ISAIAH 46:4 - Cho Bible Common Language 2016

⁴ Kei cu nami na khanpughi nei, nangmi ghi ne nami lu ang pyok güt kei naw ka ning m’htei gui khai nei. Kei naw ka ning pyang gui ci, ka ning m’htei gui khai nei. Kei naw ka ning bawm gui khai, ka ning gung gui khai.

ISAIAH 46:4 Referans Kwoze

SAM 71:18

Kei ka ghi lawk ci, ka lu phi ng’pyok ci, O Khanpughi, kä na nawng en ä! Na hlüngtai nak la na huham cu ng’shon päng ung ka ng’shäu güt, na om püi ä.

SAM 48:14

“Shin ah Khanpughi cu ngawi yä mi Khanpughi nei; Ani naw ngawi yä lam na m’shüm gui khai nei.”

HEBRU 13:8

Bawipa Jesuh Khrit cu yanta, tuhngawi, ngawi yä, käng khukhlat phung ci.

SAM 92:14

Cun cu a ghi law güt m’theih ne, angtäi sei m’kim ne khäng khai gui nei.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

HEBRU 1:12

Nang naw yihphak cho ah mäih ah ngahmi cu na cho gui khai, Ngahmi cu suisak ah mäih ah ng’lat yawp khai gui. Cun ung phi nang cu kä na khukhlat ci, Na ghin nak cu kä ng’pyi hlawt ci nei.”

ROMAN 11:29

Khanpughi naw a u chang phi ghü ne hrilham a peit kawn ah, Khanpughi naw am lung kä m’thawng ba ci.

MALAKHI 3:6

Kei cu Bawipa ah ka kyak ci, kä ka ng’thawng ci. Jakob ah hta ng’shon gui cu kä maih yawp khai gui nei.

ISAIAH 43:25

Cun ung phi kei cu nami katnak ning m’geinsei gui ciah khanpughi ah ka kyak ci, kei cu kei ah kya ne shin ah ka bi ah kyak ci. Ning hnung’tuk püi gui khai ah nami kat nak kä ka kawt khai nei.

ISAIAH 41:4

Shin ah kya lawk khai ah bik cicu a u ang? A u naw ang ng’shonlam manngma a kyak sak ve? Kei, Bawipa cu ang tün nak ung ka om ci, Kei, Bawipa cu akhüt nak ung phi ka om khai nei.

ISAIAH 43:13

Kei cu khanpughi nei, ang täih ah a cun ah ka kyak khai nei, kei ah ka huham ung ka, a u kä phyawng hlawt khai, kei ah ka bi cu a u naw kä m’thawng hlai hlawt khai.”

MALAKHI 2:16

Israel Khanpughi Bawipa naw, “Ng’cha nak cu kei naw ka thüi nak ci, Nangmi ungka tumat mat naw shin ah mäih akshe cu, ak chu ah khan ah abi ung kei naw ka thüi nak ci. Nami chu ung bekhüt ne, shaitak kä nami m’shet en vai ah ng’htei cha ne nami om vai nei” cik ci.

THULÄÄN NAK 1:31

bungpuk ung nami hmuh ah mäih ah kyak khai. Ani naw lam pum ung shin ah hmun ung khüt lawk khai ah apa naw a hta apäm ah mäih ah ning law püi gui ci.’

SAM 68:19

A hnüüp tä mi phuih na phuih pe gui ciah Bawipa cu m’taam vä; Ani cu na hun gui ciah Khanpughi nei.

SAM 71:9

Kä na hnu ng’tuk püi en ä, kei ka ghi lawk ci; kä na nawg düt en ä, kei ka tha ken lawk ci.

ISAIAH 48:12

Bawipa naw pyen ci, “Kei cu na ngai vä, ka chü ah chang Israel gui! Kei cu khanpughi, tün nak la khüm nak nei, kei bäng khanpughi nei!