ISAIAH 47:2 - Cho Bible Common Language 2016

² Getlung cu m’hlatä! Khai cu geetä! Na hmai uknak cu m’hlat ä! Na sui k’ni cu suut ä! Tui kah vai ah na k’hni cu zu chang ä!

ISAIAH 47:2 Referans Kwoze

MATTHE 24:41

Sum suk ci goi ah hnumi hnih ungka tumat cu hteh püi sei tumat cu pawih shüt khai.

ISAIAH 20:4

Assiria ghangpughang naw um ah khopäng goi ung ka apha gui ah thawngkium gui cu ami plui ah hteh püi gui khai nei. Aghi, ak hmaw, ngami cu ami plui ah phahnat kä ng’leh ne, ami khaang m’dang hteit khai gui nei, Egypt khaw cu thui ng’a sak khai gui.

SUKI GUI 16:21

Philistin gui naw ani cu pha u neta amik cu kawih ci gui. Cun kawn ah kaza ah hteh püi u ne, kyei gui awn khit u neta, thawng im kyong ah gawtlung gawt sak ci gui.

PHYAWN NAK 11:5

Egypt khaw ung ami hta htük gui phung si yawp khai. Mang im ung ng’tüi lawk ciah ghangpughang ah hta ung tüi ne, sum deeng ciah changshäm ah hta ung khüt sei sik khai gui. Seipat gui ah ami hta htük gui phi sik khai gui.

LUKA 17:35

Sum ng’gon ne suk ciah hnumi hnih ungka tumat cu la ne, tumat cu nawng shüt khai.

JOB 31:10

Kei ah ka chu naw ahei pami ah ei shong ne ahei pami ah ih phak ung ip sä.

MIKHAH 1:11

Shaphi chang gui nami k’plui ah lü ng’a ne dawng vä, Zaanan chang gui kä luh law ah kyap ne pigaw kyong ah nami om vai, Betheyela chang gui ah kyah nami ng’yak ung yii vai kä om ciah nami hmat vai.

HOSEA 2:3

Cun ah kä a bi ba ah a kyak ung ami hta nak ah hnüüp ah mäih ah ak plui ah ka kyak sak khai nei. Kei naw ani cu chawng ne ng’gau ciah khaw ah mäih ah ka kyak sak khai, ani cu tui gha ne sik khai nei.

NG’ÄI KYAH 5:13

Kami chang nong gui cu changshäm ah mäih ah htang neen khai gui ah ami k’tut gui nei. Pami hta gui cu sing gih aih khai ah phui u ne, kyu shüi shüi ci gui nei.

JEREMIAH 27:7

Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

JEREMIAH 13:26

Bawipa amät naw nami sui ning suh sak gui ne, ning lung aa sak gui khai.

JEREMIAH 13:22

Shin gui avan a i ah kyasei a kyak law cine, nami ng’shi ah a kyak ung — a i ah kyasei nami sui kheei sei sui she nami sui ang ma cun cu nami katnak cu kyih aih vai ah a kyak ah phäh ah kyak ci.

ISAIAH 32:11

Nangmi cu, a yäi ah nami ghing om ci, ng’ä ai nak kä om ci; Cun ung phi tuh bäi, kyi ne ng’hlet vä! Nami sui sak gui sut u ne, pyonshe awn nami khei k’htün vä.

ISAIAH 3:17

Cun ung phi kei naw ka m’kyuk gui khai-kei naw ami lu k’teiu pe gui ne, a luplup ah ka nawng gui khai.”

ATÜNNAK 24:65

Abraham ah chang cu, “Mikmi täng ah ana a vük ciah chang cu a u ang?” cine ng’shik ci. Ani naw, “Ani cu ka bawi nei” ci khäta, Rebekka naw hmai shung nak la ne a hmai shung ci.

1 KORIN 11:5

Khawihnah nak ung alu kä uk ne taigü ci, kä cun ung Thu pyein ciah hnumi cu a cei ng’yo m’sho ciah kyak ci; ani cu alu k’plut ciah hnumi awn a i kä ng’lak nak ci goi.

THUSHÄUTU 12:4

Nami hnga cu pang sei lam ungka k’aw cu kä nami ng’yak khai. Sum den ah k’aw la tumkhawn gui bäng nami ng’yak khai, kha ah ng’gin naw nami ih nak ungka ning m’thou gui khai.

ISAIAH 3:23

suinu ng’pam gui, linen kutghuh nak gui, hnü samsawm la lu ung sawm ah sam gui avan lak pe gui khai.

JEREMIAH 25:10

Yeikyai nak la lünlawi nak ah k’aw gui la ng’kawi cang nak pawi ah k’aw gui cu kei naw ka deeih sak khai nei. Ngami ung mei-im ungka vai situi phi kä om ba khai, pümhta phi kä om ba khai.

1 SHONTÄP NAK 19:4

Hanun naw David ah ng’shächang gui cu pha gui ne, ami m’khamu k’teiu pe gui ne ami suisak ami khei hang ung khüt khai ah k’teih pe gui neta akthuk ah tüi ba gui ci.