ISAIAH 47:1 - Cho Bible Common Language 2016

¹ Bawipa naw pyen ci, “Babilon, na mang kiang ung ka kyum law ne, m’dek khan ah m’vut ung ngo ä. Ayanä nang cu ng’lami hta ah mäih ah a u naw kä a tuk man ah mang gaw ah na kyak ci, Cun ung phi nang cu kä na awigi hniphnoi ba ci! Tuhbäi nang cu khlei-htein ah na kyak ci!

ISAIAH 47:1 Referans Kwoze

JEREMIAH 51:33

Kä shou pha sei ga gui naw k’shawm gui ne, khlang ung htang leh ah mäih ah leh gui khai gui. Kei, m’gäi ciah Bawipa, Israel Khanpughi naw ka pyen nei.”

SAM 137:8

Babilon, nang cu na di khai nei. Keimi ah khan ah nang naw na bi ah hmawk ah ning thung ba ne bik ciah chang ah khan ah yeikyai nak om sä,

JEREMIAH 50:42

Ngami naw amili la khim cu lak ci gui; ngami m’ghämce ci gui, m’gein nak kä om ci. Tuinu ah ng’güüt ah mäih ah ami k’se gui ami ng’cum cu kyak ci. Ngami cu Babilonia hnungtuk ne ng’tuk ge vai ah om ci gui.

JEREMIAH 46:11

Egypt chang gui, Kilead ah hteit ne shei gui shui vä! Nami shei gui avan cu mang vai kä kyak ci, a u phi kä gai sak ci nei.

ISAIAH 3:26

Mang gaw m’kawt gui cu kyap ne ng’pyang khai gui, mang gaw amät cun phi m’dek ung akplui ah ngok ciah hnumi ah mäih ah kyak khai.

JEREMIAH 48:18

Dibon ung om ciah nang mi, m’taam nak ah hmun nami om nak ungka kyum law ne, m’dek ung m’vut ung ngo vä; Moab m’di ciah chang cu shin ung om ne, acun ah mang gaw k’pang gui cu m’di pyi ci nei.

ISAIAH 37:22

Bawipa naw pyen ci, “Sennacherib aw, Jerusalem mang gaw naw ning gaih tuk ci nei, ning päipih ci nei.

SAM 18:27

M’lung neim ci gui cu na hun gui ci, m’ghänce ci gui cu na ng’neim sak ci.

THU PHLAAN 18:7

Ani cu amät bämang ne ang päi ng’ye awn khin khai ah, yaica nak la geinvai nak ung gawk sak vä. A i ah kyasei ci ung, ani naw, “Kei cu mangnu ah ka kyak ci, hmeinu ah kä ka kyak ci, Kei ung a i yah ung phi thüisei nak kä om khai” ci ne a kyak ah hmawk ah kyak ci.

EZEKIEL 28:17

Nang cu na kyom nak awn na khähghah ci, na ming thang nak naw akgu ah mäih ah ning hnün thawh sak ci. Acun ah phäh ah kei naw nang cu m’dek ung ning chah ne, ahei ghangpughang gui ah phäh ah ng’thu bäi ah kyak khai ah ka ning nawng ci.

EZEKIEL 26:16

Tuinu ung hteithton ciah pakhui gui ah ghangpughang gui ami van cu ami mang kiang ung ka kyum lawk khai gui. Ngami cu ami suinu gui la ami cüiche sui gui sut u ne, ng’hlet ne m’dek ung ngok khai gui. Ngami naw nangmi ah kyak cu hmu u neta kyikyawk aih u ne, ami ng’hlet cu kä düm hlawt ci gui.

NG’ÄI KYAH 4:5

Buh akni pi ei man ciah chang gui cu lam gui ung ei cawi ne sik ci gui. Bämang nak ung ng’shüm lawk ci gui naw ami ei vai bäng ng’ya hlük ci gui.

