ISAIAH 46:1 - Cho Bible Common Language 2016

¹ Shin cu Babilon khanpughi gui ah ng’pyi nak ah kyak ci nei! A zan ung Bel la Nebo cu khawihnah man ci gui, Cun ung phi tuhbäi sela ah phuih vai ah kyak sak ci gui.

ISAIAH 46:1 Referans Kwoze

JEREMIAH 51:44

Kei naw Babilonia khanpughi Bela cu ka m’kyuk khai, am guuk ah khawh gui a chah vai ah ka cik khai: a u pakhui naw phi kä khawihnah ba khai. “Babilon k’paang gui cu ng’kia pyi ci nei.

ISAIAH 21:9

Ang ghit ah shin ung lawk ci gui nei! Se cun ciah chang gui, hnih ci hnih ci ah. Ngäng ci naw pyen lawkci, “Babilon cu zu ng’kia pyi ci nei! Ami khawihnah ah a gup gui avan cu hnget ne ng’kiam ne m’dek ung ng’zän ci gui nei.”

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

JEREMIAH 51:52

Cun ah kyasei kei naw Babilonia a gup gui ka ng’thumcha nak vai ah hnüüp la khopäng avan ung leimbai ci gui ami ng’hlo-ei nak vai ah hnüüp la khopäng avan ung leimbai ci gui ami ng’hlo-ei nak vai ah hnüüp cu gawk lawk ci nei.

JEREMIAH 51:47

Cun ah kyasei Babilonia ung agup gui kei naw ka ng’thumcha nak vai ah akhin cu gawk lawk ci nei. Khopäng avan cu lü ng’aa sak ne, a chang avan cu ngawn gui khai gui nei.

JEREMIAH 10:5

Cun ah a gup gui cu pacüh lo ung biit hta m’kyih nak ah mäih ah kyak ci gui; kä ng’thu thei ci gui; Ngami cu kawh chan gui vai ah kyak ci gui, a i ah kyasei ci ung ngami cu kä hteit hton hlawt ci gui. Kä nami kyih gui vai; ngami naw akna ah kä ning bi hlawt khai gui, akni phi kä ning bi pe hlawt khai gui.”

ISAIAH 2:20

Cun ah hnüüp a gawk law ung ghui la ngui ann ami pyan ah a gup gui cu ngami naw ghawt khai gui, k’bui gui la palak gui ah ng’lung ah nawng gui khai gui.

1 SAMUEL 5:3

A ngawi ung khaw ngawi hta, Dagon ah a gup cu m’dek ung a hmai yuk m’hleih ne kyu ne, Bawipa ah Thukhän M’küm ah ma ah ng’yän ci. Cun ah chang gui naw m’thou ba u ne, a hmun ung tha ba ci gui.

PHYAWN NAK 12:12

“Cun ah mü ung Egypt khaw avan yäu ne ka hteit khai, chang gui la seime gui ah hta htük gui phung ka ngawn khai. Egypt gui ah khanpughi gui avan ka m’kyuk khai. Kei cu Bawipa nei.

MATTHE 23:4

Ngami naw chang gui-am gih ne phuih khit vai kyak cicu phuih sak ci gui, ami mät läi naw cun ah phuih cu ami kut m’dawng awn phi kä tawn hlük ci gui.

KHEI NAK 32:38

Nebo, Baal Meon (Shin ah ming cu ami m’thawng), la Sibmah ah kyak ci. Ngami naw akthai ah ami cawh ba ah gawnu gui cu ang ming akthai sui ba ci gui.

ISAIAH 30:6

Shin cu htum täng khong’gau ung om ciah khisa gui ah phäh ah khanpughi ah ng’thu ah kyak ci: Ng’shäbawi gui cu kyihkyawk vai ah khaw kan ne hteit hton ci gui. Cun ah khaw ung phong kawng gui, k’phyu m’äm mah gui, k’phyu ng’phai mah gui om ci. Ngami aw ami ng’sela gui la ami kala uk gui ung a phu küi m’cümhnah gui cu taih u ne, kä m’hteihtang gui hning khai ah pakhui ah hteh püi ci gui.

ISAIAH 45:20

Bawipa naw pyen ci, “Chang pakhui gui atäng ah law vä, mang khaw ang kiak sangung k’pawih ci gui avan; Ami sing a gup gui phlu u ne, kä hun gui hning ciah khanpughi gui ah taigü ci gui. Yung ah m’kawt ung nami mät ah mawng pyen law vä!

ISAIAH 46:7

Ngami naw ami phleing ung taih ne kawt ne hteh püi ci gui. Ngami naw hmun tumat ung tha ci gui. Ngami naw hmun tumat ung tha ci gui, a cun ung ani cu ng’düi ci, ani cu ang düih nak ung ka, kä ng’nawn hning ci. Chang tumat mat hteit ne ak taigü ung, ani naw kä m’shang hning ci, leigai ung phi kä hun hning ci.

JEREMIAH 50:38

Cun ah khaw ung khaw käu sak ne, atuinu gui cu kawi sak vä. Babilonia cu kyihkyawk vai ah agup gui ah om nak ah khaw ah kyak ci, acun naw chang gui gu sak gui ci.

DANIEL 3:14

Ani naw ngami am, “Shadrak, Meshak la Abedneko, kei ah ka khanpughi khawihnah vai ah kei ah ka ng’lin ah ghui gup ah ma ah m’khuk dong vai ah, nami mak ci, cicu akcang ang?

DANIEL 11:8

Ani naw ami khanpughi gui ah agup gui la a cun ah khanpughi gui ami khawihnah nak ah ghui la ngui khawh gui cu Egypt khaw ah hteh püi ba ci. A ding gei nak khokum a shou kawn ah,

NAHUM 1:14

Shin cu Assirian gui ah khan ah Bawipa naw Am khoicha nak ah kyak ci: “Ngami ung ami ming thung khai ah htangshon kä om ba khai. Ami Taigüim ung ami khanpughi ah a gup gui cu ka m’di yawp khai. Kei naw Assirian gui ah ng’ciim hmun ka piang ci — ngami ami ghin ba vai kä khin ci!”

JOB 39:11

Nang naw dämduh ciah ani ah thagui cu na mang hlawt khai aw? Gih aih ciah nang ah bii cu na bi sak hning khai aw?