ISAIAH 47:11 - Cho Bible Common Language 2016

¹¹ Leigai cu na khan ah gawk lawk khai, a i na ce cai nak naw phi kä ng’düm sak hlawt khai. Dishum nak cu ang ghit ah na khan ah gawk lawk khai — cun cu ng’mang ah phi kä na mang nak man ah kyak khai!

ISAIAH 47:11 Referans Kwoze

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

THU PHLAAN 3:3

Nami ng’thei tu la nami ng’yak tu gui cu shüm ba ne läk u ne, nami katnak ungka ng’yu ba vä. Kä na thawh law ah a kyak ung m’gui-ei ah mäih ah na om nak ah kei ka lawk khai nei, kei ka law nak vai ah a khin cu nang naw kä na hmat khai.

LUKA 12:59

Na puu kä na thung yawp phaa ah chuih thawng ungka kä na lut law ba hlawt khai, cine kei naw ka pyein ci” cine chang gui-am m’thein gui ci.

SAM 50:22

“Shin cu ngai vä, nangmi kei kä na shüm ci gui, kä cun ung — kei naw ka ning m’di gui khai, Ning hun gui ci a u kä om ba khai.

NEHEMIAH 4:11

Kami ga gui naw keimi naw kä ka mi hmu gui khai, keimi ah khan ah ngami naw ami bi law ge güt, a i ah kya te ci, ci cu kä pyen ah ngai u ne, keimi na ngawn gui ne, kami bi düm sak khai gui ah ngai ci gui nei.

MATTHE 18:34

ghangpughang cu m’lung she netah, cun ah chang cu a pu kä a thung yawp pha ah chuih kium khai ah thawng ung chum ci.

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

LUKA 17:27

Noah ni, htein-paw im kyong ah ami luh kawn ah tui naw lin gui sei, chang gui ami didap ah hnüüp kä gawk pha ung chang gui cu, ei ne aw ne, ng’chu-la ne om te ci gui.

SAM 35:8

Cun ung phi kä ami hmat ah didap nak naw pha gui khai nei, ami mät ah cuun ung ami mät awk u ne, ami mät ah m’vam ung ami mät kyak khai gui nei!

SAM 55:15

Ka gaa gui cu si hlah u sä; m’htei kho ah ak ghing ah hteit u sä! Akshe cu ngami ah m’lung ung la ngami ah im ung om ci nei.

SAM 73:19

Ngami cu ang ghit ah di ci gui; ang khä ah ng’pyi ci gui nei.

NG'THU K'THUUK~ 13:21

Cheishoh ci gui cu khüikha nak naw a khaw päng ah läk gui ci. Cun ung phi düng ciah chang gui cu akni ah m’cümhnah nak gah khai gui.

ISAIAH 13:6

M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.

ISAIAH 29:5

Jerusalem, nang ning tuk ci gui ah a khohei chang gui avan cu m’vut ah mäihah zong khai gui nei, kyih vai ah kyak ciah ami gakap gui cu htang gong chawng ah mäih ah zon gui khai nei. Ang ghitah, kä ngaih-tüh ah,

ISAIAH 30:13

Nangmi cu namishekak ci nei. Nangmi cu teek ne ng’bou ciah k’paang hlüng ah mäih ah nami kyak ci; nangmi cu ang ghit ah nami piawn khai nei.

ISAIAH 45:7

Kei naw akdei la a hmüp cu ka tüisho ci, Hriham la leigai cu ka law püi ci. Kei, Bawipa naw shin gui avan cu ka bik ci.

ISAIAH 47:9

Cun ung phi, ashäng hta, hnüüp ät ung, cun gui avan cu kyak khai nei. Cecai nak gui avan na mang nak ah hnün ung Na cei la na hta gui cu maih khai gui nei.

ISAIAH 48:8

Nangmi cu ning ngaih gep gui vai ah kä nami kyak ci, ang tä sei hnung tuk küknet ciah ning khü gui ci gui ah ka ning hmat gui ci. Cun cu nang mi naw shin ah mawng api phi kä nami ng’zak man la, Nami hnga ung ng’thu ng’lung ät phi kä a gawk law man ah phäh ah kyak ci.

ISAIAH 57:1

Chang k’ni gui cu sik ci gui, cung ah mawng cu a u naw kä hmat ci, a u naw i ah kä ngai ci. Cun ung phi ngami ami sih ung sih kiuk nak naw kä k’et ba gui ci.

JEREMIAH 51:8

Babilonia cu ang ghit ah yung kyak ci, ami m’di ah kyak ci! Acun ah phäh ah thüisei vä! Aleim ah phäh sei shui vä, m’tui ung khan ei hman khai nei.

JEREMIAH 51:29

Khomdek cu ng’tum ne thüng ci, a i ah kyasei ci ung Bawipa naw Babilonia cu bung hmu, a u ah kä om nak ah kyak khai ah abi nak vai a law püi ah phäh ah kyak ci nei.

JEREMIAH 51:43

Gawnu gui cu ten gung kyihkyawk vai ah kya u ne, a u naw kä a om nak, hteh phi a u naw kä a hteh nak ah tui kä om ciah bung ah kiakk ci nei.

NG’ÄI KYAH 1:21

“Ka hlaw ng’ei nak cu ngai vä, kei na shungvong ci a u kä om ci nei. Nang naw leigai ka khan ah law püi ci sei, ka ga gui cu yeikyai aih ci gui nei. Na shaitak ah kho hnüüp cu law püi yä, ka ga gui cu kei ah mäih ah yaica sak gui ä.

EZEKIEL 7:26

Lei gai tumat naw tumat läk lawk khai, ng’thu kshe cu ang shun ah name ng’yak khai. Prophet gui naw ami hmuh gui cu ami m’dang vai ah nangmi naw name ng’paa na gui khai. Taigü gui naw chang gui kä m’thei thang khai gui, agham hta gui naw m’shum thein nak kä pek khai gui.