NG’ÄI KYAH 2:21

Chang nong gui la aghipa gui cu atäng ah lam ung si ne ng’yän ci gui. Pami hnumi chang nong gui cu ga gui ah khimsem gui naw ngawn gui ci gui nei. Na m’lungshe nak ah kho hhnüüp ung chimgein nak kä om ciah nang naw na ngawn sheh gui ci nei.

NG’ÄI KYAH 2:10

Jerusalem ung aghi ng’vai gui m’dek ung adüm ah ngok ci gui, Ami lu cu m’vut bäng ah kyak ci. Ami pum ung suishe sui ci gui. Hnumi nong gui naw ami lu awn m’dek ung kawp ci gui.

JEREMIAH 13:18

Bawipa naw na pyen nak ci, “Ghangpughang la anu cu m’thein goi vä, ami mang kiang ungka kyum law u sä, a i ah kyasei ci ung ngami ah kyom ciah lukhu cu ami lu ungka kya law pyi ci nei.

ISAIAH 52:2

Jerusalem, na phyawn vai ah ng’kia ä! M’vut ung ka tho ne na mang kiang ung ngo ä! Ami pha ah Zion chang gui, ning khit gui ciah m’si gui cu k’phian vä!

ISAIAH 26:5

Chang ah ng’shei ci gui cu ani naw yuk neim sak gui ne; khäng ciah mang gaw, ngami ah om nak cu m’di ne, acun ah vongpang gui cu m’vut khui ung yuk chah ci.

ISAIAH 23:12

Sidon mang gaw, nang ah yeikyai nak cu ng’pyi pyi ci nei, na chang gui cu skedam na gui ci gui nei. Ngami cu curt ne caiprus ah nami hteh ung phi, phiawn nak kä om khai nei.

SAM 89:44

Nang naw na mang hteipawng cu ghawh pe ne, a mang kyang cu m’dek ung na chak pek ci.

JOB 2:13

Ngami nawmu chih la hnüüp chih ung a i phi ka pyen ne ani cu hngoh pui ci gui. A i ah kyasei ci ung ani a i hlawk ah ayaica cu ngami naw hmuk ci gui.

JOB 2:8

Joba cu hlut khei a chet nak vai k’am heeuh akpi lanetam’vut ung htiet ne ngok ci.

HAKKAI 2:22

uknak khaw gui avan lat ne, ami huham ka ng’pyi sak khai. Ng’hlee gui la kaih ci gui ka lat gui khai, ami ng’se gui sik khai gui, ng’cuum ci gui ng’ngawn tuk khai gui.

JONAH 3:6

Nineveh ghangpughang naw cun ah mawng cu ng’ya neta, Mangkyang ungka tho law ne, a suinu suut ne, m’vut ung ngok ci.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

JEREMIAH 50:1

Shin cu Babilon mang gaw la a chang gui ah mawng Bawipa naw ana pek ah ng’thu ah kiah ci:

ISAIAH 13:13

Kei, m’gäi ciah Bawipa naw, ka m’lungshe nak ka m’dang hnüüp ung, kei naw khankho ka thüng sak khai, khomdek cu amät ah om ah akpung ung thüng khai.

ISAIAH 14:1

Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.

ISAIAH 21:1

Shin cu Babilonia ah mawng thumkhäh ah kyak ci. Khawng gau khaw kan ne ng’pheet lawk ciah kuiphak ah mäih ah. Leigai cu kyih vai kyak ciah khaw ung ka gawk lawk khai nei.

JEREMIAH 51:1

Bawipa naw pyen ci, “Kei naw Babilonia la a chang gui hnungtuk he m’di gui khai ah khokhi cu ka law püi ci.

JEREMIAH 51:51

Nangmi naw nami pyen khai, keimi cu kami thangshe sei kami thui ng’aa ci nei; keimi na bawm gui khai kä om sei kami yai ci nei, a i ah kyasei ci ung Taigüim kyong ah a Theingcim nak ah hmun cu a khohei chang gui naw la pyi ci gui nei.