ISAIAH 47:13 - Cho Bible Common Language 2016

¹³ Nang cu ning m’cum’cäi khai om pang sei phi, na huham maih ci nei. Cecai ci gui na chang gui naw hmai ah law ne ning hun u sä. Ngami cu aisi ah mawng thei thang ci gui, khankhaw ung zone gui ah k’bou ne geei ci gui, ngami naw cha ät ung ka naw cha ät a i ah kya lawk khai ci cu, ning m’thein u sä.

ISAIAH 47:13 Referans Kwoze

ISAIAH 44:25

Kei naw cängbang ci gui cu akgu ah kyak sak gui ne, cecai ci gui ah pyen gui ka m’shet yawp ci. Cüivai ci gui ah ng’thu cu kei naw k’beng ne, Ngami ah cüivai nak cu gu-aang nak ah a kyak ah mawng ka dang sak ci.

EZEKIEL 24:12

Cun ung phi hnai gui läi cu meidäi ung kä maih yawp khai.

JEREMIAH 51:58

M’gäi ciah Babilon ah k’paang gui cu m’dek ung gawk khai ah gäi khai gui, ami täng hän m’kawt gui cu m’khih khai gui. Chang pakhui gui ah bilawh avan cu akholä ah kyak ci; Ngami ah k’tha nak gui cu meidäi ung maih ci. Kei, m’gäi ciah Bawipa naw ka pyen nei.”

ISAIAH 57:10

Nangmi cu ahei khanpughi gui shui ne nami cümbawng ung phi, kä nami m’lung k’si p ung ci. Nangmi naw shemshai ciah agup gui naw thagui ning pek gui ciah nami ngai ci, cun ah kya ne nami thagui kä ken law phung ci.

HABAKKUK 2:13

Nami nang gui ah pakhui gui cu, ami thagui akholä ah kia ne, ami cawh kyan avan cu mei m’lei ah kya yawp ci. Cun cu m’gäi ciah Bawipa ah bi ah kyak ci.

DANIEL 5:30

A cun ah mü ung Babilon ghangpughang Belshazzar cu ngawn ci gui;

ISAIAH 47:15

Nang naw na ghin ah pum mung na täng pang sak gui ah ce cai gui ah m’cäi nak cu nang ah khan ah a cun ah kyak khai nei. Ngami ami van naw ning hteh ta u ne, ami hteh nak hlü phäh phäh ah htei khai gui nei, tumat phi nang ning hun khai kä pawih khai nei.”

ISAIAH 8:19

Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.

ISAIAH 47:9

Cun ung phi, ashäng hta, hnüüp ät ung, cun gui avan cu kyak khai nei. Cecai nak gui avan na mang nak ah hnün ung Na cei la na hta gui cu maih khai gui nei.

JEREMIAH 51:64

Cun kawn ah na pyen vai, ‘Shin cu Babilon ah khan ah gawk lawk khai ah amawng nei — Cun cu hniim ne, kä phong law bap hung khai, a i ah kyasei ci ung cun cu ani ah khan ah Bawipa a law püi vai ah dishum nak ah a kyak ah phäh ah kyak ci.’” Jeremiah ah ng’thu cu shin ung ng’pyi ci.