngawn ah hmawk ah ngawi yä nang cu ning m’di ne kä ning chang m’sui ba khai.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

SAM 69:26

Nang naw na m’kyuk cu ngami naw dukdeiu na tu ba ci gui; nang naw na leim bai sak nak gui awn geinvai sak ci gui ah mawng cu, ngami naw pyen ci gui.

OBADIAH 1:16

Ka chang gui naw m’kyuk nak ah khap a kha cu theingthap ciah ka khomhtung khan ah awk ci gui nei. Cun ung phi a peileng ah pakhui gui avan naw cun ah kha pi ciah m’kyuk nak ah khap cu awk khai gui nei. Cun gui avan cu aw yawp u neta akholä ah kyak khai gui nei.

ISAIAH 14:17

Mang gaw gui m’di ne, khaw cu khaw ng’gau ah ng’lat. Sak ciah chang ah kä kya ne ang? Thawng kium ci gui kä m’hlawt ba gui phung ne, ami im ah kä hteh ba sak gui ciah chang ah kä kya ne ang?

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

MATTHE 7:2

Chang nami m’khoi chaa ah mäih ah Khanpughi naw ning m’khoi chaa gui khai. Chang nami m’khoi chaa nak ung nami bi ah mäih ah Khanpughi naw nami khan ah bi bik khai.

EZEKIEL 28:16

Nang cu yoi ne hleih ne na tawt law ci, acun naw kiawimsaa nak la katnak ung ning hteh püi ci. Cun ah kyasei theingcim ciah ka khomhtung na hteh tak vai ah ka ning k’tut ci, nang ning ngäng ciah khanchang naw nang cu pyü ciah lungka ning k’täm ci.

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

NG’ÄI KYAH 2:2

Bawipa naw Judah khaw ah pigaw päng cu amgein kaa ah m’di gui ci.

ISAIAH 43:28

Ning uk ci gui naw ka theingcim hmun lelawi sak ci gui. Cun ah kiasei Israel gui m’di nak gui vai ka law püi ci; kei naw ka chang gui ami päipih vai ah ka kyak sak gui ci.”

ISAIAH 13:16

Ngami naw am geinka ah kyasei ami hmuh gui ge ah ami hta hta gui cu sik khai ah m’hnoi gui khai gui, ami im gui cu gut gui khai gui, ami chu gui cu k’pyei gui khai gui.”

2 SAMUEL 24:14

David naw, “Tuh bäi kei ung ng’cet lawk ci nei! Cun ung phi chang naw ana m’kyuk vai kä ka ng’ya hlük ci. Bawipa amät bäng naw mikmi na m’kyuk gui sä, ani cu chi m’gein ciah kyak ci.”

ISAIAH 14:6

Cun gui naw chang gui cu m’lungshe ne shadam na u ne, ngami naw ami khäm ah pakhui gui cu kä ng’düm ne kdukdein nak ci gui nei.

JEREMIAH 50:42

Ngami naw amili la khim cu lak ci gui; ngami m’ghämce ci gui, m’gein nak kä om ci. Tuinu ah ng’güüt ah mäih ah ami k’se gui ami ng’cum cu kyak ci. Ngami cu Babilonia hnungtuk ne ng’tuk ge vai ah om ci gui.

NG’ÄI KYAH 1:14

Ani naw ka katnak avan gu ne la neta, avan atäng ah khit gui ci. Ani naw cun gui cu ka hnü ung veing ne bat sei, kei cu gih nak ah aka ung ka yung kya vük ci. Bawipa naw na ng’tuk püi ciam na pek ci, Kei cu ngami hnungtuk püi gui vai ah am geinka ah ka kyak ci.

NG’ÄI KYAH 1:21

“Ka hlaw ng’ei nak cu ngai vä, kei na shungvong ci a u kä om ci nei. Nang naw leigai ka khan ah law püi ci sei, ka ga gui cu yeikyai aih ci gui nei. Na shaitak ah kho hnüüp cu law püi yä, ka ga gui cu kei ah mäih ah yaica sak gui ä.

NG’ÄI KYAH 5:12

Kami ng’vai gui cu la gui ne ami m’awh gui nei, Kami ghipa gui cu kä ami chang m’sui gui nei.

2 SHONTÄP NAK 10:11

Na pyen nak gui vai, ‘Kapa naw nami khan ah phuih ak gih taih ci, kei naw cun ah mä gih ba pi ci ka taih khai. Ani naw mui pum awn ning that gui ci, kei naw sing pum awn ka ning that gui khai!” cik ci gui.

2 SHONTÄP NAK 36:17

Cun ah kyasei Bawipa naw Babilonia ghangpughang khü ne a tuk sak ah kyak ci. Ghangpughang naw Judah chang nong gui ngawn gui ci, Taigüim ung phi ngawn gui ci. Ani naw, a hmaw, ang vai, hnumi pami, ak gaw ak gai, a u phi kä chimgein ci. Khanpughi naw ami van ani am a ap ah kyak ci.

2 SHONTÄP NAK 36:20

Ani naw k’pawih ba ci gui ami van cu Babilonia ah hteh püi gui ci, ngami cu Persian uknak khaw a thawh law ung khüt sei ani ah htangshon ah changshäm ah kyak ci gui.

EZRA 5:12

Cun ung phi kami pupa gui naw khan kho Khanpughi cu m’lungshe sak ci gui nei. Ani naw chaldean pa ng’shon Babilonian ghangpughang Nebukhadnezzar am tu ne khäm sak gui ci nei. Taigüim m’shet u ne chang gui cu Babilonia ah hteh püi ne omktu ah tha gui ci gui.

NG’ÄI KYAH 4:16

Bawipa naw ngami cu kä ng’gui so püi ba gui ci. Amät naw püipiang sak gui ci. Taigü gui la ami ng’vai gui awn ng’shünpha nak a i phi kä m’dang ci.

ZEKHARIAH 1:12

Khankho chang naw, “M’gäi ciah Bawipa, nang cu Jerusalem la Judah mang gaw gui ah khan ah tuhbäi güt khawkum chihkip ung na m’lungshe ci nei. Nam’gein nak gui na m’dang vai cu khaw a i güt sho ba khai ang?” cine ng’shik ci.