ISAIAH 46:2 - Cho Bible Common Language 2016

² Agup gui naw ami mät naw ami mät kä hunhning a gui; Ngah mi cu khäm gui ne a hei ah hteh püi ci gui. Shin cu Babilon khanpughi gui ah ng’pyi nak ah kyak ci!

ISAIAH 46:2 Referans Kwoze

JEREMIAH 48:7

“Moab, nang cu na thagui la na khawh cham na ngaih u ci, cun ung phi tuhbäi nang cu ning hnim khai gui; Nami khanpughi chemosh cu a manghta gui la a taigü gui mah ah omktu khaw ah hteit khai gui

2 SAMUEL 5:21

Philistin gui cu dawng u ne, a gup gui cu nawng shüt u sei, David la ak chang gui naw a hei ah hteh püi ci gui.

SUKI GUI 18:24

Mikah naw, “A i nami pyen hlü ang? a i ah ang a kyak? Nangmi naw ka taigü la ka pyan ah khanpughi gui la ne nami hteit ci nei! Kei ung a i ang ak pawih ba” cik ci.

ISAIAH 45:20

Bawipa naw pyen ci, “Chang pakhui gui atäng ah law vä, mang khaw ang kiak sangung k’pawih ci gui avan; Ami sing a gup gui phlu u ne, kä hun gui hning ciah khanpughi gui ah taigü ci gui. Yung ah m’kawt ung nami mät ah mawng pyen law vä!

ISAIAH 44:17

K’pawih ba ciah sing cu ani naw a gup ah pyang ci, cun kawn ah ani cu m’khuk dong ne, a cun cu khawihnah ci. A cun ah ani naw taigü neta a pyen cu, “Nang cu ka ning khanpughi nei, na hun ä!”

ISAIAH 37:19

ami khanpughi gui cu m’khih gui ci-cun ah kya sei, ngami ung khanpughi kä om ba ci, hnicim chang naw a kut awn a pyan ah sing la lung a gup gui bäng om ci.

ISAIAH 37:12

Ka pupa gui naw kozan, Haran la Rezeph mang gaw gui cu m’di u ne, Telassar ung om ciah Betheden chang gui cu ngawn gui ci gui, a u ami khanpughi naw phi kä hun gui ci nei.

1 SAMUEL 5:3

A ngawi ung khaw ngawi hta, Dagon ah a gup cu m’dek ung a hmai yuk m’hleih ne kyu ne, Bawipa ah Thukhän M’küm ah ma ah ng’yän ci. Cun ah chang gui naw m’thou ba u ne, a hmun ung tha ba ci gui.

ISAIAH 30:6

Shin cu htum täng khong’gau ung om ciah khisa gui ah phäh ah khanpughi ah ng’thu ah kyak ci: Ng’shäbawi gui cu kyihkyawk vai ah khaw kan ne hteit hton ci gui. Cun ah khaw ung phong kawng gui, k’phyu m’äm mah gui, k’phyu ng’phai mah gui om ci. Ngami aw ami ng’sela gui la ami kala uk gui ung a phu küi m’cümhnah gui cu taih u ne, kä m’hteihtang gui hning khai ah pakhui ah hteh püi ci gui.

JEREMIAH 51:47

Cun ah kyasei Babilonia ung agup gui kei naw ka ng’thumcha nak vai ah akhin cu gawk lawk ci nei. Khopäng avan cu lü ng’aa sak ne, a chang avan cu ngawn gui khai gui nei.

DANIEL 11:8

Ani naw ami khanpughi gui ah agup gui la a cun ah khanpughi gui ami khawihnah nak ah ghui la ngui khawh gui cu Egypt khaw ah hteh püi ba ci. A ding gei nak khokum a shou kawn ah,

NAHUM 1:14

Shin cu Assirian gui ah khan ah Bawipa naw Am khoicha nak ah kyak ci: “Ngami ung ami ming thung khai ah htangshon kä om ba khai. Ami Taigüim ung ami khanpughi ah a gup gui cu ka m’di yawp khai. Kei naw Assirian gui ah ng’ciim hmun ka piang ci — ngami ami ghin ba vai kä khin ci!”